1 Samuel 21:5 - DIOSPA QHELQACHISQ

⁵ 5 (6) Chantá David Sacerdoteman kuticherqa: Ama chaymanta llakikuychu. Sapa kuti maqanakoj llojsinaykupajqa warmiykuwan mana puñuykuykuchu. Kay kutipi noqayku mana maqanakojchu llojsimuyku chaypis, runaykunaqa mana warminkuwan puñuykorqankuchu. Chayrayku paykunaqa Diosman qayllanankupaj jina llimphuchasqa kashanku, nispa.

Qheshwa Biblia DC

⁵ Davidtaj sacerdoteman kuticherqa: Cheqamanta sapa maqanakuman llojsispaqa warmismanta karunchakunkupuni. Kay jamusqaykoqa mana maqanakupaj nisqapischu karqa, chaywampis runasneyqa llimphuchakorqankuña llojsimunaykupajqa, jinamanta kunanqa aswan llimphuchasqas kashayku.

DIOSPA QHELQACHISQAN DEUTEROCANONICAL

⁵ 5 (6) Chantá David Sacerdoteman kuticherqa: Ama chaymanta llakikuychu. Sapa kuti maqanakoj llojsinaykupajqa warmiykuwan mana puñuykuykuchu. Kay kutipi noqayku mana maqanakojchu llojsimuyku chaypis, runaykunaqa mana warminkuwan puñuykorqankuchu. Chayrayku paykunaqa Diosman qayllanankupaj jina llimphuchasqa kashanku, nispa.

1 Samuel 21:5 ပူးပေါင်းရင်းမြစ်များ

Éxodo 19:14

Chantá Moisés orqomanta urayk'amuspa, runakunata Diosta yupaychanankupaj wakicherqa. Paykunataj p'achankuta t'ajsakorqanku.

Éxodo 19:15

Chantá nillarqataj: Minchhapaj sumaj wakichisqa kanaykichej tiyan. Chayrayku ama warmiykichejwanpis puñunkichejchu, nispa.

Éxodo 25:30

Chantá chay mesaman churanki noqaman qonawaykichej t'antata, chaytaj ñawpaqeypi kanallanpuni tiyan.

Levítico 24:9

Tata Diospa ñawpaqenpi churasqa t'antaqa Aaronpaj, churinkunapajwan kanqa. Paykunataj chayta Diospaj T'aqasqa Cheqapi mikhonqanku, imajtinchus Diosman jaywasqa t'antaqa Diospaj t'aqasqamin, chayrayku, nispa.

Levítico 8:26

Chantá Tata Diospa ñawpaqenpi kaj mana levadurayoj ruwasqa t'antayoj canastamanta mana levadurayoj tortillata orqhorqa. Orqhollarqataj aceitepi chayachisqa tortillata, aceitewan jawisqa tortillatawan. Chaykunatataj wira pataman, paña pierna pataman ima churarqa.

Hechos 9:15

Tukuyta Kamachej Jesustaj nerqa: Rillay, imaraykuchus noqaqa payta ajllakuni kamachiy kananpaj, noqamanta willananpaj mana judío kajkunaman, kuraj kamachejkunaman, jinallatataj israelitakunamanpis.

1 Corintios 7:5

Chayrayku qhari warmeqa puñuykukunaykichejta ama jark'anakuychejchu. Qhari warmi parlarikuspa, ichapis mana unaypajchu puñuykukuyta saqewajchej, Dioswan parlarikuspa kanaykichejpaj. Chaymanta qhari warmi jina watej puñukapunallaykichejtaj tiyan, ama Kuraj Supay juchallichisunaykichejpaj mana kakuyta atisqaykichejrayku.

1 Pedro 3:17

Aswan walej, allinta ruwasqaykichejrayku ñak'arinaykichejqa, Diospa munaynin ajina kajtenqa, manataj mana allin kajta ruwasqaykichejraykuchu.