1 Samuel 20:5 - DIOSPA QHELQACHISQ

⁵ Davidtaj Jonatanman kuticherqa: Q'aya p'unchayqa mosoj killa raymi kanqa, noqataj kuraj kamachejwan khuska mikhunay kashan. Ama jinachu kay, saqeriway ch'inman rispa, minchha tardekama pakakamunayta.

Qheshwa Biblia DC

⁵ Davidtaj kuticherqa: Q'aya p'unchayqa mosoj killa fiesta kanqa, chaypitaj reywan khuska tiyaykuspa mikhunay kashan. Qanqa saqeway campoman rispa, minchha tardekama pakakamunayta.

DIOSPA QHELQACHISQAN DEUTEROCANONICAL

⁵ Davidtaj Jonatanman kuticherqa: Q'aya p'unchayqa mosoj killa raymi kanqa, noqataj kuraj kamachejwan khuska mikhunay kashan. Ama jinachu kay, saqeriway ch'inman rispa, minchha tardekama pakakamunayta.

1 Samuel 20:5 ပူးပေါင်းရင်းမြစ်များ

2 Reyes 4:23

Qosantaj nerqa: Imaraykutaj kunan paywan parlaj riyta munankiri? Mana killa rikhuriy jatun p'unchaychu, nitaj samarina p'unchaychu, nispa. Paytajrí nerqa: Ama imamantapis llakikushaychu, nispa.

Salmos 55:12

12 (13) Mana awqaychu sonqoyta k'arachiwan. Chaytaqa pacienciakuyta atiyman. Nitaj chejnikuwajchu contraypi oqharikun, paymantaqa pakakuyta atiyman.

Salmos 81:3

3 (4) Mosoj killata putututa waqachiychej, jinallataj killa sut'iyay kashajtinpis, imajtinchus chay p'unchayqa jatun raymita ruwana p'unchaymin.

Proverbios 22:3

Yuyayniyoj runaqa llakiykuna jamushasqanta reparaspa, pakakun. Mana yuyayniyojrí mana kasuta ruwaspa, ñawpajman rillanpuni, llakiyta tarikuspataj ñak'arin.

Amós 8:5

Qankuna ninkichej: Mayk'ajllañataj mosoj killa raymi tukukonqa trigota ranqheyananchejpajri? Mayk'ajllañataj samarina p'unchay tukukonqa trigota kurajpi, chantá suwa romanapi ranqheyananchejpajri?

Números 10:10

Jinallataj raymita ruwanaykichejpaj, chantá mosoj killa raymita ruwanaykichejpaj ima, trompetata waqachinkichej. Jinallataj q'olachispa Tata Diosman jaywanata jaywashaspa, allinyakuy jaywanata ima jaywashaspa, trompetata waqachillankichejtaj. Ajinata ruwajtiykichej, noqa qankunamanta yuyarikusaj. Noqamin Tata Diosniykichej kani, nispa.

Números 28:11

Killa qallariyta mana iman imanasqa iskay torillota, uj carnerota, uj watayoj qanchis corderotawan ima q'olachispa, Tata Diosman jaywankichej.

San Juan 8:59

Chaymanta judiokunaqa Jesusta ch'anqaykunankupaj rumita oqharikorqanku. Paytajrí paykunaj chawpinkuta rispa, Temploj pationmanta llojsiporqa.

Hechos 17:14

Chantá wawqe panakunaqa Pablota usqhayllata kacharpayarqanku, mama qochaj kantunman rinanpaj. Silaswan, Timoteowantajrí Bereapi qhepakorqanku.

Colosenses 2:16

Chayrayku qankuna ama kasuta ruwaychejchu pipis imatachus mikhusqaykichejmanta, chayrí ujyasqaykichejmanta juchachasojtiykichej. Amallataj kasuychejchu pipis raymikunata mana ruwasqaykichejmanta, nitaj killa qallariy raymita, samarina p'unchaytapis mana maypaj qhawasqaykichejmanta juchachasojtiykichej.

1 Samuel 19:2

chayta payman willamorqa: Tatay Saulqa wañuchisuyta munan. Q'ayaqa allinta qhawakuspa purinki. Maynejllapipis sumajta pakakuy.

1 Samuel 20:18

Jonatán nillarqataj: Q'ayaqa mosoj killa raymi kanqa, qanpa tiyanaykitaj ch'usajlla kajtin, watukusonqanku.

1 Samuel 20:19

Kinsa kaj p'unchaypiraj astawan watukusonqanku. Chayrayku ripuy, qayna maypichus pakakorqanki, chayman. Q'aya minchhataj Ezel rumi qayllapi suyawanki.

1 Samuel 20:24

Chantá Davidqa ch'inman pakakoj rerqa. Mosoj killa raymi chayamojtintaj, kuraj kamachej Saulqa mikhunanpaj tiyaykorqa.

1 Samuel 20:27

Killa qallariymanta q'ayantinpis, Davidpa tiyananqa ch'usajllapuni kasharqa. Chaypacha Saulqa churin Jonatanta taporqa: Imaraykutaj Yeséj churin David mana qayna mikhoj jamunchu, nitaj kunanpisri? nispa.

1 Samuel 20:4

Chantá Jonatán taporqa: Imatataj munanki qanpaj ruwapusunaytari? nispa.

1 Samuel 20:6

Tatayki noqata watukuwajtenqa, ninki: Nirikuwarqa saqenayta Belén llajtanman usqhayllata rinanpaj, chaypi tukuy ayllun sapa wata jaywanata Diosman jaywananku kasqanrayku, nispa.