1 Samuel 20:41 - DIOSPA QHELQACHISQ

⁴¹ Majt'illo ripojtinkama, Davidqa pakakusharqa, chaymanta llojsimuspa, Jonatanpa ñawpaqenpi kinsa kutita pampakama k'umuykukorqa. Chaymantataj ojllanaykukuspa, iskayninku waqanakorqanku, Davidpa sonqon tiyaykunankama.

Qheshwa Biblia DC

⁴¹ Chay kamachi ripojtinkamataj Davidqa pakasqa kasharqa chaymanta llojsimorqa. Jonatampa ñaupaqempitaj kinsa kutita k'umuykukorqa pampaman umanta chayachispa. Chaymantataj much'anakuspa iskayninku much'anakorqanku, Davidtaj astawan waqarqa.

DIOSPA QHELQACHISQAN DEUTEROCANONICAL

⁴¹ Majt'illo ripojtinkama, Davidqa pakakusharqa, chaymanta llojsimuspa, Jonatanpa ñawpaqenpi kinsa kutita pampakama k'umuykukorqa. Chaymantataj ojllanaykukuspa, iskayninku waqanakorqanku, Davidpa sonqon tiyaykunankama.

1 Samuel 20:41 ပူးပေါင်းရင်းမြစ်များ

Génesis 29:11

Chaymanta Jacobqa Raquelta uyanpi much'aykuspa napaykorqa, chantá mayta waqayta qallarerqa.

Génesis 29:13

Jinataj Labanqa pananpa churin jamusqanta yachaspa, usqhay usqhayta Jacobta taripaj rerqa. Chantá Labán Jacobta taripaytawan, ojllaykuspa much'aykorqa, chaymantataj wasinman pusarqa. Chaypitaj Jacob paywan imachus kasqanta Labanman willarqa.

Génesis 33:4

Esautajrí phawarispa, Jacobta taripaj rerqa. Chantá ojllaykuspa much'aykorqa. Jinapi iskayninku waqarikorqanku.

Génesis 42:6

Chaypacha José Egiptopi kamachishaspa, tukuynejmanta jamojkunaman trigota venderqa. Wawqenkunataj chayaytawan, Josejpa ñawpaqenpi pampakama k'umuykorqanku.

Génesis 43:28

Paykunataj k'umuykuspa, nerqanku: Tataykoqa walejlla kakushan. Kawsakushanraj, nispa.

Génesis 45:15

Chaymantataj José sapa ujta much'aykuspa, ojllaykuspataj, waqarikorqa. Chaymantaña wawqenkunaqa mana manchachikuspa paywan parlarqanku.

2 Samuel 1:2

Chay minchhantin, Saulpa soldadonkunamanta ujnin chayamorqa, llik'isqa p'achayoj, umantaj jallp'awan qhalliykusqa. David kasharqa, chayman chayamuspataj, k'umuykorqa pampaman umanta chayachinankama.

2 Samuel 1:26

Jonatán wawqéy, sinch'i llakisqa kashani. Noqaqa kikin wawqeymantapis astawan munakorqayki. Qanpa munakuyniykipis warmikunaj munakuyninkumantapis aswan karqa.

2 Samuel 14:4

Chantá Tecoamanta warmeqa kuraj kamachejpaman rispa, ñawpaqenpi pampakama k'umuykuspa, nerqa: Yanapariway ari, kuraj kamachejníy, nispa.

2 Samuel 19:39

39 (40) Chantá tukuy runakuna Jordán mayuta chimparqanku, kuraj kamachejtaj mayuta chimpaspaña, Barzilayta samincharqa, much'aykuspataj kachaporqa. Barzilaytaj wasiman kutiporqa.

2 Samuel 9:6

Saulpa allchhin, Jonatanpa churin Mefibosetqa Davidpa ñawpaqenman chayamuspa, pampakama k'umuykukorqa. Davidtaj nerqa: Qanchu kanki Mefiboset? nispa. Paytaj kuticherqa: Kaypi kashani, munayniykitapuni ruwanaypaj, kuraj kamachejníy, nispa.

1 Reyes 1:16

Kuraj kamachejman chimpaspataj, Betsabeqa pampakama k'umuykorqa, kuraj kamachejtaj payta nerqa: Imataj tiyanri? nispa.

1 Reyes 1:23

Jinataj kuraj kamachejpa kamachinkuna payman willarqanku Diosmanta sut'inchaj Natán chayamusqanta. Natantaj kuraj kamachejpa ñawpaqenpi yaykuspa pampakama k'umuykukorqa.

1 Reyes 1:31

Chantá Betsabeqa kuraj kamachejpa ñawpaqenpi pampakama k'umuykuspa, nerqa: Kuraj kamachejníy David, wiñaypaj kawsanaykita Dios munachun, nispa.

Hechos 20:37

Chantá tukuyninku waqarikorqanku, Pablota ojllaykuspataj, much'aykorqanku.

1 Samuel 10:1

Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

1 Samuel 18:3

Chantá Jonatanwan, Davidwan ima uj tratota ruwarqanku, Jonatán Davidta may jinata munakusqanrayku.

1 Samuel 20:40

Chantá Jonatanqa majt'illoman arconta, flechakunatawan jaywaspa, nerqa chaykunata apaspa, llajtaman kutipunanta.

1 Samuel 24:9

9 (10) Chantá nerqa: Wiraqochíy, imaraykutaj kasuta ruwanki: Davidqa qanta mana allinta ruwasuyta munaspa mask'ashasunki, nispa nisqankutari?

1 Samuel 25:23

Abigailqa Davidta rikuytawankama, burronmanta urayk'uspa, pampakama k'umuykorqa.