1 Samuel 20:31 - DIOSPA QHELQACHISQ

³¹ Yeséj churin kay pachapi kawsanankamaqa, kawsanayki, jinataj kuraj kamachej kanaykipis mana yachakonqachu. Ajinaqa Davidta mask'amojta kachaspa kayman pusachimuy, imaraykuchus wañunanpuni tiyan, nispa.

Qheshwa Biblia DC

³¹ Pay kay jallp'api kausashanankamaqa, mana qanqa allimpichu kanki, nitaj reinoykipis. Ajinaqa kunampacha kachay mask'amojta, pusachimuytaj, imaraykuchus wañunampuni tiyan.

DIOSPA QHELQACHISQAN DEUTEROCANONICAL

³¹ Yeséj churin kay pachapi kawsanankamaqa, kawsanayki, jinataj kuraj kamachej kanaykipis mana yachakonqachu. Ajinaqa Davidta mask'amojta kachaspa kayman pusachimuy, imaraykuchus wañunanpuni tiyan, nispa.

1 Samuel 20:31 ပူးပေါင်းရင်းမြစ်များ

2 Samuel 12:5

Chayta uyariytawankama, Davidqa qhapaj runapaj manchayta phiñakorqa. Natantataj nerqa: Tata Diospa sutinrayku tiluni: Chay runaqa wañunanpuni tiyan.

2 Samuel 19:28

28 (29) Tataypa tukuy ayllonqa wañunan karqa. Chaywanpis noqa kamachiykitaqa wajyachiwarqanki qanwan khuskallapuni wasiykipi mikhunaypaj. Imatawantaj mañakuyman qan kuraj kamachejniymantari? nispa.

Salmos 79:11

Uyariy presochasqa runakunaj waqasqankuta, atiyniykiwantaj kacharichiy, pikunachus wañuchisqa kanankupaj juchachasqa kanku, chaykunata.

1 Samuel 19:6

Chantá Saulqa churin Jonatanpa nisqanta uyarispa, qhaparerqa: Tata Diospa sutinrayku tiluni: Davidta mana wañuchisajchu, nispa.

1 Samuel 20:30

Chantá Saulqa sinch'ita Jonatanpaj phiñarikuspa, nerqa: Qanqa qhencha warmej wawan kanki. Manachu noqa yachani Yeséj churin Davidwan manchayta kawsakusqaykichejta? Chayqa qanpaj p'enqay, jinataj mamaykipajpis.

1 Samuel 20:8

Ajinaqa khuyaspa yanapaway kamachiyki kasqayrayku, Tata Diospa ñawpaqenpi noqawan qanwan tratota ruwasqanchejrayku. Noqajtapunichus juchay kashan chayrí, qan kikiyki wañuchiway. Ama tataykimanrajchu apaway, nispa.

1 Samuel 23:17

Nerqataj: David, ama manchachikuychu. Tatayqa mana tariyta atisonqachu. Qanqa Israel suyupi kuraj kamachej kanayki tiyan, noqataj qanpa qhepaykipi kasaj. Chaytaqa tatay Saulpis yachan, nispa.

1 Samuel 26:16

Ruwasqaykeqa mana walejchu. Tata Diospa sutinrayku tiluykichej: Qankunaqa wañuchisqa kanaykichejpaj jina kankichej, Tata Diospa ajllasqan kuraj kamachejta mana allinta qhawasqaykichejrayku. Kunanqa kuraj kamachejpa lanzanta, sawnanan chaynejpi yaku uypulantawan mask'ay ari, nispa.