1 Samuel 20:30 - DIOSPA QHELQACHISQ

³⁰ Chantá Saulqa sinch'ita Jonatanpaj phiñarikuspa, nerqa: Qanqa qhencha warmej wawan kanki. Manachu noqa yachani Yeséj churin Davidwan manchayta kawsakusqaykichejta? Chayqa qanpaj p'enqay, jinataj mamaykipajpis.

Qheshwa Biblia DC

³⁰ Chaypacha Saulqa sinch'ita Jonatampaj phiñarikorqa, nerqataj: Qanqa sajra warmej wawan kanki! Manachu noqaqa yachani chay Isaejpa wawampa sinch'i kausaqen kasqaykita, chaytaj qampajqa uj p'enqay, jinataj mamaykipajpis kasqanta?

DIOSPA QHELQACHISQAN DEUTEROCANONICAL

³⁰ Chantá Saulqa sinch'ita Jonatanpaj phiñarikuspa, nerqa: Qanqa qhencha warmej wawan kanki. Manachu noqa yachani Yeséj churin Davidwan manchayta kawsakusqaykichejta? Chayqa qanpaj p'enqay, jinataj mamaykipajpis.

1 Samuel 20:30 ပူးပေါင်းရင်းမြစ်များ

Job 5:2

Cheqapuni wamputaqa sinch'i phiñakuy wañuchin. Pichus payllapaj imatapis munajtaqa envidia tukuchin.

Proverbios 14:29

Mana usqhayta phiñarparikojqa jatun yuyayniyoj. Usqhayta phiñarparikojrí wampu kasqanta tukuyman rikuchin.

Proverbios 15:2

Yachayniyojkunaj siminmantaqa yachay llojsimun, wampukunaj siminkumantarí qhasi manakaj parlaylla llojsimun.

Proverbios 19:12

Sichus kuraj kamachej phiñakun chayqa, phiñasqa león jina qhaparin, k'acha kayninrí q'achu patapi chhulla jina.

Proverbios 19:19

Pichus anchata phiñakojqa llakiyllata tarikonqa. Sonqonta tiyaykuchiyta munanki chaypis, astawanraj phiñakonqa.

Proverbios 21:24

Jatunchakojta, asipayakojtataj “uma oqharej runa” ninku, anchata runaykachaspa purisqanrayku.

Proverbios 25:28

Pichus sapa kuti sonqonwan apachikojqa thuñisqa perqayoj llajta jina.

Proverbios 27:3

Rumiwan, t'iyuwanqa llasa kanku. Wampu runaj phiñakuyninrí astawan llasaraj.

San Mateo 5:22

Noqatajrí niykichej: Sichus pipis wawqenpaj phiñakun chayqa, juiciopi juchachasqa kanqa. Pichus wawqenta wampu nejpis Jatun Juntapi juchachasqallataj kanqa. Chantá, sichus pipis wawqenta maldicinman chayqa, lawrashaj nina qochaman wijch'uykusqa kananpaj jina kanqa.

Efesios 4:31

Qankunamanta tukuy jaya sonqo kayta, phiñakuyta, phiñasqalla puriyta ima wijch'uychej. Jinallataj qhaparqachayta, runata tumpayta, chantá tukuy imaymana mana allin puriyta ima wijch'ullaychejtaj.

Efesios 6:4

Qankunarí tata, mama, ama wawaykichejta phiñachiychejchu. Manachayqa paykunata uywaychej cheqan ñanman churaspa, jinataj Tukuyta Kamachej Jesuspa munasqanman jina yachachispa.

1 Samuel 20:29

Pay niwarqa: Ama jinachu kay, Belenman rejta saqeriway, imaraykuchus llajtaypi aylloyqa uywa ñak'asqata q'olachispa jaywayta yachanku, wawqeytaj kamachiwarqa rinayta. Chayrayku aylluyta waturikoj rinaypaj kacharinawaykita nirikuyta munayki, nispa. Chayrayku kuraj kamachejníy, Davidqa qanwan mikhoj mana jamunchu, nispa.

1 Samuel 20:31

Yeséj churin kay pachapi kawsanankamaqa, kawsanayki, jinataj kuraj kamachej kanaykipis mana yachakonqachu. Ajinaqa Davidta mask'amojta kachaspa kayman pusachimuy, imaraykuchus wañunanpuni tiyan, nispa.