1 Samuel 20:13 - DIOSPA QHELQACHISQ

¹³ Sitajchus tatay wañuchisuytapuni munasqanta yachaspa, mana willaykimanchu, nitaj ayqeyta yanapaykimanchu chayqa, Tata Diosqa mana khuyarikuwaspa ñak'arichiwachun. Tata Diostaj yanapasuchun, imaynatachus tatayta yanaparqa, ajinata.

Qheshwa Biblia DC

¹³ Tatay wañuchiytapuni munasonqa chayqa, noqataj chayta mana willaykimanchu, nitaj ayqeyta yanapaykimanchu chayqa, Señor sinch'ita jasut'iwachun. Señortaj yanapasuchun imaynatachus tatayqa yanaparqa ajinata!

DIOSPA QHELQACHISQAN DEUTEROCANONICAL

¹³ Sitajchus tatay wañuchisuytapuni munasqanta yachaspa, mana willaykimanchu, nitaj ayqeyta yanapaykimanchu chayqa, Tata Diosqa mana khuyarikuwaspa ñak'arichiwachun. Tata Diostaj yanapasuchun, imaynatachus tatayta yanaparqa, ajinata.

1 Samuel 20:13 ပူးပေါင်းရင်းမြစ်များ

2 Samuel 19:13

13 (14) David kamachillarqataj Amasaman ninankuta: Qanqa yawar masiy kanki. Jinaqa kunanmanta ñawpajmanqa Joabpa cuentanmanta soldadoykunaj kuraj kamachejninku kanki. Manachus nisusqayta junt'asaj chayqa, Tata Dios sinch'ita jasut'iwachun, nispa.

2 Samuel 3:35

Chantá tukuy runakuna Davidman jamuspa, imallatapis mikhurikunanta nerqanku. Davidtajrí tiluspa, paykunata nerqa: Tata Dios sinch'ita jasut'iwachun, manaraj ch'isiyamushajtin t'antata, chayrí imallatapis mikhuyman chayqa, nispa.

2 Samuel 7:15

Chaywanpis paymanta khuyakullasajpuni, manataj Saulta jinachu saqerpasaj. Saulta wijch'uspa, qanta churarqayki.

1 Reyes 1:37

Chantá imaynatachus Tata Dios qanwan karqa, ajinallatataj Salomonwanpis kachun. Paytaj Salomonpa kamachiynintapis qanpa kamachiyniykimanta aswan jatuntaraj ruwachun, nispa.

1 Reyes 19:2

Chantá Jezabelqa Eliaspaman ujnin kamachinta kachaspa, nicherqa: Qanqa Baalpa sut'inchajninkunata wañucherqanki. Chayrayku sichus q'aya kunanta jina, mana qanta wañuchiyki chayqa, diosniykuna noqata wañuchiwachunku, nispa.

1 Reyes 20:10

Chantá Ben Adadqa ujtawan Ajabman nichillarqataj: Samaria llajtata thuñisaj, manataj uj maki jallp'allapis wakenqachu soldadoykunaman qonaypaj. Sitajchus mana jinata ruwasaj chayqa, diosniykuna jasut'iwachunku, nispa.

1 Crónicas 22:11

Kunanqa wawáy, Tata Diosqa qanwan kachun, nisusqanman jina Tata Diosniykej Templonta ruwayta atinaykipaj.

1 Crónicas 22:16

Jinallataj qoriwan, qolqe metalwan, broncewan, fierrowan ima may chhika tiyan. Ajina ari, ruwaj sayaykuy. Tata Diostaj qanwanpuni kachun, nispa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

Filipenses 4:9

Jinataj noqaj yachachisqayta ruwaychejpuni, jinallataj simiymanta uyarisqaykichejta, chantá noqata ruwajta rikusqaykichejta ima ruwaychej. Ajinata ruwajtiykichejtaj, sonqo tiyaykuchej Dios qankunawan kanqa.

Josué 1:5

Kawsanaykikamaqa, mana pipis atipasonqachu, imaraykuchus noqa qanwan kasaj, imaynatachus Moiseswan karqani, ajinata. Mana jayk'ajpis saqesqaykichu, nitaj wijch'urpasqaykichu.

Rut 1:17

Wañusaj maypichá wañunki chaypi, chayllapitaj p'ampanawankuta munani. Wañuyllamin t'aqawasun. Manachus jina kanman chayrí, Tata Dios sinch'ita jasut'iwachun, nispa.

1 Samuel 10:7

Chay señalkuna qhatirisusqanta rikuspa, imatachus munasqaykita ruway, imajtinchus Tata Dios yanapasonqa.

1 Samuel 14:47

Israel suyuta kamachiyta qallarisqanmantapacha Saulqa muyuyninpi kaj tukuy awqakunawan maqanakorqa: Moabwan, Amonwan, Edomwan, Sobaj kuraj kamachejninwan, chantá filisteokunawan ima. Mayllamanpis maqanakoj risqanpi atipallarqapuni.

1 Samuel 17:37

Davidqa nillarqataj: Tata Diosqa leonpa siminmanta, jinataj jukumarej siminmantapis qhespichiwarqa. Jinallatataj kay filisteoj makinmantapis qhespichiwanqa, nispa. Chantá Saúl nerqa: Riy ari, Tata Diostaj yanapasuchun, nispa.

1 Samuel 18:12

Saultajrí, Dios payta saqerpayasqanta yachakuspa, Davidmanta manchachikorqa, imajtinchus Tata Diosqa Davidta yanapasqanta repararqa.

1 Samuel 19:3

Noqataj tataywan khuska, maynejpichus qan kashanki, chaynejta puriykacharej jamusqayku. Chantá qanmanta paywan parlasaj, imachus kasqantataj qanman willasqayki, nispa.

1 Samuel 20:12

Chaypitaj Jonatanqa Davidta nerqa: Israelpa Tata Diosninpa uyarinanta tiluspa, niyki: Q'aya minchha kunanta jina willasqayki. Tatayta tapuspa, yachasajña imatachus ruwayta yuyashasqanta. Sichus qanpaj walejllata parlanqa chayqa, willachisqayki.

1 Samuel 20:14

Chaykama kawsasajraj chayqa, imaynatachus qanta Tata Dios khuyasunki, ajinallatataj qanpis khuyarikuwanki. Wañupusaj chayrí,

1 Samuel 25:22

Chayrayku tiluspa: Tata Dios sinch'ita ñak'arichiwachun, sichus q'aya sut'iyanankama Nabalta chantá ayllunmanta tukuy qharita mana wañuchisaj chayqa, nispa.

1 Samuel 3:17

Elitaj taporqa: Tata Diosqa imatataj nisorqari? Mana uj chhikanta pakarispa willariway. Sichus Tata Dios nisusqanmanta imatapis pakawanki chayqa, Dios sinch'ita ñak'arichisuchun, nispa.