1 Samuel 20:1 - DIOSPA QHELQACHISQ

¹ Chantá Davidqa Ramá llajtapi kaj Nayotmanta ayqespa, Jonatán kasharqa, chayman chayarqa. Chantá payta nerqa: Imatataj noqa ruwasqaniri? Imataj juchay kasqari? Imapitaj tataykej contranta juchallisqani wañuchiwayta munaspa mask'anawanpajri? nispa.

Qheshwa Biblia DC

¹ Chaymantaqa Ramapi Naiotmanta Davidqa ayqerqa, rerqataj Jonatán kasharqa chayman. Paymantaj nerqa: Imatataj noqa ruwarqaniri? Imataj juchay kasqari? Imapitaj tataykej contranta juchallisqani wañuchiyta munaspa mask'anawampajri?, nispa.

DIOSPA QHELQACHISQAN DEUTEROCANONICAL

¹ Chantá Davidqa Ramá llajtapi kaj Nayotmanta ayqespa, Jonatán kasharqa, chayman chayarqa. Chantá payta nerqa: Imatataj noqa ruwasqaniri? Imataj juchay kasqari? Imapitaj tataykej contranta juchallisqani wañuchiwayta munaspa mask'anawanpajri? nispa.

1 Samuel 20:1 ပူးပေါင်းရင်းမြစ်များ

Salmos 54:3

3 (5) Mana rejsisqay runakuna contraypi sayarinku, wapu wapu jatunchakojkunataj wañuchiwayta munanku. Paykuna qanmanta ni yuyarikullankupischu.

2 Corintios 1:12

Noqayku kayta tukuy sonqo niyku: Dios yanapawarqayku ch'uwa sonqowan, chantá llimphu kawsaywan ima tukuywan allinpi kawsakunaykupaj, astawanqa qankunawan. Ajinata kanaykupaj noqayku Diospa qhasilla k'acha yanapayninpi atinikorqayku, manataj yachallasqaykupichu.

2 Pedro 2:9

Ajinata reparanchej, Diosta kasuspa purejkuna juchallinaman tanqasqa kashajtinku, Tukuyta Kamachej Diosqa paykunata kacharichiyta yachasqanta. Pay yachallantaj millayta ruwajkunata juzganan p'unchaypi jasut'isqa kanankupaj jallch'ayta.

1 Juan 3:21

Munasqa wawqe panaykuna, sichus sonqonchej mana juchachawanchejchu chayrí, tukuy sonqo Diosman qayllaykuyta atinchej.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

1 Samuel 19:1

Chantá Saulqa churin Jonatanta, tukuy yanapajninkunatawan ima kamacherqa Davidta wañuchinankuta. Jonatanrí Davidta mayta munakusqanrayku,

1 Samuel 19:18

Ajinata Davidqa Ramá llajtapi Samuelpaman ayqerqa, chantá Saúl payta imatachus ruwasqanta Samuelman willakorqa. Chantá Davidwan, Samuelwanqa Nayotman tiyakoj rerqanku.

1 Samuel 20:2

Chantá Jonatán kuticherqa: Chayqa mana jinachu kanqa. Mana wañuchisonqachu. Yachanayki tiyan, tatayqa mana imatapis ruwanchu mana willawaspaqa, juch'uypis kachun, chayrí jatunpis kachun. Imaraykutaj tatayqa kayta pakawanmanri? Chayqa mana jinachu kanqa, nispa.

1 Samuel 20:32

Jonatantajrí tatan Saulman kuticherqa: Imaraykutaj pay wañonqari? Imatapunitaj ruwasqari? nispa.

1 Samuel 24:11

11 (12) Qhawariy tatáy, ponchoykimanta uj chhikanta k'utusqayta makiypi jap'ishani. Munaspaqa, qanta wañuchiykiman karqa. Kaywan qanqa umachakuy, wiraqochíy, noqaqa mana ima sajratapis ruwasuyta yuyasqayta, nitaj wasanchasusqaytapis, nillataj contraykipi juchallerqanichu. Chaywanpis qanqa wañuchinawaykipaj mask'awanki.

1 Samuel 24:12

12 (13) Qanwan noqawan pichus juchayoj kasqanchejta Tata Dioslla nichun. Imatachus ruwawasqaykimantaqa Tata Dioslla yachachun. Chaywanpis noqaqa mana jayk'ajpis kuraj kamachejniypa contranta makiyta oqharisajchu.

1 Samuel 24:17

17 (18) Saúl nillarqataj: Qanqa aswan cheqan runa kanki noqamanta nisqaqa. Sajra kajta ruwashasojtiypis, allin kajwan kutichishawanki.

1 Samuel 24:9

9 (10) Chantá nerqa: Wiraqochíy, imaraykutaj kasuta ruwanki: Davidqa qanta mana allinta ruwasuyta munaspa mask'ashasunki, nispa nisqankutari?

1 Samuel 26:18

Kuraj kamachejníy, imapajtaj kamachiykita qhatiykachawankiri? Imatataj ruwarqaykiri? Imataj juchayri?