1 Samuel 2:35 - DIOSPA QHELQACHISQ

³⁵ Chaywanpis noqaqa uj sacerdoteta ajllakusaj, paytaj sonqoypa munasqayman jina tukuy imata ruwanqa. Paypa mirayninta mana chinkananta saqesajchu, jinataj ajllakusqay kuraj kamachejta sirvenqa.

Qheshwa Biblia DC

³⁵ Chaymantataj noqaqa ajllakusaj uj cheqa sacerdoteta, munasqayman jina ruwanampaj. Paymanqa qollasajpuni astawan mirayta, jinataj ajllasqay reypa kamachillampipuni kanampaj.

DIOSPA QHELQACHISQAN DEUTEROCANONICAL

³⁵ Chaywanpis noqaqa uj sacerdoteta ajllakusaj, paytaj sonqoypa munasqayman jina tukuy imata ruwanqa. Paypa mirayninta mana chinkananta saqesajchu, jinataj ajllakusqay kuraj kamachejta sirvenqa.

1 Samuel 2:35 ပူးပေါင်းရင်းမြစ်များ

2 Samuel 7:11

imaynatachus paykunata ruwarqanku juez nisqa kamachejkunata churashajtiy, ajinata. Manallataj saqesajchu awqaykikuna imatapis ruwasojta. Chantapis noqa ruwasaj wawaykikunamanta Israel suyuta kamachej kanallantapuni.

2 Samuel 7:27

Qan, Israelpa Tukuy Atiyniyoj Tata Diosnin, niwarqanki mirayniymanta churiykunaqa kamachinallankutapuni, chayrayku kayta mañarikuyki.

1 Reyes 1:45

Chantá Diosmanta sut'inchaj Natán, sacerdote Sadocwan Guijonpi Salomonta kuraj kamachej kananpaj aceitewan jawiykorqanku, chaymantataj kusisqa kutimorqanku. Chayrayku ari chay jinata tukuy israelitakuna mayta kusikushanku, chayta qankunapis uyarerqankichej.

1 Reyes 1:8

Chaywanpis sacerdote Sadoc, Joyadáj churin Benaías, Diosmanta sut'inchaj Natán, Simey, chantá Davidpa wapu soldadonkuna imaqa mana Adoniasman sayasqachu karqanku.

1 Reyes 11:38

Sichus kay tukuy kamachisusqayta uyariwanki, munasqayman jinataj purinki, cheqanta ruwaspa, kamachisqayta, nisqaytawan kasuspa, kamachiy David junt'arqa jinata chayqa, noqaqa qanwan kasaj. Aylluykimanta kuraj kamachejkunaqa kanqankupuni, imaynachus Davidpa ayllunmanta kanku ajinata, Israel suyutataj qanman jaywasqayki.

1 Reyes 2:35

Kuraj kamachejtaj Joabpa cuentanmanta Joyadáj churin Benaiasta soldadokunata kamachinanpaj churarqa, sacerdote kananpajtaj Sadocta churarqa Abiatarpa cuentanmanta.

1 Crónicas 29:22

Chay p'unchay Tata Diospa rikunanta manchay kusisqa mikhorqanku, ujyarqankutaj. Chaymantataj uj kutitawan nerqanku Davidpa churin Salomón kuraj kamachejninku kananta. Tata Diospa ñawpaqenpitaj aceitewan Salomonta jawiykorqanku kuraj kamachejninku kananpaj, Sadoctataj sacerdote kananpaj.

Salmos 18:50

50 (51) Qanqa ajllakusqayki kuraj kamachejta may jinata atipananpaj yanapanki. Jinallataj ajllakusqayki Davidman, mirayninmanwan ima wiñaypaj munakusqaykita rikuchinki.

Salmos 2:2

Kay pachapi kuraj kamachejkuna, kamachejkunawan ima Tata Diospa contranta oqharikunku, ajllakusqan kuraj kamachejpa contranpiwan ima.

Éxodo 1:21

Parterakuna Diosta may jatun respetowan qhawasqankuraykutaj, Diosqa ashkha wawayoj kanankuta ruwarqa.

Ezequiel 34:23

Noqaqa kamachiy Davidta kutirichimusaj, paytataj ovejaykunata michinanpaj churasaj. Pay ovejaykunata sumaj pastopi mikhuchipuwanqa, sumajtataj paykunata michenqa.

Números 25:13

Chayrayku payman, jinataj mirayninmanpis sacerdote kanankuta wiñaypaj qoni. Chayta ruwani imaraykuchus payqa Diosninmanta sienterqa, israelitakunaj juchallisqanku pampachasqa kanantataj tarerqa, nispa.

Hebreos 2:17

Chayta ruwananpajtaj payqa tukuy imapi wawqenkuna jina kananpuni karqa, ajinamanta kunan Diospa ñawpaqenpi khuyakuyniyoj kuraj kaj sacerdotenchej kananpaj. Jinataj cruzpi wañuspa kawsayninta jaywarqa runakunaj juchanku pampachasqa kananpaj.

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.

1 Samuel 10:9

Saúl ripunanpaj Samuelmanta t'aqakapojtinkama, Diosqa Saulpa sonqonta waj jinaman tukucherqa. Chay p'unchaypachataj Samuelpa tukuy nisqan junt'akorqa.

1 Samuel 12:3

Kunanqa kaypi qankunawan kashani. Sichus pejpa bueyninta, burrontapis jap'ikaporqani chayqa, chayrí pitapis tumparqani, llakicherqani, pimantapis lluk'ita jap'ikorqani chayqa, kunanpacha Tata Diospa ñawpaqenpi, ajllasqan kuraj kamachejpa ñawpaqenpipis uyaypi nipuwachun, noqataj kutichipusaj, nispa.

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

1 Samuel 2:36

Aylluykimanta kawsashajraj qhepakojkunarí, ajllakusqay sacerdoteman k'umuykonqanku uj pisi qolqeta, chayrí uj chhikan mikhunata mañarikunankupaj: Mikhunaykupaj sacerdotekuna ukhupi imallatapis ruwarichiwayku ari, nispa.

1 Samuel 25:28

Noqa kamachiyki pantaykusqayta qhespirichiway ari. Tata Diosqa kuraj kamachej jina kanaykita sinch'ita sayachichun, Tata Diospa sutinpi maqanakushasqaykirayku. Mayk'ajkamachus kawsanki, chaykama ama ima sajrapis qhatirisuchunchu.

1 Samuel 3:1

Waynuchu Samuelqa Elí sacerdotewan khuska Tata Diospaj llank'ashallarqapuni. Chaypacha Tata Diosqa runakunaman mayninpi jinalla parlaj. Mosqoypi jina rikunapis manaña chhika karqachu.

1 Samuel 7:9

Chantá Samuelqa ñuñoj corderitota jap'ispa ñak'aytawan, tukuyninta Tata Diospaj ruphacherqa. Chaymantataj Tata Dios yanapananta mañaporqa, Tata Diostaj mañakusqanta uyarerqa.

1 Samuel 8:3

Chaywanpis Samuelpa churinkunaqa mana tatanku jinachu imatapis allinta ruwarqanku. Manachayqa qolqeta munapayanawan atipachikuspa, lluk'ita jap'ikorqanku, nitaj justiciata ruwarqankuchu.

1 Samuel 9:12

Paykunataj kuticherqanku: Arí, payqa aswan jaqaypiraj kashan. Usqhayllata riychej. Kunallan kay llajtaman chayamun, imaraykuchus paykunaqa kunan p'unchay orqo patapi Tata Diosman uywa ñak'aspa q'olachinata jaywanqanku, nispa.

1 Samuel 9:13

Jaqayman chayaytawankama, payta mask'aychej, amaraj orqo pataman mikhoj rishajtin. Runakuna mikhunankupaj paytaraj suyanqanku, imaraykuchus jaywanataqa paypuni saminchanqa. Chaymantaraj wajyasqa kajkuna mikhonqanku. Chayrayku usqhayllata riychej, chaypi payta taripankichej, nispa.