1 Samuel 19:5 - DIOSPA QHELQACHISQ

⁵ Payqa wañuyta mana manchachikuspa, chay jatunkaray filisteota wañucherqa. Chay jinamanta Tata Diosqa tukuy israelitakuna filisteokunata atipananchejpaj yanapawarqanchej. Chayta rikuspa, mayta kusikorqanki. Chantá, imaraykutaj kunan mana juchayoj Davidta wañuchiyta munashankiri? nispa.

Qheshwa Biblia DC

⁵ Payqa wañuyta mana manchachikuspa filisteosta wañucherqa, jinamanta Señorqa paynejta tukuy israelitasman jatun atipayta qorqa, chaytaqa rikorqanki kusikorqankitaj. Imaraykutaj qan uj mana juchayoj runata wañuchiyta munankiri, Davidta mana imallamanta wañuchiyta munaspari?

DIOSPA QHELQACHISQAN DEUTEROCANONICAL

⁵ Payqa wañuyta mana manchachikuspa, chay jatunkaray filisteota wañucherqa. Chay jinamanta Tata Diosqa tukuy israelitakuna filisteokunata atipananchejpaj yanapawarqanchej. Chayta rikuspa, mayta kusikorqanki. Chantá, imaraykutaj kunan mana juchayoj Davidta wañuchiyta munashankiri? nispa.

1 Samuel 19:5 ပူးပေါင်းရင်းမြစ်များ

2 Samuel 23:10

Eleazarrí mana iskayrayaspa maqanakullarqapuni, filisteokunatataj wañuracherqa makin espadanman k'askaykunankama. Chay p'unchaypeqa Tata Diosqa filisteokunata Eleazarwan atipasqata atipaykucherqa. Chaymantataj soldadokunaqa Eleazarpa qhepanta rerqanku awqankoj imankuta oqharikojllaña.

1 Crónicas 11:14

payqa tarpusqa chawpipi sayaykuytawan, filisteokunawan maqanakuspa atipaykorqa. Ajinata Tata Diosqa filisteokunata atipaykunanpaj yanaparqa.

1 Crónicas 11:18

Chantá chay kinsantin wapu soldadokuna filisteokunaj jarankuman yaykuspa, Belenman yaykuna punkupi pujyumanta yakuta orqhoytawan, Davidman apamorqanku. Davidtajrí mana ujyarqachu, manachayqa Tata Diosman jaywaspa, pampaman jich'arqa.

Salmos 109:5

Allin ruwasqaymanta paykuna sajra kajwan kutichiwanku, munakushajtiypis, chejnikuspa qhawawanku.

Salmos 119:109

Wañoyqa qhatiykachashallawanpuni. Chaywanpis kamachisqaykimanta mana qonqapunichu.

Salmos 25:3

Qanpi suyakojqa mana ujpis p'enqachisqachu kanqa. Aswanpis contraykipi qhasimanta oqharikojkunamá p'enqaypi rikhurichunku.

Salmos 69:4

4 (5) Qhasillamanta chejnikuwajkunaqa umaypi chujchaymantapis aswan ashkha kanku. Manakajllamanta wañuchiwayta munaj awqaykunaqa aswan atiyniyojman tukunku. Chantá paykuna mañawanku mana suwasqayta kutichipunayta.

Salmos 94:21

Jinallataj cheqan runaj contranpi oqharikunku, mana juchayoj runatataj wañuchisqa kananpaj juchachanku.

Éxodo 14:13

Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Jeremías 26:15

Jinapis kayta allinta yachaychej: Sichus wañuchiwankichej chayqa, qankuna, chantá kay llajtapi tiyakojkuna ima juchachasqa kankichej mana juchayojta wañuchisqaykichejrayku. Noqata Tata Diospuni kay tukuy imamanta sut'ita willanasuykichejpaj kachamuwarqa, nispa.

San Mateo 27:24

Chaypacha Pilato astawan ch'ajwa jatarisqanta rikorqa, mana imanayta atispataj, yakuta apachimorqa. Chay runakunaj ñawpaqenpitaj makinta mayllakuspa, nerqa: Mana noqachu juchayoj kani kay cheqan runaj wañuyninmantaqa. Qankunamin juchayoj kankichej, nispa.

San Mateo 27:4

Paykunatataj nerqa: Juchallini chay mana juchayojta wañuchisqa kananpaj jaywaykuspa, nispa. Paykunatajrí nerqanku: Chaymantaqa ni ima ruwanayku kanchu. Qan imanaypis ari, nispa.

San Juan 15:25

Chayqa ajina, Diospa Qhelqachisqanpi kay nisqan junt'akunanpaj: Manakajmanta chejnikuwanku, nispa.

Hechos 20:24

Chaywanpis manapuni chayta manchachikunichu, nitaj wañuytapis. Aswanpis kusiywan kawsayniyta tukuchiyta munani Tukuyta Kamachej Jesuspa kamachiwasqanta junt'aspa. Jinallataj munani Diospa qhasilla k'acha yanapayninmanta sumaj willaytapis tukuyman willarayta.

Filipenses 2:30

Epafroditoqa Cristoj ruwananpi kasqanrayku yaqha wañorqa. Noqata yanapawaspa, wañuy patapiña kasharqa, imaraykuchus qankuna karupi kaspa, mana yanapawayta aterqankichejchu.

Hebreos 2:3

Ajina kajtenqa, sichus noqanchejman kunan Dios qoshawanchej, chay jina ashkha valorniyoj qhespichiyta pisipaj qhawasunman chayqa, imaynatataj jasut'iyninmanta llusp'isunmanri? Chay qhespichiymanta Tukuyta Kamachej Jesús ñawpajta willarqa, payta uyarejkunataj chay willasqan cheqapuni kasqanta willallawarqanchejtaj.

Jueces 12:3

Qankuna yanapaj mana jamuwasqaykuta rikuspa, wañuyta mana manchachikorqanichu, amonitakunawan maqanakoj sayaykorqani. Tata Diostaj paykunata atipayta yanapawarqa. Kunanqa imaraykutaj noqawan maqanakoj jamuwankichejri? nispa.

Jueces 9:17

Tatayqa wañuyta mana manchachikuspa, qankunarayku maqanakorqa, madianitakunamanta kacharichisunaykichejrayku.

1 Samuel 11:13

Saultajrí nerqa: Kunan mana pipis wañuchisqa kanqachu, Israel suyuta Tata Dios kacharichisqanrayku, nispa.

1 Samuel 14:45

Israelitakunatajrí Saulman kuticherqanku: Imaraykutaj Jonatán wañunman kasqari? Paynejta noqanchej filisteokunata mayta atipaykorqanchej. Mana wañunmanchu. Tata Diosrayku tiluyku: Mana uj chujchallanpis pampaman urmanqachu, imaraykuchus chay ruwasqanpi Dios payta yanaparqa, nispa. Ajinata israelitakunaqa Jonatán wañuchisqa kananmanta jark'akorqanku.

1 Samuel 19:6

Chantá Saulqa churin Jonatanpa nisqanta uyarispa, qhaparerqa: Tata Diospa sutinrayku tiluni: Davidta mana wañuchisajchu, nispa.

1 Samuel 20:32

Jonatantajrí tatan Saulman kuticherqa: Imaraykutaj pay wañonqari? Imatapunitaj ruwasqari? nispa.

1 Samuel 22:14

Ajimelectajrí kuraj kamachejman kuticherqa: Mayqentaj tukuy yanapajniykikunamanta David jina mana wasanchaj runari? Payqa tolqayki kanpis, chay jawarí soldadokunaj kuraj kamachejninku, kamachinayki wasipitaj manchay respetowan qhawasqari?

1 Samuel 28:21

Warmeqa Saulta sinch'i mancharisqata rikuspa, payman qayllaykuspa nerqa: Noqaqa niwasqaykiman jina ruwarqani. Wañunayta mana manchachikuspa kamachiwasqaykita junt'ani.