1 Samuel 19:4 - DIOSPA QHELQACHISQ

⁴ Jinataj Jonatanqa Davidmanta allinta Saulman parlaspa, nerqa: Kuraj kamachejníy, kamachiyki Davidtaqa ama ima sajratapis ruwaychu, imaraykuchus payqa mana ima mana allintapis qantaqa ruwasunkichu. Astawanpis tukuy ruwasqanqa allinpuni qanpaj karqa.

Qheshwa Biblia DC

⁴ Jinataj Jonatanqa Davidmanta allinta Saulman parlarqa, nerqataj: Reyníy, ama ima sajratapis ruwaychu kamachiyki Davidtaqa, payqa mana ima sajratapis qantaqa ruwasunkichu, astawampis tukuy ruwasqasnenqa allimpuni qampaj karqa.

DIOSPA QHELQACHISQAN DEUTEROCANONICAL

⁴ Jinataj Jonatanqa Davidmanta allinta Saulman parlaspa, nerqa: Kuraj kamachejníy, kamachiyki Davidtaqa ama ima sajratapis ruwaychu, imaraykuchus payqa mana ima mana allintapis qantaqa ruwasunkichu. Astawanpis tukuy ruwasqanqa allinpuni qanpaj karqa.

1 Samuel 19:4 ပူးပေါင်းရင်းမြစ်များ

Génesis 42:22

Chantá Rubén paykunata nerqa: Chayrayku noqa nerqaykichej ama imatapis Joseta ruwanachu, nispa. Qankunatajrí mana kasuwarqankichejchu. Kunanqa wañusqanmanta juchachasqa kashanchej, nispa.

Génesis 9:6

Pichus runa masinta wañuchejtaqa waj runa payta wañuchillanqataj, imaraykuchus runaqa Diospa rijch'ayninman jina ruwasqamin.

2 Crónicas 6:22

Mayqellanpis llajta masinpa contranta juchallejtin, sichus kay Templopi kaj altarpa ñawpaqenpi tiluchinkuman chayqa,

Salmos 35:12

Allin ruwasqaymanta sajra kajwan kutichiwanku, chaytaj sonqoyta nanachin.

Salmos 59:4

4 (5) Mana ima mana allin kajtapis ruwarqanichu. Chaywanpis awqaykuna wañuchinawankupaj usqhayllata wakichikunku. Rijch'ariy, yanapariwaj jamuy, imaynachus kashasqayta rikuway.

Proverbios 17:13

Sichus allinmanta mana allinwan kutichin chayqa, wasinmanta mana allin kaj ni jayk'aj chinkanqachu.

Jeremías 18:20

Allin kajta ruwaytaqa mana allinta ruwaspachu kutichina? Paykunaqa t'oqota allanku chayman wijch'uykunawankupaj. Yuyarikuy ñawpaqeykiman jamuspa paykunaj allinninkuta mañapusqayta, paykunamanta k'araj phiñakuyniykita karunchanaykipaj.

1 Corintios 8:12

Ajinamanta qanqa wawqe panakunaj contranpi juchallinki. Chantá Cristopi atinikuypi manaraj sinch'ita sayajpa sonqonta nanachispa, Cristoj contranpipis juchallillankitaj.

1 Juan 3:15

Pichus Jesucristota qhatikoj masinta chejnikojqa runa wañuchi, yachankichejtaj runa wañucheqa mana wiñay kawsayta jap'inanta.

1 Samuel 2:25

Sichus uj runa wajpa contranpi juchallin chayqa, Tata Diosqa payrayku parlayta atin. Tata Diospa contranpi juchallejtinrí, pitaj kutikuspa paypaj mañaponqari? nispa. Chaywanpis paykunaqa tatankoj nisqanta mana kasorqankuchu, imaraykuchus Tata Diosqa wañuchisqa kanankuta nisqaña.

1 Samuel 20:32

Jonatantajrí tatan Saulman kuticherqa: Imaraykutaj pay wañonqari? Imatapunitaj ruwasqari? nispa.

1 Samuel 22:14

Ajimelectajrí kuraj kamachejman kuticherqa: Mayqentaj tukuy yanapajniykikunamanta David jina mana wasanchaj runari? Payqa tolqayki kanpis, chay jawarí soldadokunaj kuraj kamachejninku, kamachinayki wasipitaj manchay respetowan qhawasqari?