1 Samuel 19:23 - DIOSPA QHELQACHISQ

²³ Chantá Saulqa Ramá llajtapi Nayotman kachaykukorqa. Jinapi ñanta rishajtin, paymanpis Diospa Espíritun jamullarqataj. Chantá Saulqa Diosmanta sut'inchaj jina sut'inchaspa, Ramá llajtapi Nayotman chayanankama rillarqapuni.

Qheshwa Biblia DC

²³ Saultaj Ramá llajtapi Naiotman kachaykukorqa. Paymampis Diospa Espíritun junt'aykullarqataj. Chanta Saulqa profeta jina parlaspa rillarqapuni Ramá llajtapi Naiotman chayanankama.

DIOSPA QHELQACHISQAN DEUTEROCANONICAL

²³ Chantá Saulqa Ramá llajtapi Nayotman kachaykukorqa. Jinapi ñanta rishajtin, paymanpis Diospa Espíritun jamullarqataj. Chantá Saulqa Diosmanta sut'inchaj jina sut'inchaspa, Ramá llajtapi Nayotman chayanankama rillarqapuni.

1 Samuel 19:23 ပူးပေါင်းရင်းမြစ်များ

Proverbios 16:9

Runaqa imatachus ruwananta sonqonpi wakichin, Tata Diostajrí chay runata munasqanman jina pusan.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Números 23:5

Chantá Tata Dios Balaam imatachus parlananta yachacherqa. Nerqataj: Kutispa, Balacta nimuy imatachus qanman nisqayki, chayta, nispa.

Números 24:2

Chantá Balaam israelitakunata jatun aylluman jina jarasqata rikorqa. Diospa espirituntaj payman jamorqa.

San Mateo 7:22

Chay p'unchaypeqa ashkha niwanqanku: Tukuyta Kamachej, manachu sutiykipi sut'incharqayku, sutiykipitaj runakunamanta supaykunata qharqorqayku? Manachu sutillaykipitaj ashkha t'ukuna imakunata ruwarqayku? nispa.

San Juan 11:51

Caifás mana payllamantachu chayta nerqa. Manachayqa chay watapi kuraj kaj sacerdote kasqanrayku, Dios paynejta sut'incharqa Jesús tukuy judiokunarayku wañunanta.

1 Corintios 13:2

Jinallataj manachus wajkunata munakuymanchu chayqa, Diospa simi nisqanta sut'inchasqay, jinataj tukuy pakasqa yachaykunata, chantá kay pachapi tukuy imamanta yachasqay qhasi manakaj kanman. Jinallataj sitajchus noqa orqokunata ithirichinaypaj jina Diospi sinch'ita atinikuyta atiyman, manataj wajkunata munakuymanchu chayqa, noqaqa mana ni imapaj valeymanchu.

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.

1 Samuel 10:12

Paykunamanta ujnin nillarqataj: Pitaj paykunaj tatankuri? nispa. Chaymantapacha runakuna nej kanku: Saulpis Diosmanta sut'inchajman tukupusqaqa, nispa.

1 Samuel 10:6

Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

1 Samuel 18:10

Q'ayantin Diospa kachamusqan millay espiritoqa Saulman yaykorqa, paytaj kamachinan wasi ukhupi pawisqa jina purerqa. David ñawpaj kutipi jina arpata tocasharqa, Saultaj uj lanzata makinpi jap'isharqa.

1 Samuel 19:18

Ajinata Davidqa Ramá llajtapi Samuelpaman ayqerqa, chantá Saúl payta imatachus ruwasqanta Samuelman willakorqa. Chantá Davidwan, Samuelwanqa Nayotman tiyakoj rerqanku.

1 Samuel 19:20

Chaypacha Saulqa Davidta jap'imunankupaj soldadokunata kacharqa. Saulpa kachasqankunatajrí Ramá llajtaman chayaspa, Samuelta, uj mashkha sut'inchajkunawan Diosmanta sut'inchashajta rikorqanku. Chay sut'inchajkunataqa Samuel pusaykachasharqa. Jinallaman Diospa Espiritonqa Saulpa kachasqankunamanpis jamorqa. Chantá paykunapis Diosmanta sut'inchajkuna jina sut'inchashallarqankutaj.

1 Samuel 19:22

Chaymantaqa kikin Saulñataj Ramá llajtaman kachaykukorqa. Chantá Secupi jatun pujyu chaynejman chayashaspa, Saúl tapurikorqa: Samuelwan, Davidwan ima maypitaj kashankuri? nispa. Uj runataj kuticherqa: Ramá llajta qayllapi, Nayotpi kashanku, nispa.