1 Samuel 18:8 - DIOSPA QHELQACHISQ

⁸ Saulrí ajinata takejta uyarispa, sinch'ita phiñakuspa, nerqa: Davidta ninku chunka waranqa runakunata wañuchisqanta. Noqatarí niwanku waranqallata wañuchisqayta. Kuraj kamachejninkuta jina churaykukunallankuña kashan, nispa.

Qheshwa Biblia DC

⁸ Chaywan Saulqa sinch'ita phiñakorqa, mayta phiñakuywantaj nerqa: Davidtaqa ninku chunka waranqa runasta wañuchisqanta; noqatarí niwanku waranqa runasllata wañuchisqayta. Reyninkupaj churaykunallankupajña qhawashanku, nispa.

DIOSPA QHELQACHISQAN DEUTEROCANONICAL

⁸ Saulrí ajinata takejta uyarispa, sinch'ita phiñakuspa, nerqa: Davidta ninku chunka waranqa runakunata wañuchisqanta. Noqatarí niwanku waranqallata wañuchisqayta. Kuraj kamachejninkuta jina churaykukunallankuña kashan, nispa.

1 Samuel 18:8 ပူးပေါင်းရင်းမြစ်များ

Génesis 37:11

Wawqenkunaqa Josemanta anchatataj envidiakorqanku. Tatantajrí Josejpa mosqokusqan ima niytachus munasqanta yachayta munaspa, unanchasharqa.

Génesis 37:8

Chantá wawqenkuna, nerqanku: Ajá, kaywanqa niytachu munashawayku qan kamachejniyku kanaykita? Qanchu noqaykuta kamachiwasqayku? nispa. Chayrayku mosqokusqanmanta chantá imaynatachus willasqanmanta astawan payta chejnikorqanku.

1 Reyes 2:22

Salomonrí mamanman kuticherqa: Imaraykutaj Sunén llajtayoj Abisagta Adoniaspaj mañapunkiri? Kamachinay suyutapis paypajqa mañapullaytaj ari, pay kuraj wawqey kasqanrayku. Chantapis paywanña kashanku sacerdote Abiatar, chantá Seruyáj churin Joabpiwan, nispa.

Ester (hebreo) 3:5

Amanqa Mardoqueota ñawpaqenpi mana qonqorikojta, nitaj k'umuykukojta rikuspa, maytapuni phiñarikorqa.

Proverbios 13:10

Runaykachajqa ch'ajwallata jatarichin. Yachayniyoj kajrí yuyaychasqata jap'ikun.

Proverbios 27:4

Phiñakoyqa mana khuyakuyniyoj, k'araj phiñakuytaj mana atipay atina. Celosakuyrí sayachiy mana atinapuni.

Eclesiastés 4:4

Chantá rikullanitaj anchata llank'ana, jinataj imata ruwasqanpipis allin risqanqa runata envidiawan jap'inachisqanta. Chaypis qhasi manakajlla, wayra jap'iyta munay jinalla kasqanta repararqani.

Números 11:1

Ujpacha israelitakuna llakiypi rikhurispa, Tata Diospa contranta thutuyta qallarerqanku. Tata Diostaj chayta uyarerqa. Chantá k'arajta phiñakuspataj, jaraj ujnin kantunta ninawan ruphaykucherqa.

Números 22:34

Chantá Balaamqa Tata Diospa angelninta nerqa: Noqa juchallikuni. Ñanpi sayaspa jark'ashawasqaykita mana yacharqanichu. Sichus Moabman rishasqay qanpaj mana allinchu chayqa, kaymanta kutipullasaj ari, nispa.

Santiago 4:5

Chayrayku Diospa Qhelqachisqanpi ajinata nin: Diospa qowasqanchej Espiritoqa sinch'ita munakuspa, celosakuwanchej, nispa.

1 Samuel 13:14

Kunanrí Tata Diospa kamachisusqanta mana kasusqaykirayku, kuraj kamachej jina kanaykeqa mana unaypajchu kanqa. Tata Diosqa paypa munasqanman ruwananpaj mask'anña. Ayllunta kamachinanpaj payta churanqa, nispa.

1 Samuel 15:28

Chantá Samuel Saulta nerqa: Ajinallatataj Tata Diospis qanmanta Israel suyupi kuraj kamachej kanaykita qhechusonqa, qanmanta aswan allin llajta masiykiman qopunanpaj.

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

1 Samuel 18:9

Chaymantapacha Saulqa Davidta sajra ñawiwan qhawayta qallarerqa.

1 Samuel 19:1

Chantá Saulqa churin Jonatanta, tukuy yanapajninkunatawan ima kamacherqa Davidta wañuchinankuta. Jonatanrí Davidta mayta munakusqanrayku,

1 Samuel 20:31

Yeséj churin kay pachapi kawsanankamaqa, kawsanayki, jinataj kuraj kamachej kanaykipis mana yachakonqachu. Ajinaqa Davidta mask'amojta kachaspa kayman pusachimuy, imaraykuchus wañunanpuni tiyan, nispa.