1 Samuel 18:5 - DIOSPA QHELQACHISQ

⁵ Davidqa, Saúl maymanchá kachaj, chayman rej, tukuy imatataj allintapuni ruwaj. Chayrayku Saulqa Davidta soldadonkunata kamachinanpaj churarqa. Davidtaj tukuy runapaj, jinallataj Saulpata soldadonkunata kamachejkunapajpis manchay munasqa karqa.

Qheshwa Biblia DC

⁵ Davidqa Saul maymanchá kachaj chayman rej, tukuy imatataj allintapuni ruwaj. Chayrayku Saulqa Davidta soldadosta kamachinampaj churarqa. Davidqa allimpaj qhawasqa karqa tukuy runaspa ñaupaqempi, jinallataj Saulpa soldadosnimpa kamachejkunasnimpajpis.

DIOSPA QHELQACHISQAN DEUTEROCANONICAL

⁵ Davidqa, Saúl maymanchá kachaj, chayman rej, tukuy imatataj allintapuni ruwaj. Chayrayku Saulqa Davidta soldadonkunata kamachinanpaj churarqa. Davidtaj tukuy runapaj, jinallataj Saulpata soldadonkunata kamachejkunapajpis manchay munasqa karqa.

1 Samuel 18:5 ပူးပေါင်းရင်းမြစ်များ

Génesis 39:23

Chayrayku carcelmanta cuentayoj runaqa José imatachus ruwashasqanta mana qhawajchu, imaraykuchus Tata Dios Josewan kasqanrayku tukuy ima ruwasqanpi allin rerqa.

2 Samuel 5:10

Tukuy Atiyniyoj Tata Dios paywan kasqanrayku, Davidqa astawanpuni kallpachakusharqa.

2 Samuel 5:2

Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

2 Crónicas 17:3

Tata Diosqa Josafatta yanaparqa, paytaj, ñawpa tatan David jina, manapuni Baalpa imaymana lantinkunamanqa k'umuykorqachu.

Salmos 1:3

Chay runaqa mayu kantupi sach'a jina. Maychus tiemponpi poqon, laqhentaj mana jayk'aj qawinchu. Tukuy ima ruwasqanpitaj allin renqa.

Salmos 101:2

Jinallataj cheqanta ruwaspa kawsayta munani. Mayk'ajtaj noqata yanapawaj jamunkiri? Wasiypipis mana k'aminapaj jina purillasajtaj.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

Hechos 7:10

Jinapi Diosqa Joseta tukuy ñak'ariyninpi yanaparqa, jinallataj payman yuyayta, yachaytawan qorqa Egiptopi kuraj kamachej faraón allin ñawiwan qhawananpaj. Chaymantataj faraonqa Joseta churarqa tukuy Egiptota kamachinanpaj, ajinallatataj kamachinan wasitapis.

Efesios 5:17

Chayrayku ama mana yuyayniyojkuna jina ruwaychejchu, manachayqa Tukuyta Kamachej Jesuspa munasqan imachus kasqanta yachanaykichejpaj atisqaykichejta ruwaychej.

Colosenses 4:5

Cristota mana qhatejkunawan allinta yuyaychakuspa puriychej. Jinallataj Diosmanta parlanaykichejpaj jina kajtin, paymanta parlaychejpacha.

Jueces 1:19

Judá jatun ayllumanta kajkunataj Tata Diospa yanapayninwan wijch'ullarqankutaj orqokunapi tiyakojkunatapis. Chaywanpis manapuni wijch'orqankuchu chay pampakunanejpi kajkunataqa, chaypi tiyakojkuna fierromanta carretayoj kasqankurayku.

1 Samuel 13:2

israelitakunamanta 3.000 soldadonkuna kanankupaj ajllakorqa. Iskay waranqa soldadokuna Micmaspi, chantá Betel orqo cheqapi paywan qhepakorqanku, Benjamín jap'iypi Gabaa llajtapitaj 1.000 soldadokuna churin Jonatanwan qhepakorqanku. Puchoj runakunatataj wasinkuman kutipunankuta kamacherqa.

1 Samuel 14:52

Saúl kuraj kamachej jina kanankamaqa filisteokunawan maqanaku manchay sinch'i karqa. Saultaj sumaj wapu qharita rikuspa, soldadon kananpaj churajpacha.

1 Samuel 18:16

Chaywanpis israelitakuna, jinataj Judamanta kajkuna Davidta munakorqanku, pay kamachejninku jina maqanakuman llojsishajtinku chayrí kutimpushajtinku pusasqanrayku.

1 Samuel 18:30

Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

1 Samuel 18:4

Chay jawa Jonatanqa ponchonta, ujnin p'achantawan ima Davidman qorqa. Jinallataj espadanta, flechana arconta, qaramanta chumpintawan ima qollarqataj.

1 Samuel 18:6

David jatunkaray filisteota wañuchisqanmanta qhepata soldadokuna kutimpushajtinku, tukuy llajtamanta warmikuna kuraj kamachej Saulta taripaj llojserqanku, kusiymanta takispa, tususpa, tukuy imaymana tocanakunata tocarispa ima.

1 Samuel 3:19

Samuelqa wiñarqa, Tata Diostaj payta yanaparqa, tukuy nisqanta junt'aspa.