1 Samuel 18:30 - DIOSPA QHELQACHISQ

³⁰ Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

Qheshwa Biblia DC

³⁰ Chay jawari filisteos ukhumanta kurajkunasninku sapa kuti maqanakoj llojsejtinku, Davidpuni Saulpa tukuy waj kamachisninmanta nisqaqa astawan atipaj, chayraykutaj payqa tukuypaj allin qhawasqa karqa.

DIOSPA QHELQACHISQAN DEUTEROCANONICAL

³⁰ Filisteokunaj kurajninkukuna sapa kuti maqanakoj llojsimojtinku, Saulpa waj kamachinkunamanta nisqaqa Davidpuni astawan paykunata atipaj. Chayrayku Davidqa tukuypaj manchay respetowan qhawasqapuni karqa.

1 Samuel 18:30 ပူးပေါင်းရင်းမြစ်များ

2 Samuel 11:1

Chay qhepan wata paray mit'a kashajtin, kuraj kamachejkuna maqanakuman llojsej kanku, chaypacha, Davidqa maqanakuman kacharqa Joabta, yanapajninkunata, chantá tukuy soldadontawan. Paykunaqa amonitakunata maqanakupi atipaykorqanku, Rabá llajtatataj jap'inankupaj muyuykorqanku. Davidtajrí Jerusalenllapi qhepakorqa.

2 Samuel 7:9

Tukuy puriyniykipi qanllawanpuni karqani, awqaykikunata tukuchispa. Sumaj uyarisqa runaman tukuchiyki kay pachapi may uyarisqa runakunata jina.

2 Reyes 1:13

Chaymanta kuraj kamachej ujtawan phishqa chunka soldadokunata, capitannintawan ima kachallarqataj. Kaytawanqa kinsa kutitaña kacharqa. Chay capitanrí Eliaspaman chayaspa, qonqoriykukuytawan mañakorqa: Diosmanta sut'inchaj, mañakuyki, noqata chantá kay phishqa chunka soldadoykunatawan ima ama wañuchinawaykuta.

Salmos 116:15

Tata Diospa sonqon nanan, maypachachus paypa munakoj runa wañupun chaypacha.

Salmos 119:99

Kamachisqaykipi sapa p'unchay unanchaspa purisqayrayku tukuy yachachiwajkunamanta nisqaqa astawan yachaqani.

Proverbios 12:8

Runaqa yachayniyoj kasqanman jina jatunchasqa kanqa, mana yuyayniyoj runarí pisipaj qhawasqa kanqa.

Daniel (hebreo) 1:20

Kuraj kamachej tukuy imaymana yachaymanta paykunata tapojtin, chay tawantin waynakuna astawan yachayniyoj karqanku kuraj kamachejpa chay waj yachaysapa runankunamanta, chantá yatirinkunamanta nisqaqa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

Efesios 5:15

Chayrayku imaynatachus purishasqaykichejta allinta qhawakuychej. Amaña wampu jinaqa kawsaychejchu, manachayqa yuyayniyojkuna jina.

1 Pedro 2:4

Qankunaqa Tukuyta Kamachej Jesusman qayllaykuychej, imajtinchus payqa Diospa Templonpi kawsashaj aswan sumaj rumi jina. Paytaqa runakuna qhesacharqanku, Diostajrí payta ajllaspa jatuncharqa, may valorniyoj rumi jina kananpaj.

1 Pedro 2:7

Qankuna Diospi atinikojkunapaj chay rumeqa may valorniyojmin. Mana Paypi atinikojkunamantarí Diospa Qhelqachisqanpi nin: Wasichajkunaj qhesachasqanku rumeqa sumaj esquina rumiman tukun, nispa.

1 Samuel 18:29

Chayrayku Davidta astawan manchachikorqa. Saulqa wañunankama wiñaypaj Davidta awqanpaj qhawarqa.

1 Samuel 18:5

Davidqa, Saúl maymanchá kachaj, chayman rej, tukuy imatataj allintapuni ruwaj. Chayrayku Saulqa Davidta soldadonkunata kamachinanpaj churarqa. Davidtaj tukuy runapaj, jinallataj Saulpata soldadonkunata kamachejkunapajpis manchay munasqa karqa.

1 Samuel 19:8

Ujtawan maqanaku qallarejtin, Davidqa filisteokunaj contrankupi maqanakoj llojserqa, paykunatataj atipaykorqa. Filisteokunaqa maytapuni atipaykuchikuspa, Davidmanta ayqerqanku.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.

1 Samuel 26:21

Saultaj kuticherqa: David, wawáy. Noqa juchayoj kani. Uj wampu runa jina ruwaspa, may jatunta pantani. Chayrayku kunanqa kutimpuy. Manaña ima sajratapis ruwasqaykichu, imaraykuchus kunan mana wañuchiwaspa, jatunpaj qhawawasqaykita yachayta qowanki, nispa.

1 Samuel 26:24

Imaynatachus kunan noqa kawsayniykita maypaj qhawarqani, ajinallatataj Tata Diosqa noqata maypaj qhawawachun, waqaychawachuntaj tukuy llakiymanta, nispa.