1 Samuel 18:21 - DIOSPA QHELQACHISQ

²¹ Saúl yuyasharqa Davidta ususinwan casarachejtin, Davidqa filisteokunawan maqanakushajtin wañuchisqa kananta. Chayrayku Saulqa ujtawan Davidta nerqa: Kunanqa tolqaypuni kanki, nispa.

Qheshwa Biblia DC

²¹ Saulqa yuyasharqa wawanta qojtenqa payrayku Davidqa filisteospa makimpi wañunanta. Chaypacha Saulqa ujtawan Davidman nerqa: Kunanqa tolqay kanayki tiyan.

DIOSPA QHELQACHISQAN DEUTEROCANONICAL

²¹ Saúl yuyasharqa Davidta ususinwan casarachejtin, Davidqa filisteokunawan maqanakushajtin wañuchisqa kananta. Chayrayku Saulqa ujtawan Davidta nerqa: Kunanqa tolqaypuni kanki, nispa.

1 Samuel 18:21 ပူးပေါင်းရင်းမြစ်များ

Salmos 38:12

12 (13) Wañuchiwayta munajkunapis tojllata churallawankutaj. Mana allin kayniyta munajkunaqa contrayta parlanku, jinataj wasanchanawankupaj sapa kutilla wakichikunku.

Éxodo 10:7

Chantá faraonta yuyaychajkuna nerqanku: Mayk'ajkamataj kay runa umanchejta nanachiwasunri? Chay runakunata kacharipuy, ch'innejman rispa Tata Diosninkuta yupaychamunankupaj. Manachu yachanki Egiptoqa kay jina sonqo nanay phirisqaña kashasqanta? nispa.

Proverbios 29:5

Kawsaqenta llunk'upayajqa kawsaqen urmananpaj tojllata churashan.

Jeremías 5:26

Aylluy ukhupi millay runakuna tiyan. Chay runakuna p'isqota jap'ejkuna jina wateqanku, runa masinkuta jap'inankupajtaj tojllata churanku.

Jeremías 9:8

8 (7) Qallunkoqa wañuchej flecha jina, siminkupis q'otiyanallamanta parlan. Runa masinkuman may misk'ita parlarinku, sonqonkupitajrí misk'anata churaspa, urmachinallapi yuyanku.

1 Samuel 18:17

Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.

1 Samuel 18:22

Chantá Saulqa kamachinkunata nerqa: Qankuna sapallanpi Davidta niychej: Kuraj kamachejqa maytapuni munakusunki, jinallataj tukuy kamachinkunapis. Kuraj kamachejpa tolqan kayta munallayña, nispa.

1 Samuel 18:26

Saulpa yanapajninkuna imatachus Saúl nisqanta Davidman willamorqanku. Davidtaj umachakorqa, ajinamanta kuraj kamachejpa tolqan kanaqa walej kasqanta. Chantá manaraj kuraj kamachej nisqan p'unchay chayamushajtin,