1 Samuel 18:10 - DIOSPA QHELQACHISQ

¹⁰ Q'ayantin Diospa kachamusqan millay espiritoqa Saulman yaykorqa, paytaj kamachinan wasi ukhupi pawisqa jina purerqa. David ñawpaj kutipi jina arpata tocasharqa, Saultaj uj lanzata makinpi jap'isharqa.

Qheshwa Biblia DC

¹⁰ Q'ayantintaj Diospa kachamusqan sajra espíritu Saulman yaykorqapacha. Paytaj palacio ukhupi locoyarqa. Davidtaj arpa tocana yachasqa kasqanman jina arpata tocasharqa. Saultaj uj lanzata makimpi jap'isharqa.

DIOSPA QHELQACHISQAN DEUTEROCANONICAL

¹⁰ Q'ayantin Diospa kachamusqan millay espiritoqa Saulman yaykorqa, paytaj kamachinan wasi ukhupi pawisqa jina purerqa. David ñawpaj kutipi jina arpata tocasharqa, Saultaj uj lanzata makinpi jap'isharqa.

1 Samuel 18:10 ပူးပေါင်းရင်းမြစ်များ

1 Reyes 18:29

Chawpi p'unchaypis pasarqaña, paykunatajrí yuyay chinkasqa jina phinkiykachaspa aswan jatunmanta qhaparishallarqankupuni q'olachina phani chayamunankama. Chaywanpis mana ima parlayllapis uyarikorqachu, nitaj pipis kutichej nitaj uyarejpis karqachu.

1 Reyes 22:12

Diosmanta chay waj sut'inchajkunapis kikillantataj sut'inchasharqanku: Galaadmanta Ramotman riy, imaraykuchus Tata Diosqa yanapasonqa maqanakuspa chay llajtata jap'inaykipaj, nispa.

Jeremías 28:11

Jinaspataj, tukuy runaj uyarinankuta nerqa: Tata Dios nin: Ajinallatataj iskay watamantawan tukuy suyukunaj kunkankumanta Babiloniata kuraj kamachej Nabucodonosorpa yugo watasqanta phaskaraspa p'akirparisaj, nispa. Chayta Jananías nejtinkamataj, Jeremías riporqa.

Hechos 16:16

Uj p'unchay noqayku Diosmanta mañakoj rishajtiyku, uj kamachi sipas taripamuwarqayku. Pay supayniyoj kasqanrayku watuyta yachaj, chaynejtataj chay sipaspa patronninkuna ashkha qolqeta jap'ej kanku.

2 Tesalonicenses 2:11

Chayrayku Dios paykunaman sinch'i pantachej atiyta kachamonqa, paykunatataj llulla kajta jap'ikonqanku.

Jueces 16:20

Chantá Dalilaqa qhaparerqa: Sansón, filisteokuna jap'isoj jamushanku, nispa. Sansontaj rijch'ariytawan, yuyarqa ñawpaj kutipi jina kacharichikunallanta. Jinapis mana yacharqachu Tata Diosqa payta saqerparisqanta.

1 Samuel 16:23

Ajinaqa Diospa kachamusqan millay espíritu Saulman jamojtinkama, Davidqa arpanta tocapoj. Arpata tocapojtintaj, Saulqa yuyayninman kutirej, walejyajtaj. Chay millay espiritutaj paymanta karunchakoj.

1 Samuel 18:9

Chaymantapacha Saulqa Davidta sajra ñawiwan qhawayta qallarerqa.

1 Samuel 19:10

Chantá Saulqa ujtawan Davidta lanzawan perqaman sat'iykuyta munarqa, Davidtajrí uj ladoman polqarqa. Lanzataj perqallaman sat'ikorqa. Chay kikin ch'isipachataj Davidqa ayqekorqa.

1 Samuel 19:7

Chaypacha Jonatanqa Davidta wajyaspa, imatachus parlasqankuta willarqa. Chaymantataj Saulman payta pusarqa. Ajinamanta ñawpajta jina Davidqa Saulta yanapaspallapuni karqa.

1 Samuel 19:9

Chantá Tata Diospa kachamusqan uj millay espíritu Saulman watej jamullarqataj. Saulqa wasinpi tiyasqa kasharqa, makinpi lanza jap'irisqa, Davidtaj arpata tocapusharqa.

1 Samuel 26:19

Wiraqochi kamachejníy, ama jina kaspa, kunan parlarikusqayta uyaririway. Tata Dioschus noqaj contraypi kanaykita nisorqa chayqa, Tata Dios qhespichiwachun, uywata ñak'aspa q'olachisqaytataj jap'ikuwachun. Runallamantachus kanman chayrí, Tata Diosqa paykunata sinch'ita ñak'arichichun. Paykunaqa Tata Diospa jallp'anmanta wijch'uwaspa, waj dioskunata yupaychanaman tanqashawanku.