1 Samuel 18:1 - DIOSPA QHELQACHISQ

¹ David Saulwan parlayta tukusqantawan, Jonatanqa Davidta mayta q'ayachakuyta qallarerqa. Chayrayku Davidta pay kikinta jinapuni munakorqa.

Qheshwa Biblia DC

¹ David Saulwan parlayta tukusqantawan Jonatanqa Davidwan may sumaj kausaqen ruwakorqa. Chayrayku Davidta pay kikinta jinapuni munakorqa.

DIOSPA QHELQACHISQAN DEUTEROCANONICAL

¹ David Saulwan parlayta tukusqantawan, Jonatanqa Davidta mayta q'ayachakuyta qallarerqa. Chayrayku Davidta pay kikinta jinapuni munakorqa.

1 Samuel 18:1 ပူးပေါင်းရင်းမြစ်များ

Génesis 44:30

Ajinaqa, sichus tataypaman kutipusaj, waynataj mana noqawan kutenqachu chayqa, wawanta mana rikuspa tatay wañonqa. Tatayku wawanta manchaytapuni q'ayachakusqanrayku manapuni paymanta kacharikuyta munanchu.

2 Samuel 1:26

Jonatán wawqéy, sinch'i llakisqa kashani. Noqaqa kikin wawqeymantapis astawan munakorqayki. Qanpa munakuyniykipis warmikunaj munakuyninkumantapis aswan karqa.

1 Crónicas 12:17

Davidtaj paykunata taripaj llojsispa, nerqa: Sichus allin sonqowan yanapanawaykichejpaj jamushankichej chayqa, noqawan ujchakunaykichejta tukuy sonqo munasaj. Sitajchus wasanchaspa, awqayman jaywaykunawaykichejpaj jamushankichej chayrí, ñawpa tatanchejkunaj Diosninku qankunata sinch'ita ñak'arichisonqachej, imaraykuchus noqaqa mana pitapis imata ruwanichu, nispa.

Salmos 86:11

Tata Dios, ñanniykipi puriyta yachachiway, qanta kasuspa purinaypaj. Sonqoypi kay jinata munanalla kachun: Qanllata yupaychasuyta munana.

Proverbios 18:24

Wakin kawsaqekunaqa mana unaypajchu kanku. Chaywanpis wakin kawsaqekunaqa wawqemantapis astawan munakuyniyoj kanku.

Deuteronomio 13:6

6 (7) Ichapis kikin wawqeyki, churiyki, ususiyki, munasqa warmiyki, chayrí aswan sumaj kawsaqeyki pakayllamanta nisunkiman: Jaku, waj dioskunata yupaychamunachej, mayqentachus ni qan, nitaj tatanchejkunapis rejserqankuchu, chaykunata.

Colosenses 2:2

Munallanitaj sonqonku kawsarichisqa kananta, munakuypi sumaj ujchasqa kanankupaj. Ajinamanta yachanqanku Diospa pakasqa wakichisqan imachus kasqanta sumajta rejsisqankuta: Chayqa Cristomin.

Jueces 20:11

Ajinata ari tukuy israelitakuna uj runa jinalla tantaykukorqanku Gabaa llajtayojkunawan maqanakamunankupaj.

1 Samuel 14:45

Israelitakunatajrí Saulman kuticherqanku: Imaraykutaj Jonatán wañunman kasqari? Paynejta noqanchej filisteokunata mayta atipaykorqanchej. Mana wañunmanchu. Tata Diosrayku tiluyku: Mana uj chujchallanpis pampaman urmanqachu, imaraykuchus chay ruwasqanpi Dios payta yanaparqa, nispa. Ajinata israelitakunaqa Jonatán wañuchisqa kananmanta jark'akorqanku.

1 Samuel 18:3

Chantá Jonatanwan, Davidwan ima uj tratota ruwarqanku, Jonatán Davidta may jinata munakusqanrayku.

1 Samuel 19:1

Chantá Saulqa churin Jonatanta, tukuy yanapajninkunatawan ima kamacherqa Davidta wañuchinankuta. Jonatanrí Davidta mayta munakusqanrayku,

1 Samuel 19:2

chayta payman willamorqa: Tatay Saulqa wañuchisuyta munan. Q'ayaqa allinta qhawakuspa purinki. Maynejllapipis sumajta pakakuy.

1 Samuel 20:17

Chantá Jonatanwan, Davidwan ima ujtawan tilorqanku, imaraykuchus Jonatanqa Davidta pay kikinta jina munakorqa.

1 Samuel 20:8

Ajinaqa khuyaspa yanapaway kamachiyki kasqayrayku, Tata Diospa ñawpaqenpi noqawan qanwan tratota ruwasqanchejrayku. Noqajtapunichus juchay kashan chayrí, qan kikiyki wañuchiway. Ama tataykimanrajchu apaway, nispa.

1 Samuel 22:8

Qankunaqa tukuyniykichej contraypi oqharikunkichej, manataj pipis willawarqankichejchu Yesejpa churinwan wawaywan tratota ruwasqankumanta. Ni mayqenniykichej noqamanta llakikunkichejchu. Nillataj pipis niwanchu Davidta contraypi wawallaytaj churasqanta, wañuchiwayta munaspa wateqanawanpaj, imaynatachus kunan ruwashan, ajinata, nispa.

1 Samuel 23:18

Chaypacha iskayninku Tata Diospa uyarinanta ujtawan tratota ruwarqanku. Chantá Jonatanqa wasinman kutiporqa, Davidtaj Horespi qhepakorqa.