1 Samuel 17:51 - DIOSPA QHELQACHISQ

⁵¹ Davidqa filisteoj patanman phinkiykorqa. Chantá Goliatpa espadanta orqhoytawan, ujkama wañurparichispa, umanta qholurparerqa. Filisteokunaqa sumaj maqanakoj runankuta wañusqata rikuspa, ayqerikaporqanku.

Qheshwa Biblia DC

⁵¹ Davidqa filisteoj patanman phinkiykuspa espadallantataj jallch'ananmanta orqhospa wañuchiyta tukuycharparerqa, chaymanta umanta qholurparerqa. Filisteosqa chay sumaj maqanakoj runankuta rikuspa ayqerikaporqanku.

DIOSPA QHELQACHISQAN DEUTEROCANONICAL

⁵¹ Davidqa filisteoj patanman phinkiykorqa. Chantá Goliatpa espadanta orqhoytawan, ujkama wañurparichispa, umanta qholurparerqa. Filisteokunaqa sumaj maqanakoj runankuta wañusqata rikuspa, ayqerikaporqanku.

1 Samuel 17:51 ပူးပေါင်းရင်းမြစ်များ

2 Samuel 23:21

Wañuchillarqataj uj jatunkaray Egipto llajtayoj runata, pay lanzanta jap'ishajtin. Benaiasrí k'aspillawan chimpaykuspa, lanzanta qhechurparerqa chantá kikin lanzallanwantaj wañucherqa.

2 Samuel 4:7

Jinaqa wasiman yaykuytawan, Isboset puñushajtin wañurparichiytawan, umanta qholurparerqanku. Chantá Isbosetpa umanta apariykukuspa, Arabá ñanninta tukuy tutantinta rerqanku.

Ester (hebreo) 7:10

Ajinata Amantaqa Mardoqueopaj ruwachisqan sipinallapitaj siperqanku. Chaywantaj kuraj kamachejpa sonqonqa phiñasqa kasqanmanta tiyaykorqa.

Hebreos 11:34

Jinallataj paykunaqa manchay lawrashaj ninata thasnorqanku, espadawan wañuchisqa kanamanta llusp'erqanku. Pisi kallpayoj kaspapis, kallpasapaman tukorqanku. Jinallataj maqanakupi sinch'i atiyniyojman tukuspa, waj suyukunaj soldadonkunata ayqecherqanku.

Hebreos 2:14

Chay wawakunaqa aychayoj, yawarniyojtaj kanku. Ajinallataj Cristopis paykuna jina kananpaj aychallikorqa, cruzpi wañuspa Kuraj Supayta atipananpaj, pichus runakunata wañuchinanpaj atiyniyoj karqa, chayta.

1 Samuel 17:50

Ajinata Davidqa Goliatta atiparqa. Uj warak'allawan, uj rumillawan Davidqa payta wañurparicherqa. Mana espadayoj kasparí,

1 Samuel 21:10

10 (11) Chay p'unchaypacha Davidqa Saulmanta ayqespa, riporqa Gat llajtamanta kuraj kamachej Aquispaman.

1 Samuel 21:9

9 (10) Sacerdotetaj kuticherqa: Elá nisqa vallepi filisteo Goliatta wañuchispa qhechusqayki espadalla kaypi kashan, unku wasapi uj llijllawan mayt'usqa kashan. Munanki chayqa, apakapuyta atinki. Chaylla tiyan, aswan mana kanchu, nispa. Chantá David kuticherqa: Chaymanta aswan sumajqa mana kanmanchu. Chayta qoway ari, nispa.

1 Samuel 31:9

Chantá Saulpa umanta qholorqanku, armantataj jap'ikaporqanku. Jinaspataj, tukuy Filistea jap'iyman willajkunata kacharqanku, lantikunata yupaychana wasikunapi tukuy runaman chayta willanankupaj.