1 Samuel 17:46 - DIOSPA QHELQACHISQ

⁴⁶ Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.

Qheshwa Biblia DC

⁴⁶ Kunampacha qanta Señorqa makisniyman jaywawanqa, kunampacha wañuchisqayki, umaykitataj qholusaj, tukuy filisteospa aychasnintataj chay aycha mikhu p'isqosman, jinataj chay monte sajra animalesman qarasaj. Jinamanta tukuy runas yachanqanku Israel ukhupi uj Dios kasqanta.

DIOSPA QHELQACHISQAN DEUTEROCANONICAL

⁴⁶ Kunanpacha Tata Diosqa qanta atipayta yanapawanqa, noqataj wañuchisqayki, umaykitataj qholurparisqayki. Jinataj tukuy filisteokunaj ayankuta suwintukunaman, aycha mikhoj animalkunamanwan qarasaj. Jinamanta tukuy yachanqanku Israel ukhupi Dios kasqanta.

1 Samuel 17:46 ပူးပေါင်းရင်းမြစ်များ

Génesis 40:19

Chay niyta munan kinsa p'unchayninman jina faraonqa umaykita qholuchispa, sach'aman warkhuchisunanta, suwintukunataj aychaykita mikhonqanku, nispa.

2 Samuel 18:28

Ajimazqa karullapiraj kashaspa, qhaparispa napaykorqa. Chantá kuraj kamachejpa ñawpaqenman chayaytawan, pampakama k'umuykuspa nerqa: Saminchasqa kachun Tata Diosniyki, qanpa contraykipi oqharikojkunata chinkachisqanrayku, nispa.

2 Samuel 21:10

Chantá Ayáj ususin Rispaqa qhashqa luto p'achawan p'achalliykukuspa, uj chhanka pataman mast'aykukorqa. Chaypitaj qhepakorqa cebada oqharikuymantapacha paray tiempo chayamunankama, jark'aspa suwintukuna chay ayakunaman p'unchaypi ama tiyaykunankupaj, jinallatataj ch'isinpis k'ita animalkuna ama qayllanankupaj.

1 Reyes 8:43

qanqa janaj pachamanta uyarimuy, maypichus tiyakunki, chaymantapacha, ruwaytaj karu llajtayojpa mañakususqanta. Chay jinamanta tukuy suyu rejsisonqanku, sutiykitataj manchachikonqanku Israel aylluyki jina. Ajinamanta yachanqanku kay ruwapususqay Templopi sutiyki may oqharisqa kasqanta.

1 Reyes 8:60

Ajinamanta kay pachapi tukuy suyu yachanqanku Tata Dioslla cheqa kaj Dios kasqanta, manataj waj kasqanta.

2 Reyes 19:19

Tata Diosniyku, mañarikuyku makinkumanta kacharichinawaykuta, tukuy suyoj qanlla Tata Dios kasqaykita yachanankupaj, nispa.

2 Reyes 5:15

Chaymanta Namanqa paywan tukuy rejkuna ima Eliseojpaman kutirerqanku. Chantá Eliseoj wasinman chayaspa, Namán nerqa: Kunan yachani kay pachantinpi mana waj Dios kasqanta, manachayqa Israel suyullapi. Chayrayku ama jina kaspa, apamusqaymanta waqeta jap'ikuway, nispa.

Salmos 31:8

8 (9) Mana awqaypa makinman jaywaykuwarqankichu, manachayqa chakiyta sinch'ita sayacherqanki.

Salmos 46:10

10 (11) Paytaj nin: K'umuykuychej, chantá noqa Dios kasqayta rejsikapuwaychej. Tukuy suyupi yupaychawanqanku, tukuy kay pachapitaj jatunchawanqanku, nispa.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Isaías 37:20

Kunanrí Tata Diosniyku, asiriokunaj makinmanta kacharichiwayku ari, ajinamanta kay pachapi kaj chhika suyukuna yachanankupaj qan k'atalla Tata Dios atiyniyoj Dios kasqaykita, nispa.

Isaías 52:10

Tata Diosqa makinta q'empirakun atiyninta rikuchinanpaj tukuy suyoj ñawpaqenkupi. Chantá tukuy kay pachaj k'uchunpi tiyakojkunaqa Diosninchej kacharichiwasqanchejta rikonqanku.

Isaías 56:9

Campopi tukuy phiña animalkuna, k'ita animalkuna ima, jamuychej aylluyta mikhoj.

Jeremías 19:7

Kay cheqapi noqaqa Judá, jinataj Jerusalén imatachus ruwanankupaj wakichikorqanku, chayta chinkachisaj. Noqapuni awqankuwan paykunata atipachisaj, paykunatataj espadawan wañurachenqanku. Chantá Judamanta runakunaj ayankuta suwintukunaman, k'ita animalkunaman ima mikhunankupaj qarasaj.

Jeremías 34:20

Chayrayku paykunata wañuchiyta munaj awqankoj makinkuman jaywaykusaj. Ayankutataj suwintukuna, jinataj k'ita animalkuna ima mikhonqanku.

Daniel (hebreo) 2:47

Chantá Danielta nerqa: Cheqapuni Diosniykichejqa tukuy dioskunaj Tukuyta Kamachej Diosnin, tukuy kamachejkunaj kuraj kamachejninkutaj, tukuy pakaypi kajta sut'inchaj ima, imaraykuchus qan pakasqa kajta sut'inchayta aterqanki, nispa.

Daniel (hebreo) 3:29

Chayrayku noqa kayta kamachini: Sichus pipis kay waynakunaj Diosninkoj contranpi imatapis parlanman chayqa, mayqen suyumantapis, chayrí mayqen parlayniyojpis kachun, pay wañuchisqa kanqa, ayantaj chhikan chhikan khuchurasqa kanqa. Wasinpis thuñisqallataj kanqa, imaraykuchus chay jinata qhespichej Dios jina manapuni waj dios kanchu, nispa.

San Mateo 24:28

Maypichá aya tiyan, chayman suwintukuna tantakonqanku, nispa. Ajinata Jesús yachacherqa.

Deuteronomio 28:26

Tukuy kay pachapi kaj k'ita animalkunapis, chantá suwintukuna ima ayaykita mikhonqanku, nitaj pipis paykunamanta jark'asonqachu.

Deuteronomio 7:2

Maypachachus Tata Diosniykichej, chay suyukunata atipanaykichejpaj makiykichejman jaywasonqachej chaypacha, paykunata kantumanta wañuchinkichej. Amapuni paykunawan ni ima tratota ruwankichejchu, nitaj khuyarikullankichejpischu.

Deuteronomio 7:23

Jinapis Tata Diosniykichejqa chay suyukunata makiykichejman jaywasonqachej. Paykunata sinch'ita ñak'arichispa, tukuchenqa.

Josué 10:8

Tata Diostaj Josueta nerqa: Ama manchachikuychu, noqa paykunata atipaykuchisqaykichej, nitaj mayqenninkupis qanman sayaykuyta atenqankuchu, nispa.

Josué 4:24

Ajinata Tata Dios ruwarqa, kay pachapi tukuy runakuna Tata Dios may jina atiyniyoj kasqanta yachanankupaj, qankunataj Tata Diosniykichejta yupaychanaykichejpaj, nispa.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

1 Samuel 17:44

Filisteoqa nillarqataj: Jamuy kayman. Noqaqa aychaykita suwintukunaman, jinataj aychata mikhoj animalkunaman qaraykusaj, nispa.