1 Samuel 17:45 - DIOSPA QHELQACHISQ

⁴⁵ Davidtajrí Goliatman kuticherqa: Qanqa espadawan, lanzawan, juch'uy lanzawan ima jamushawanki. Noqatajrí Tukuy Atiyniyoj Tata Diospa sutinpi jamushayki. Payqa Israelpa soldadonkunaj Diosnin. Paypaj má qanqa ajina millayta rimarqanki.

Qheshwa Biblia DC

⁴⁵ Davidtaj payman kuticherqa: Qanqa espadawan jamushawanki jinallataj lanzawan, jabalinawan ima, noqataj qampa contraykipi jamushani, israelita soldadospa Tukuy Atiyniyoj Señor Diosnimpa sutimpi. Paypajtaj qanqa sajrata rimarqanki.

DIOSPA QHELQACHISQAN DEUTEROCANONICAL

⁴⁵ Davidtajrí Goliatman kuticherqa: Qanqa espadawan, lanzawan, juch'uy lanzawan ima jamushawanki. Noqatajrí Tukuy Atiyniyoj Tata Diospa sutinpi jamushayki. Payqa Israelpa soldadonkunaj Diosnin. Paypaj má qanqa ajina millayta rimarqanki.

1 Samuel 17:45 ပူးပေါင်းရင်းမြစ်များ

2 Crónicas 14:10

10 (9) Chaypacha Asaqa paykunaj contranta maqanakoj llojserqa, soldadonkunawantaj Maresa llajta qayllapi Sefata vallepi maqanakunankupaj wakichikorqanku.

2 Crónicas 32:8

Asiriamanta kuraj kamachejqa runaj kallpallanpi atinikushan. Noqanchejwantajrí Tata Dios kashan, paytaj noqanchejrayku maqanakonqa, nispa. Judata kuraj kamachej Ezequiaspa parlasqanta uyarispataj, soldadokunaqa mayta kallpachakorqanku.

Salmos 124:8

Yanapaqa Tata Diosmanta jamun, pichus janajta, kay pachatawan ruwarqa, chaymanta.

Salmos 18:2

2 (3) Qanmin pakakunay kanki, jark'akuwaj, kacharichiwaj Diosniytaj. Qanmin pakakunay chhanka kanki, jark'akuna escudoytaj. Atiyniyoj qhespichiwajniy kanki, patapi sumaj pakakunaytaj.

Salmos 20:8

8 (9) Paykunaqa llawch'iyaspa, pampaman urmanku, noqanchejrí mana urmaspa sayashanchej.

Salmos 3:8

8 (9) Tata Diosníy, qanllamin yanapawayta atinki. Aylluykitataj saminchay ari.

Salmos 44:6

6 (7) Noqaqa mana armaypichu atinikuni, manallataj espadaychu atipanapaj yanapawanqa.

Proverbios 18:10

Tata Diospa sutenqa sumaj ruwasqa torre jina. Cheqan runakuna chayman ayqespa, sumaj jark'asqa kanku.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Isaías 37:28

Noqa allinta rejsiyki imaynachus kasqaykita, llojsisqaykita, yaykusqaykitapis rikullanitaj, jinallataj noqapaj phiñakusqaykitapis.

2 Corintios 10:4

Maqanakunayku armakunaqa Diosman mana kutirikojkunaj armankuna jinachu kanku. Aswanpis Diospa jatun atiyninwan sinch'i atiyniyoj kanku pukara jina runaj sinch'i yuyasqankuta thuñinaykupaj.

2 Corintios 3:5

Manataj niykumanchu noqallaykumanta imatapis ruwayta atinallaykuta, manachayqa niyku imatapis ruwanaykupaj chay ateyqa Diosmanta jamusqanta.

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

1 Samuel 17:10

Chantá filisteoqa nillarqataj: Israelita soldadokuna, kunan niykichej: Noqawan maqanakunanpaj uj qharita kachamuwaychej, nispa.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.

1 Samuel 17:6

Chaki t'usunta jark'ananpis broncellamantataj karqa, jinallataj lijranpi apaj chay lanzanpis.