1 Samuel 17:36 - DIOSPA QHELQACHISQ

³⁶ Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.

Qheshwa Biblia DC

³⁶ Ajinata kay kamachiykeqa wañuchej leontapis, chayri osotapis. Kay Diosta mana rejsej runatapis kikillantataj ruwasaj, kausaj Diospa soldadosnimpa contrampi sayaykusqanrayku.

DIOSPA QHELQACHISQAN DEUTEROCANONICAL

³⁶ Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.

1 Samuel 17:36 ပူးပေါင်းရင်းမြစ်များ

2 Crónicas 32:17

Senaqueribqa cartatapis qhelqallarqataj Israelpa Tata Diosninpa contranpi, kay jinata rimaspa: Imaynatachus waj suyukunaj diosninkunaqa makiymanta mana kacharichiyta aterqankuchu, ajinallatataj Ezequiaspa Diosninpis manallataj llajtanta makiymanta kacharichiyta atenqachu, nispa.

Isaías 10:15

Jachaqa k'utoj runamanta nisqa aswan sumaj kasqanta yuyakunmanchuri? Sierrapis khuchoj runamanta nisqa may kasqanta yuyakullanmantajchu? Chayqa kanman uj k'aspi, chayrí tojnupis runata apaykachanman jina.

Isaías 36:15

Ezequías nisojtiykichej: Tata Diospi atinikuna, nispa, ama payta uyariychejchu. Pay nillasonqachejtaj: Cheqapuni Tata Dioslla jark'akuwasunchej. Kay llajtaqa mana Asiriata kuraj kamachejpa makinman urmanqachu, nispa.

Isaías 36:18

Chayrayku Ezequiaswan ama q'otiyachikuychejchu. Pay nillasonqachejpuni: Tata Dios kacharichiwasun, nispa. Ima suyoj diosnintaj pitapis Asiriaj atiyninmanta kacharichiyta aterqari?

Ezequiel 28:10

Waj llajtayojkunaj makinpi wañunki, imaynatachus Diosta mana rejsej runakuna wañunku, jinata. Chayta noqa Tukuyta Kamachej Tata Dios nini.

Ezequiel 32:19

Paykunaman niy: Egipto suyu, wakinkunamanta aswan k'achituchu kanki? Urayk'uspa, Diosta mana yupaychajkunawan khuska ukhu pachapi wijch'urayamuy, nispa.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Zacarías 12:3

Chay p'unchaypi Jerusalenta mana oqhariy atina llasa rumiman tukuchisaj. Mayqen suyupis chay rumita oqhariyta munajtin, wasan ch'utanqa. Chaypachaqa tukuy suyukuna Jerusalenpa contranpi tantaykukonqanku.

Zacarías 2:8

8 (12) Tukuy Atiyniyoj Tata Dios kayta willanaypaj kachamuwarqa, pikunachus tukuy imaykichejta ch'uskirasorqachej, chay suyukunaj contrankupi: Pillapis qankunata llankhaykojqa ñawi papaytapis llankhaykunman jina.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

1 Samuel 17:10

Chantá filisteoqa nillarqataj: Israelita soldadokuna, kunan niykichej: Noqawan maqanakunanpaj uj qharita kachamuwaychej, nispa.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:35

qhepanta rispa, siminmanta ovejata qhechoj kani. Noqaman phinkiykamuwajtintaj, k'akinmanta jap'ispa, wañuchinaykama wajtaj kani.

1 Samuel 17:37

Davidqa nillarqataj: Tata Diosqa leonpa siminmanta, jinataj jukumarej siminmantapis qhespichiwarqa. Jinallatataj kay filisteoj makinmantapis qhespichiwanqa, nispa. Chantá Saúl nerqa: Riy ari, Tata Diostaj yanapasuchun, nispa.

1 Samuel 18:17

Uj kuti Saulqa Davidta nerqa: Kuraj kaj ususiy Merabwan casarachisqayki. Chaypajqa qan maqanakupaj wapu kanayki tiyan, Tata Diospa sutinpi maqanakupipis sumajta maqanakoj kanayki tiyan, nispa. Ajinata nispa, Saulqa yuyasharqa filisteokuna maqanakupi Davidta wañuchinankuta, manataj paychu.

1 Samuel 31:4

Chayrayku Saulqa armanta apaykachapoj soldadota nerqa: Espadaykita orqhokuspa, wañuchiway, Diosta mana manchachikoj runakuna wañuchiwaspa ama alqochakunawankupaj, nispa. Armanta apaykachapojrí mana Saulpa nisqanta ruwarqachu, sinch'ita manchachikusqanrayku. Chayrayku Saulqa espadanta sayaykuchispa, patanman urmaykurparerqa.