1 Samuel 17:28 - DIOSPA QHELQACHISQ

²⁸ Davidpa kuraj kaj wawqen Eliabtajrí soldadokunawan parlasqanta uyarispa, Davidpaj phiñarikorqa, nerqataj: Imamantaj kayman jamorqankiri? Pimantaj pisi ovejakunata ch'in pampapi saqerqankiri? Noqa rejsiyki machu machu kasqaykita, sajra sonqo kasqaykitapis. Qanqa maqanakuta qhawanaykiraykulla jamunki, nispa.

Qheshwa Biblia DC

²⁸ Eliabqa Davidpa kuraj kaj wauqenqa phiñarikorqa chay waj soldadoswan parlasqanta uyarispa, nerqataj: Imamantaj kayman jamorqankiri? Pimantaj chay pisi ovejasta ch'in pampapi saqerqankiri? Noqa rejsiyki wapuykachajpuni kasqaykita, sajra yuyasqasniykitapis. Qanqa jamorqanki maqanakuta qhawakunaykiraykulla, nispa.

DIOSPA QHELQACHISQAN DEUTEROCANONICAL

²⁸ Davidpa kuraj kaj wawqen Eliabtajrí soldadokunawan parlasqanta uyarispa, Davidpaj phiñarikorqa, nerqataj: Imamantaj kayman jamorqankiri? Pimantaj pisi ovejakunata ch'in pampapi saqerqankiri? Noqa rejsiyki machu machu kasqaykita, sajra sonqo kasqaykitapis. Qanqa maqanakuta qhawanaykiraykulla jamunki, nispa.

1 Samuel 17:28 ပူးပေါင်းရင်းမြစ်များ

Génesis 37:11

Wawqenkunaqa Josemanta anchatataj envidiakorqanku. Tatantajrí Josejpa mosqokusqan ima niytachus munasqanta yachayta munaspa, unanchasharqa.

Génesis 37:4

Josejpa wawqenkunarí tatanku Joseta paykunamanta nisqa astawan munakusqanta rikuspa, Joseta chejnikuyta qallarerqanku, nitaj allinta parlapayajchu kanku.

Génesis 37:8

Chantá wawqenkuna, nerqanku: Ajá, kaywanqa niytachu munashawayku qan kamachejniyku kanaykita? Qanchu noqaykuta kamachiwasqayku? nispa. Chayrayku mosqokusqanmanta chantá imaynatachus willasqanmanta astawan payta chejnikorqanku.

2 Crónicas 11:18

Roboanqa Davidpa churin Jerimotpa ususin Majalatwan casarakorqa, mamantaj Yeséj churin Eliabpa ususin Abijaíl karqa.

Salmos 35:11

Millay sonqoyoj testigokuna sayarimunku, mana yachasqaymantataj tapuwanku.

Proverbios 18:19

Phiñachisqa wawqeqa sumaj jark'achasqa llajta jina, mana yaykuy atina. Wawqepura phiñanakuytaj rejillayoj punku jina t'aqan.

Proverbios 27:4

Phiñakoyqa mana khuyakuyniyoj, k'araj phiñakuytaj mana atipay atina. Celosakuyrí sayachiy mana atinapuni.

Eclesiastés 4:4

Chantá rikullanitaj anchata llank'ana, jinataj imata ruwasqanpipis allin risqanqa runata envidiawan jap'inachisqanta. Chaypis qhasi manakajlla, wayra jap'iyta munay jinalla kasqanta repararqani.

San Mateo 10:36

Sapa ujpata ayllun ukhullamantataj awqan rikhurenqa.

San Mateo 27:18

Pilato repararqa judío kurajkuna Jesusta envidiakuspa, payman pusamusqankuta.

Marcos 3:21

Jinapi Jesuspa ayllunkuna imachus kasqanta yachaspa, payta pusakapunankupaj jamorqanku, imaraykuchus mana yuyayninpichu kasqanta yuyarqanku.

Judas 1:10

Chay runakunatajrí mana yachasqanku imakunamanta thawtispa alqorakunku. Mana yuyayniyoj animalkuna jina, paykuna sonqonkoj nisqallanta ruwanku, ajinata ruwaspa purisqankuraykutaj juchachasqa kanankuta paykunallataj mask'akushanku.

1 Samuel 16:13

Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

1 Samuel 16:7

Tata Diostajrí nerqa: Ama allin rijch'ayninta qhawaychu, nitaj sayaynintapis. Mana noqaqa payta ajllakunichu. Noqaqa mana runa jinachu qhawani. Runaqa ñawinpa rikusqallanta qhawan, noqarí sonqota qhawani, nispa.

1 Samuel 17:29

Davidtaj kuticherqa: Kunan imatataj noqa ruwasqaniri? Manañachu parlarikullaytapis atiyman? nispa.