1 Samuel 17:26 - DIOSPA QHELQACHISQ

²⁶ Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

Qheshwa Biblia DC

²⁶ Chaypacha David tapurerqa chay ladompi kajkunata: Imatataj qonqanku kay filisteo runata wañuchejman, Israelta k'umuykachachejta qhechojmanri? Pitaj kasqa Diosta mana rejsej runari, kausaj Diospa soldadosnimpa contrampi sayaykojri?, nispa.

DIOSPA QHELQACHISQAN DEUTEROCANONICAL

²⁶ Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.

1 Samuel 17:26 ပူးပေါင်းရင်းမြစ်များ

2 Reyes 19:4

Ichapis Tata Diosniykeqa soldadokunata kamachej Rabsacespa parlasqanta uyarinña. Asiria suyuta kuraj kamachejqa payta kachamorqa kawsaj Diosmanta millayta parlananpaj. Tata Diosniyki imatachus nisqanmanta payta jasut'ichun. Kunanqa kaypi qhepakojkunarayku Diosmanta mañapuy ari, nispa.

2 Crónicas 32:17

Senaqueribqa cartatapis qhelqallarqataj Israelpa Tata Diosninpa contranpi, kay jinata rimaspa: Imaynatachus waj suyukunaj diosninkunaqa makiymanta mana kacharichiyta aterqankuchu, ajinallatataj Ezequiaspa Diosninpis manallataj llajtanta makiymanta kacharichiyta atenqachu, nispa.

Nehemías 5:9

Chantá noqa nillarqanitaj: Imatachus ruwashankichej, chayqa mana walejchu kashan. Qankunaqa Diosninchejta may jatun respetowan qhawanaykichej karqa, ajinamanta awqanchej mana asipayanawanchejpaj.

Salmos 44:13

13 (14) Qanqa muyuyniykupi kajkunaj ñawpaqenkupi p'enqaypi rikhurichiwayku, chay suyukunapi tiyakojkunataj asipayawayku, pisipajtaj qhawawayku.

Salmos 74:18

Yuyarikuy, Tata Dios, awqaykej phiñachisusqanmanta, wampu runakunataj sutiykita manakajpi rikhurichisqankumanta ima.

Salmos 79:12

Tukuyta Kamachej Dios, muyuyniykupi kajkunaman qanchis kutita kutichiy, contraykipi juchallispa sonqoykita nanachisqankumanta.

Isaías 37:23

Qan, pipajtaj rimankiri? Pimantataj alqochakunkiri? Pejpa contrantataj chhika jatunmanta qhaparqachanki, may kasqaykita yuyakuspataj, umaykita oqharinkiri? Chaytaqa Israelpa May Llimphu Kaj Diosninpa contranta ruwashanki.

Jeremías 10:10

Tata Diostajrí cheqa kaj Diospuni, kawsaj Dios, wiñaypaj Kuraj Kamachejtaj. Maypachachus pay phiñakun, chaypacha, kay pacha kharkatitin. Phiñakojtenqa, suyukunapis mana sayayta atinkuchu.

Jeremías 9:25

25 (24) Tata Dios nillantaj: Uj p'unchay jamushan, chay p'unchaypitaj noqaqa circuncidasqa kajta, mana circuncidasqa kajta, tukuytapuni jasut'isaj.

Jeremías 9:26

26 (25) Kay suyukunata jasut'isaj: Egiptota, Judata, Edomta, Amonta, Moabtawan ima. Jinallataj ch'innejpi tukuy tiyakojkunata, pikunachus umankuta ruthuchikunku, chaykunatawan ima jasut'illasajtaj. Chayta ruwasaj, imaraykuchus chay suyukuna, jinataj israelitakunapis cheqapuni sonqonkupi mana circuncidasqachu kanku, nispa.

Ezequiel 28:10

Waj llajtayojkunaj makinpi wañunki, imaynatachus Diosta mana rejsej runakuna wañunku, jinata. Chayta noqa Tukuyta Kamachej Tata Dios nini.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Daniel (hebreo) 6:27

27 (28) Paymin qhespichej, kacharichejtaj. Payllataj janajpi jinallataj kay pachapipis runaj mana jayk'aj rikusqanta, chantá may t'ukuna imakunata ruwan. Paymin Danielta leonkunaj siminkumanta qhespicherqa, nispa.

Daniel (hebreo) 9:16

Chaywanpis Tukuyta Kamachej Diosniyku, cheqan khuyakuyniykiman jina, Jerusalenmanta phiñakuyniykita karunchay, chay sinch'i k'araj phiñakuyniykita, imaraykuchus Jerusalenqa llajtaykimin. Tukuy muyuyninpi suyukunamanta runakunapis Jerusalenmanta, aylluykimantapis alqochakunku, noqaykoj jinallataj ñawpa tataykoj juchankuraykupis.

Joel 2:19

Chantá paykunata nenqa: Noqa sajsanaykichejkama mikhunaykichejpaj qosqaykichej trigota, vinota, aceiteta ima, manataj saqesajchu noqata mana manchachikojkuna qankunamanta alqochakunankuta.

Deuteronomio 5:26

Pi runataj chay jina nina lawray chawpimanta kawsaj Diospa parlasqanta uyarinman, noqanchej jina mana wañuspallari?

1 Tesalonicenses 1:9

Paykuna parlanku noqayku llajtaykichejman chayamojtiyku, imaynatachus wajyarikuwasqaykumanta. Jinallataj parlanku qankuna imaynatachus lantikunata yupaychayta saqespa, kawsashaj cheqa kaj Diosman kutirikusqaykichejta, payllataña kasunaykichejpaj.

Josué 3:10

Kawsaj Dios qankunawan kashasqanta kay jinamanta yachankichej: Risqaykichejman jina cananeokunata, jititakunata, heveokunata, ferezeokunata, gergeseokunata, amorreokunata, chantá jebuseokunata ima, paymin ñawpaqeykichejmanta wijch'onqa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.

1 Samuel 11:2

Chantá Amón suyumanta Najás kuticherqa: Ya, qankunawan uj tratota ruwasaj. Chaywanpis tratota ruwanaypajqa sapa ujmanta paña kaj ñawiykichejtaraj orqhosaj, jinamanta Israel suyuta p'enqaypi rikhurichinaypaj, nispa.

1 Samuel 14:6

Chantá Jonatanqa armanta apaykachapoj kamachinta nerqa: Jaku, Diosta mana manchachikoj runakunaman rinachej. Ichapis Tata Diosqa noqanchejnejta imatapis ruwanman. Paypajqa ashkha runawanpis, chayrí pisiwanpis atipaykuyta yanapanawanchej atikullan, nispa.

1 Samuel 17:10

Chantá filisteoqa nillarqataj: Israelita soldadokuna, kunan niykichej: Noqawan maqanakunanpaj uj qharita kachamuwaychej, nispa.

1 Samuel 17:30

Chantá kuraj kaj wawqenmanta ithirispa, David wajtañataj tapurerqa. Chay soldadopis, ujkuna imatachus nisqankuta, kikillantataj nerqa.

1 Samuel 17:36

Ajinata noqaqa leontapis, jinallataj jukumaritapis wañuchej kani. Kay mana diosniyoj filisteotapis kikillantataj ruwasaj, Tata Diospa soldadonkunaj contrankupi sayaykusqanrayku.

1 Samuel 31:4

Chayrayku Saulqa armanta apaykachapoj soldadota nerqa: Espadaykita orqhokuspa, wañuchiway, Diosta mana manchachikoj runakuna wañuchiwaspa ama alqochakunawankupaj, nispa. Armanta apaykachapojrí mana Saulpa nisqanta ruwarqachu, sinch'ita manchachikusqanrayku. Chayrayku Saulqa espadanta sayaykuchispa, patanman urmaykurparerqa.