1 Samuel 16:5 - DIOSPA QHELQACHISQ

⁵ Samueltaj kuticherqa: Arí. Tata Diosman uywa ñak'asqata q'olachispa jaywaj jamushani. Wakichikuychej Diospa ñawpaqenpi llimphupaj qhawasqa kanaykichejpaj. Chantá noqawan khuska jamuychej Tata Diosman q'olachinata jaywaj, nispa. Chaymanta Samuelqa Yeseta, churinkunatawan llimphupaj qhawasqa kanankupaj ruwaytawan, Tata Diospaj q'olachinaman paykunatapis wajyallarqataj.

Qheshwa Biblia DC

⁵ Samueltaj kuticherqa: Arí, nispa. Jamushani Señorman uj rikuchikuta jaywaj. Llimphuchakuychej, noqawan khuskataj Señorman jamuychej rikuchikuta jaywaj. Chaymantataj Samuelqa Isaita wawasnintawan llimphucharqa, wajyarqataj Señorpa rikuchikunman.

DIOSPA QHELQACHISQAN DEUTEROCANONICAL

⁵ Samueltaj kuticherqa: Arí. Tata Diosman uywa ñak'asqata q'olachispa jaywaj jamushani. Wakichikuychej Diospa ñawpaqenpi llimphupaj qhawasqa kanaykichejpaj. Chantá noqawan khuska jamuychej Tata Diosman q'olachinata jaywaj, nispa. Chaymanta Samuelqa Yeseta, churinkunatawan llimphupaj qhawasqa kanankupaj ruwaytawan, Tata Diospaj q'olachinaman paykunatapis wajyallarqataj.

1 Samuel 16:5 ပူးပေါင်းရင်းမြစ်များ

Génesis 35:2

Chantá Jacob ayllunta, jinataj pikunachus paywan risharqanku, chaykunata nerqa: Jap'ishankichej, chay tukuy imaymana dioskunata wijch'uychej. Jinaspataj, mayllakuychej, llimphu p'achatataj churakuychej.

1 Reyes 2:13

Uj kuti Davidpa ujnin warmin Jaguitpa churin Adoniasqa Salomonpa maman Betsabejpaman rerqa. Betsabetaj taporqa: Allin sonqowanchu jamushanki? nispa. Paytaj kuticherqa: Arí, allin sonqowan, nispa.

1 Crónicas 12:18

Chaypacha 300 wapu soldadokunaj kamachejninku Amasayman Diospa Espíritun jamuspa, payta jatunmanta parlacherqa: Yeséj churin David, qanpata kayku, qanwanpunitaj kashayku. Allin kawsay qanpaj kachun, qanta yanapasojkunapajpis, imaraykuchus Diosniyki yanapashasunki, nispa. Davidtaj paykunata jap'ispa, soldadokunata kamachinankupaj churarqa.

Job 1:5

Sapa raymi tukukuytataj Jobqa wawankunata wajyaj karqa. Chantá tutamanta jatarispa, sapa uj wawanrayku uywa ñak'asqata q'olachispa Tata Diosman jaywaj karqa. Ajinata Job ruwaj, imaraykuchus sonqonpi nej: Ichapis wawaykuna raymita ruwaspa, sonqonkupi Diospa contranta juchallinkuman karqa, nispa. Job ajinata sapa kuti ruwaj.

Éxodo 19:10

Chantá Tata Dios Moisesta nillarqataj: Rispa, israelitakunata niy kunan q'ayatawan ima llimphuchakunankuta. Jinallataj niy p'achankuta t'ajsakunankuta.

Joel 2:16

Diospa ayllunta tantaykuspa, paykunata llimphuchaychej, Diospa ñawpaqenpi llimphupaj qhawasqa kanankupaj. Machu runakunata, wawakunata, ñuñushaj wawakunata ima tantaychej. Kunallanraj casarakojkunapis puñunanku wasimanta llojsimuchunku.

Sofonías 1:7

Tukuyta Kamachej Tata Diospa ñawpaqenpi ch'inlla kaychej, imaraykuchus Tata Diospa p'unchaynenqa chayamushanña. Tata Diosqa uj jaywanata wakichin, wajyakusqankunapis t'aqasqaña kashanku.

Números 11:8

Q'apaynenqa mosoj aceite jina karqa. Runakunaqa llojsispa, pallakamoj kanku. Chantá chayta kutaj kanku, manachayrí takaj kanku. Jinaspataj, chayachej kanku, manachayrí tortillata ruwakoj kanku.

1 Corintios 11:28

Chayrayku, manaraj t'antata mikhushaspa, nitaj copamanta ujyashaspa, sapa ujniykichej sonqoykichejta allinta qhawarikuychej, Jesuspa Cenanta mikhunapaj jinachus manachus kashasqaykichejta yachanaykichejpaj.

Josué 3:5

Josuetaj israelitakunata nerqa: Llimphuchakuychej, imaraykuchus Tata Diosqa q'aya qankuna ukhupi t'ukunapaj jina ruwanqa, nispa.

Josué 7:13

Sayariy, israelitakunata tantachispataj, llimphuchachimuy, Diospa ñawpaqenpi llimphupaj qhawasqa kanaykichejpaj. Chantá niy, q'aya ñawpaqeyman chimpamunankupaj wakichikunankuta, imaraykuchus noqa Tata Dios, Israelpa Diosnin ajinata nini: Qankunaqa imakunatachus phirinaykichej karqa, chaykunata mana phirerqankichejchu. Manachus tukuyninta phirinkichej chayqa, manapuni awqaykichejta atipayta atinkichejchu.

1 Samuel 20:26

Chay p'unchaypi Saulqa mana imatapis nerqachu. Jinapis sonqonpi nisharqa: Ichapis juchallin, manataj llimphupajchu qhawasqa kaspa mana jamunchu, nispa.