1 Samuel 16:13 - DIOSPA QHELQACHISQ

¹³ Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

Qheshwa Biblia DC

¹³ Chay ratopacha Samuelqa chay ch'itita aceiteyoj carneroj wajranta jap'ispa jawiykorqa wauqesnimpa ñaupaqempi. Chay p'unchaymantapachataj Señorpa Espíritun Davidman jamorqa. Chaymanta Samuelqa Ramá llajtaman kutiporqa.

DIOSPA QHELQACHISQAN DEUTEROCANONICAL

¹³ Chaypacha Samuelqa aceiteyoj wajrata jap'ispa, wawqenkunaj rikunanta Davidpa umanman jich'aspa jawiykorqa. Chaymantapachataj Tata Diospa Espíritun Davidman jamorqa. Chantá Samuelqa Ramá llajtaman kutiporqa.

1 Samuel 16:13 ပူးပေါင်းရင်းမြစ်များ

2 Samuel 12:7

Chantá Natanqa Davidta nerqa: Qanmin chay runaqa kanki. Chayrayku Tata Dios nisunki: Israelpaj kuraj kamachejnin kanaykipaj noqa ajllakorqayki, Saulpa atiyninmantapis waqaycharqayki.

2 Samuel 2:4

Jinapi Judá jatun ayllumanta runakuna chayamorqanku. Chaypitaj aceitewan umanta jawispa, Davidta churarqanku Judá jatun ayllupi kuraj kamachej kananpaj. Chantá Davidman willarqanku Galaadpi Jabesmanta kajkuna Saulpa ayanta p'ampasqankuta.

2 Samuel 23:1

David manaraj wañupushaspa, kay jinata nerqa: Noqaqa Yeséj churin David kani, pitachus Diosqa mayta jatuncharqa, pitachus Jacobpa Diosnin kuraj kamachej kananpaj ajllakuwarqa, pichus Israelpi ima munayta takej ima kay jinata nini:

2 Samuel 5:3

Chaypacha Israelmanta tukuy kurajkuna rerqanku Hebronman kuraj kamachej Davidwan parlaj. Davidtaj Tata Diospa ñawpaqenpi chay kuraj runakunawan uj tratota ruwarqa. Paykunataj Israel suyupi kuraj kamachej kananpaj Davidta umanman aceitewan jawerqanku.

2 Reyes 9:6

Chantá Jehú sayarispa, wasiman yaykorqa. Diospa sut'inchajnintaj Jehúj umanta aceitewan jawiykuspa, nerqa: Israelpa Tata Diosnin ajinata nisunki: Noqaqa Israel suyuta kamachinaykipaj churayki.

1 Crónicas 11:3

Ajinata Israel suyumanta tukuy kurajkuna Hebronman Davidwan parlaj rerqanku, Davidtaj paykunawan Tata Diospa ñawpaqenpi uj tratota ruwarqa. Chantá paykunaqa Davidta aceitewan jawispa, Israel suyupi kuraj kamachej kananpaj churarqanku, Samuelnejta Tata Dios nisqanman jina.

Salmos 89:20

20 (21) David kamachiyta tarerqani, paytataj noqapaj t'aqaspa, aceitewan jawerqani.

Salmos 89:21

21 (22) Payta yanapasajpuni, atiyniywantaj payta kallpachasaj.

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Números 27:18

Tata Diostaj kuticherqa: Nunpa churin Josueta wajyay, imaraykuchus payqa sumaj wakichisqa runa. Chantá umanman makiykita churay.

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

Hechos 13:22

Chaywanpis Diosqa Saulta kuraj kamachej kananmanta wijch'uspa, Davidtañataj churarqa kuraj kamachej kananpaj. Paymantataj Dios nerqa: Yesejpa churin Davidta tarini, paytaj sonqoypa tukuy munasqanta ruwanqa, nispa.

Hebreos 1:9

Qanqa cheqan kajta munakunki, mana allin kajtataj chejnikunki. Chayrayku qanpa Diosniykeqa jawispa ajllakusorqa, kusiywantaj junt'aykuchisorqa, kawsaqeykikunamanta aswan pataman churasuspa, nispa.

Hebreos 11:32

Imatataj astawan niymanri? Parlanaqa mayraj kashan, manataj tiempo kanchu parlanapaj Gedeonmanta, Baracmanta, Sansonmanta, Jeftemanta, Davidmanta, Samuelmanta, chantá Diosmanta waj sut'inchajkunamanta ima.

Jueces 11:29

Chaypacha Tata Diospa Espíritun Jefteman jamorqa. Jeftetaj Galaad jallp'anejta, Manasesnejta, Galaadpi Mispanejta ima purerqa soldadokunata mask'aspa amonitakunawan maqanakunankupaj. Jinaytawantaj, Galaadpi Mispamanta amonitakunaj jap'iyninkuman soldadonkunawan yaykorqa.

Jueces 13:25

Chantá Tata Diospa Espíritun Sansonman jamuspa, payta kallpacharqa, Danpa jaranpi kashajtin. Chay kashan Sorawan, Estaolwan, chay chawpinejpi jina.

Jueces 14:6

Chaypacha Tata Diospa Espiritonqa Sansonman sinch'i kallpata qorqa, Sansontaj makillanwan uj chivituta jina leontaqa t'isarparerqa. Chaywanpis chayta ruwasqantaqa tatan mamanman mana willarqachu.

Jueces 3:10

Otonielmantaj Tata Diospa Espíritun jamorqa, paytaj israelitakunata kamacherqa. Tata Diosqa Otonielta yanaparqa maqanakuman israelitakunata pusajtin, kuraj kamachej Cusán Risatayinta atipanankupaj.

1 Samuel 1:19

Q'ayantin paqarin tutamanta, Elcanawan, wasi ayllunwan ima Tata Diosta yupaychaytawankama, Ramapi wasinkuman kutiporqanku. Chay qhepatataj Elcanaqa warmin Anawan puñuykorqa, Tata Diostaj Anaj mañakusqanmanta yuyarikorqa.

1 Samuel 10:1

Saulpa kamachin ripojtinkama, Samuelqa Saulpa umanman aceitewan jich'aykorqa, much'aykuspataj, nerqa: Kunanmanta Tata Diosqa Israel suyunpi kuraj kamachejnin kanaykipaj ajllasunki. Paykunata kamachispa, muyuyninkupi kaj awqankukunaj makinkumanta kacharichinki. Tata Diosqa qanta kuraj kamachej kanaykipaj ajllasusqanmanta kaymin señal kanqa:

1 Samuel 10:6

Chaypacha Tata Diospa Espíritun qanman jamuspa, kallpachasonqa, qantaj paykuna jinallataj Diosmanta sut'inchanki. Chantá mosoj sonqoyoj runaman tukunki.

1 Samuel 11:6

Chayta Saúl uyarejtinkama, Diospa Espiritonqa Saulman jamorqa, Saultaj may sinch'itapuni phiñarikorqa.

1 Samuel 16:18

Chantá ujnin kamachin nerqa: Noqa yachani Belén llajtapi Yeséj ujnin churin arpata sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Tata Diostaj paywan kashan, nispa.

1 Samuel 18:12

Saultajrí, Dios payta saqerpayasqanta yachakuspa, Davidmanta manchachikorqa, imajtinchus Tata Diosqa Davidta yanapasqanta repararqa.

1 Samuel 2:35

Chaywanpis noqaqa uj sacerdoteta ajllakusaj, paytaj sonqoypa munasqayman jina tukuy imata ruwanqa. Paypa mirayninta mana chinkananta saqesajchu, jinataj ajllakusqay kuraj kamachejta sirvenqa.