1 Samuel 16:12 - DIOSPA QHELQACHISQ

¹² Chantá Yeseqa payta wajyachimorqa. Chay waynaqa alajitu karqa, k'acha ñawiyoj, allin rijch'ayniyojtaj. Chantá Tata Diosqa Samuelta nerqa: Kaymá chay ajllasqayqa. Kuraj kamachej kananpaj aceiteta paypa umanman jich'aykuy, nispa.

Qheshwa Biblia DC

¹² Isaitaj payta wajyachimorqa. Chay ch'itataj k'acha pukalu, k'acha ñawisniyoj, sumaj rijch'ayniyojtaj karqa. Chaypacha Señorqa nerqa Samuelman: Kaymá chay ajllasqayqa, jatarikuy rey kanampajtaj aceitewan jawiykuy.

DIOSPA QHELQACHISQAN DEUTEROCANONICAL

¹² Chantá Yeseqa payta wajyachimorqa. Chay waynaqa alajitu karqa, k'acha ñawiyoj, allin rijch'ayniyojtaj. Chantá Tata Diosqa Samuelta nerqa: Kaymá chay ajllasqayqa. Kuraj kamachej kananpaj aceiteta paypa umanman jich'aykuy, nispa.

1 Samuel 16:12 ပူးပေါင်းရင်းမြစ်များ

Génesis 39:6

Tukuy tiyapusqanta Josejpa makinman saqespa, Potifarqa manaña imamantapis llakikorqañachu, manachayqa mikhunallanmantaña. José allin rijch'ayniyoj, alajitu runa karqa.

2 Samuel 23:1

David manaraj wañupushaspa, kay jinata nerqa: Noqaqa Yeséj churin David kani, pitachus Diosqa mayta jatuncharqa, pitachus Jacobpa Diosnin kuraj kamachej kananpaj ajllakuwarqa, pichus Israelpi ima munayta takej ima kay jinata nini:

2 Samuel 7:8

Chayrayku kamachiy Davidta niy: Ajinata Tukuy Atiyniyoj Tata Dios nisunki: Noqa ovejakunaj qhepanmanta orqhomorqayki, Israel aylluypaj kamachejnin kanaykipaj.

1 Reyes 1:34

Jaqaypeqa sacerdote Sadoc, Diosmanta sut'inchaj Natanwan Salomonpa umanman aceitewan jawenqanku Israelpa kuraj kamachejnin kananpaj. Putututa waqachispataj, qhapariychej: Kuraj kamachej Salomón jallalla, jallalla, nispa.

Salmos 2:2

Kay pachapi kuraj kamachejkuna, kamachejkunawan ima Tata Diospa contranta oqharikunku, ajllakusqan kuraj kamachejpa contranpiwan ima.

Salmos 2:6

Noqaqa ajllakusqay kuraj kamachejta Sión orqopi kamachinanpaj tiyaykuchiniña noqapaj ajllakusqay Sión orqopi, nispa.

Salmos 78:70

Jinallataj Diosqa kamachin Davidta ajllakorqa, paytataj ovejaj qhepanmanta wajyarqa.

Éxodo 2:2

Warmin wijsallikusparí, uj qhari wawata paqarichikorqa. K'achitu wawa kasqanta rikuspataj, mamanqa kinsa killata pakayllapi uywarqa.

TAKIYKUNA 5:10

Munasqayqa ima munay rijch'ayniyoj, puka uyita alajitutaj, chunka waranqa qharikuna chawpipi sut'i rejsinapaj jinalla.

Lamentaciones 4:7

Ajllasqa runankunaqa rit'i jina yuraj karqanku, lechemantapis astawan karqanku. Ukhunkoqa coral nisqamantapis astawan puka karqa, uyankutaj zafiro sutiyoj rumi jina k'achitu karqa.

Zacarías 4:14

Paytaj kutichiwarqa: Chaykunaqa Zorobabelwan, Josuewan ima ninakunku. Kay pachaj Dueñon Tata Diosmin paykunata t'aqarqa paypaj uj ruwanata ruwanankupaj, nispa.

Hechos 4:27

Ajinamanta Herodeswan, Poncio Pilatowan kay llajtapi tantakorqanku mana judío kajkunawan, israelitakunawan ima ajllasqa kamachiyki Jesuspa contranpi oqharikunankupaj, pitachus qan ajllakorqanki, paypa contranpi.

Hechos 7:20

Chaypachallataj Moisés paqarikorqa, paytaj Diospajqa ima munay karqa. Kinsa killakamataj tatanpa wasinpi uywasqa karqa.

Hebreos 11:23

Jinallataj Moisespa tatan mamanqa Diospi atinikusqankurayku, wawankuta paqarisqanmantapacha kinsa killata pakayllapi uywarqanku, k'acha wawita kasqanta rikuspa. Ajinata ruwaspa, yachayta qorqanku kuraj kamachejpa kamachisqanta mana manchachikusqankumanta.

1 Samuel 16:18

Chantá ujnin kamachin nerqa: Noqa yachani Belén llajtapi Yeséj ujnin churin arpata sumajta tocayta yachasqanta. Payqa maqanakunapajpis wapu, maychus kajta parlaj, allin rijch'ayniyoj, Tata Diostaj paywan kashan, nispa.

1 Samuel 17:42

Filisteo Goliattajrí, David waynallaraj chantá alajitu kasqanta rikuspa, manakajpaj qhawarqa.

1 Samuel 17:55

David chay filisteowan maqanakoj rishajtin, Saulqa soldadokunata kamachej Abnerta tapusqa: Abner, pitaj jaqay waynaj tatanri? nispa.

1 Samuel 9:17

Chantá Samuelqa Saulta rikojtinkama, Tata Diosqa payta nerqa: Kaymin chay runaqa, pimantachus parlarqayki, chay. Paymin aylluyta kamachenqa, nispa.