1 Samuel 15:29 - DIOSPA QHELQACHISQ

²⁹ Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.

Qheshwa Biblia DC

²⁹ Diosqa Israelpa kusiynin. Payqa mana llullakunchu, nitaj pesachikunchu. Mana payqa runachu pesachikunampaj.

DIOSPA QHELQACHISQAN DEUTEROCANONICAL

²⁹ Israelpa Tukuy Atiyniyoj Diosnenqa mana llullakunchu, nitaj sonqonta nanachikunchu. Payqa mana runachu imatachus nisqanmanta kutirinanpaj, nispa.

1 Samuel 15:29 ပူးပေါင်းရင်းမြစ်များ

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

Salmos 29:11

Tata Diosqa ayllunmanpis kallpata qollantaj. Jinallataj Tata Dios sonqo tiyaykusqa kawsakuywan ayllunta saminchan.

Salmos 68:35

35 (36) Diosqa Templonpi may jina t'ukuna manchachikunamin. Chantá Israelpa Diosnenqa kallpata, atiytawan ayllunman qon. Diosninchej yupaychasqapuni kachun.

Salmos 95:11

Chayrayku sinch'i phiñakuyniypi tiluspa, nerqani: Paykuna samarinankupaj qosqay jallp'aman manapuni yaykonqankuchu, nispa.

Isaías 45:24

Noqamanta nenqanku: Cheqapuni Tata Diosllamanta justiciawan, jatun atiywan ima jamun, nispa. Noqallaman tukuypis jamonqanku, pikunachus contraypi ruwajkunapis may p'enqaypi rikhurenqanku.

Ezequiel 24:14

Noqa Tata Diosmin chayta nini, nisqaytataj junt'asajpuni. Noqa kikinta ruwasaj, mana qhepaman kutirisajchu, manataj khuyakusajchu, nitaj sonqoyta nanachikusajchu. Ruwasqaykiman jina, kawsasqaykiman jinataj jasut'isqaykipuni. Noqa Tukuyta Kamachej Tata Dios chayta nini.

Joel 3:16

16 (4.16) Tata Diosqa Sión orqomanta, Jerusalenmantapacha qhaparispa, parlasqanta uyarichin. Chaypacha janajpis, kay pachapis kharkatitenqanku. Chaywanpis Tata Diosqa israelitakunapaj waqaychajnin, jark'akojnintaj kanqa, paykuna ayllun kasqankurayku.

Números 23:19

Diosqa mana wañoj runa jinachu llullakunanpaj, nitaj nisqanmanta kutirinanpaj. Nin chayqa, manachu ruwanqa? Parlan chayrí, imatachus nisqanta manachu junt'anqa?

2 Corintios 12:9

Diostajrí niwarqa: Chay ñak'ariyniykita awantanaykipaj k'acha yanapaynillay yanapasonqa, imaraykuchus atiyneyqa pisi kallpayojkunapi astawan rikuchikun, nispa. Chayrayku kusiywan pisi kallpayoj kasqaymanta jatunchakusaj, Cristoj atiynin noqapi imatachus ruwasqan sut'ita rikukunanpaj.

Deuteronomio 33:27

Israel, wiñaypaj kawsaj Diosqa qanpa pakakunayki, paytaj wiñay atiyniyoj makinwan jap'isunki. Awqaykikunata ñawpaqeykimanta wijch'orqa, wañuchispa tukuchinaykitataj kamachisorqa.

Filipenses 4:13

Tukuy imaymana rikhurimojtin, noqaqa sinch'ita sayayta atini Cristo kallpachawasqanrayku.

2 Timoteo 2:13

Sichus payta wasanchasunman chaypis, payqa nisqanta junt'allanpuni, imaraykuchus nisqanmanta manapuni kutirinchu.

Tito 1:2

Cheqa kajta yachasqankoqa paykunata yanapan wiñay kawsayniyojña kasqankuta sut'ita yachanankupaj, imaraykuchus mana jayk'aj llullakoj Diosmin chay wiñay kawsayta qonanta nerqa, manaraj kay pacha ruwasqa kashajtin.

Hebreos 6:18

Diosqa mana jayk'aj llullakunchu. Chayrayku tiluspa nisqanmanta mana kutiriyta atinchu. Ajinaqa pikunachus waqaychasqa kayta mask'aspa, payman qayllaykojkuna paypi atinikuyta atinchej imatachus niwasqanchejta qonawanchejmanta.

Hebreos 7:21

Sacerdotenchej Jesustarí Dios tiluspa churasqa, maypachachus pay nerqa: Tukuyta Kamachej Dios tilorqa, manataj tilusqanta p'akenqachu. Pay nerqa: Qanqa wiñaypaj sacerdote kanki, nispa.