1 Samuel 15:26 - DIOSPA QHELQACHISQ

²⁶ Samueltajrí Saulman kuticherqa: Mana qanwanqa risajchu. Tata Diospa kamachisqanta qhesachasqaykirayku kunanqa pay qhesachasunkiña, amaña Israelpa kuraj kamachejnin kanaykipaj, nispa.

Qheshwa Biblia DC

²⁶ Samueltaj kuticherqa: Mana qanwanqa kutisajchu, qan Señorpa kamachisqanta qhesachasqaykirayku. Kunanqa pay qhesachasunkiña, manaña Israelpa reynin kanaykipaj.

DIOSPA QHELQACHISQAN DEUTEROCANONICAL

²⁶ Samueltajrí Saulman kuticherqa: Mana qanwanqa risajchu. Tata Diospa kamachisqanta qhesachasqaykirayku kunanqa pay qhesachasunkiña, amaña Israelpa kuraj kamachejnin kanaykipaj, nispa.

1 Samuel 15:26 ပူးပေါင်းရင်းမြစ်များ

Génesis 42:38

Jacobtajrí nerqa: Benjaminneyqa manapuni qankunawan renqachu. Wawqen José wañupun, kunantaj payllaña qhepakun. Sichus ñanta rishajtiykichej imapis pasanman chayqa, qankuna juchayoj kawajchej machu kayniypi llakiywan wañunaymanta, nispa.

2 Samuel 12:9

Imajtintaj nisqayta pisipaj qhawarqanki, mana munasqayta ruwaspari? Qan wañucherqanki jitita Uriasta. Amonitakunawan payta wañuchichispa, warminwan warmichakorqanki.

2 Samuel 7:15

Chaywanpis paymanta khuyakullasajpuni, manataj Saulta jinachu saqerpasaj. Saulta wijch'uspa, qanta churarqayki.

Jeremías 6:19

Kay pachapi tukuy runakuna, sumajta uyariychej: Kay aylluyman uj ñak'ariyta apachimusaj millay kajta umachakusqankurayku, imaraykuchus nisqayta mana kasuta ruwarqankuchu, jinataj kamachisqayta qhesacharqanku.

Oseas 13:11

Noqaqa qankunapaj mayta phiñakuspa, kuraj kamachejkunata qorqaykichej. Chantá phiñakuspa, paykunata qhechullarqaykichejtaj.

Oseas 4:6

Qankunatajrí, sacerdote kashaspa, yachachisqayta qhesacharqankichej. Chayrayku noqapis sacerdote kanaykichejmanta wijch'usqaykichej. Qankunaqa Diosniykichejpa kamachisqanta qonqaporqankichej. Kunantaj noqapis wawaykichejkunamanta qonqapullasajtaj.

Hechos 13:22

Chaywanpis Diosqa Saulta kuraj kamachej kananmanta wijch'uspa, Davidtañataj churarqa kuraj kamachej kananpaj. Paymantataj Dios nerqa: Yesejpa churin Davidta tarini, paytaj sonqoypa tukuy munasqanta ruwanqa, nispa.

2 Juan 1:11

Pichus chay runata: Walejta jamunki, nispa nejrí, mana allin kajta ruwasqanpi ruwaysikoj kashan.

1 Samuel 13:14

Kunanrí Tata Diospa kamachisusqanta mana kasusqaykirayku, kuraj kamachej jina kanaykeqa mana unaypajchu kanqa. Tata Diosqa paypa munasqanman ruwananpaj mask'anña. Ayllunta kamachinanpaj payta churanqa, nispa.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 15:31

Chantá Samuelqa Saulwan rerqa. Saultaj Tata Diosta yupaycharqa.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.

1 Samuel 28:18

Tata Dios ajinata ruwasunki, imaraykuchus Tata Diospa kamachisqanta mana kasorqankichu. Payqa sinch'i phiñakuyninpi amalecitakunata tukuchinaykita kamachisorqa. Chayrayku Tata Diosqa kayta ruwashasunki.