1 Samuel 15:23 - DIOSPA QHELQACHISQ

²³ Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

Qheshwa Biblia DC

²³ Señorpa contrampi oqharikoyqa layqa juchawan ninakun, Señorta mana kasuytaj lanti yupaychana juchawan ninakullantaj. Imaynatachus qan qhesacherqanki chay kamachisqasninta ajinallatataj paypis qanta qhesachasunki manaña rey kanaykipaj.

DIOSPA QHELQACHISQAN DEUTEROCANONICAL

²³ Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 15:23 ပူးပေါင်းရင်းမြစ်များ

Génesis 31:19

Chaywanpis Labán ovejankunaj millmanta ruthuchej rinankama, Raquelqa tatanpa lantinkunata suwarqa.

Génesis 31:34

Raqueltajrí lantikunata camello montura uraman sat'iykorqa, jinaspataj, patanman tiyaykorqa. Labán toldopi tukuynejta mask'arqa, manataj tarerqachu.

2 Samuel 12:9

Imajtintaj nisqayta pisipaj qhawarqanki, mana munasqayta ruwaspari? Qan wañucherqanki jitita Uriasta. Amonitakunawan payta wañuchichispa, warminwan warmichakorqanki.

2 Samuel 7:15

Chaywanpis paymanta khuyakullasajpuni, manataj Saulta jinachu saqerpasaj. Saulta wijch'uspa, qanta churarqayki.

1 Crónicas 10:13

Ajinata Saúl wañorqa, Tata Diospa kamachisqanta mana kasusqanrayku chantá Tata Diosta tapukunantaqa, uj aysiri warmita tapukoj risqanrayku.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

Job 34:37

Jobqa mana juchasapallachu, payqa mana kasukojmin. Noqaykoj rikunaykuta Diosmanta alqochakun, Diospa contranta parlaspataj, payta phiñachin, nispa.

Salmos 107:11

Ajina karqanku, Tata Diospa kamachisqanta mana kasukusqankurayku, Patapi kaj Diospa wakichisqanta qhesachasqankuraykutaj.

Éxodo 22:18

18 (17) Layqayta yachaj warmitaqa wañuchinkichejpuni.

Isaías 19:3

Egiptomanta runakunaj yuyayninkuta q'ewisaj. Imatachus ruwanankuta wakichikusqankutapis manakajman tukuchisaj. Chantá paykuna tapukonqanku lantinkukunata, layqakunata, aysirikunata ima.

Isaías 8:19

Sichus runakuna nisonqachej: Tapuriychej aysirikunata, chhichinakuspa parlaj layqakunata ima, nispa chayqa, niychej: Manachu runaqa Diosnillanta tapurikunmanri? Wañusqakunatachu kawsajkunamanta tapurikunkumanri? nispa.

Jeremías 16:12

Qankunatajrí ñawpa tataykichejkunamanta nisqaqa aswan millayta ruwarqankichej, imaraykuchus sapa ujniykichej k'ullukuspa, sonqoykichejpa millay munayninman jinalla ruwarqankichej. Manataj noqata kasuwarqankichejchu.

Jeremías 28:16

Chayrayku Tata Dios nisunki: Noqaqa kay pachamanta chinkachisqayki. Qanqa kay watapi wañunki, imaraykuchus sut'inchasqaykiwan runakunata enqhaykunki contrayta oqharikunankupaj, nispa.

Jeremías 29:32

Chayrayku noqa Tata Dios nini: Noqa Nejelán llajtayoj Semaiasta, tukuy miraynintawan jasut'isaj. Mana kay pachapi paypa mirayninmanta ni ujpis qhepakonqachu, nitaj kusikonqachu aylluy Israelman allin kawsayta qoshajtiy, imaraykuchus pay ajinata parlaspa, contraypi oqharikunankupaj aylluyta enqhaykorqa. Noqa Tata Diosmin chayta nini.

Oseas 13:11

Noqaqa qankunapaj mayta phiñakuspa, kuraj kamachejkunata qorqaykichej. Chantá phiñakuspa, paykunata qhechullarqaykichejtaj.

Oseas 3:4

Chayqa yachayta qon israelitakuna unayta mana kuraj kamachejniyoj, nitaj kurajkunayoj kanankuta. Mana uywa ñak'asqa q'olachina kanqachu, nitaj yupaychanapaj rumikunapis, nitaj sacerdotej p'achankunapis, nillataj lantikunapis.

Levítico 20:27

Sichus pi qhari, chayrí pi warmipis aysiri kanman, chayrí layqa kanman chayqa, payta rumiwan ch'anqasqa wañuchinkichej. Wañuchisqa kananpajqa paylla juchayoj kanqa, nispa.

Levítico 20:6

Sichus pipis aysirikunata, chayrí layqakunata tapukoj rinman, paykunaj nisqankutataj ruwaspa ch'ichichakunman chayqa, noqa paypa contranta sayaykuspa, llajtanmanta chinkachisaj.

Números 14:9

Jinaqa ama Tata Diospa contranta oqharikuychejchu, amataj chay llajtayojkunamanta manchachikuychejchu. Paykunataqa manaraj imapi atipasun. Paykunamanta jark'akojqa mana pipis kanchu. Noqanchejwanrí Tata Dios kashan. Chaynejta ama manchachikuychejchu, nispa.

Hechos 13:22

Chaywanpis Diosqa Saulta kuraj kamachej kananmanta wijch'uspa, Davidtañataj churarqa kuraj kamachej kananpaj. Paymantataj Dios nerqa: Yesejpa churin Davidta tarini, paytaj sonqoypa tukuy munasqanta ruwanqa, nispa.

2 Corintios 6:16

Diospa Templonpeqa ni ima lanti kananchu tiyan, icharí? Qankunamin kawsashaj Diospa templon kankichej. Diosmin kayta nin: Noqaqa paykuna ukhupi tiyakusaj, purisajtaj. Paykunaj Diosninku kasaj, paykunataj aylluy kanqanku, nispa.

Gálatas 5:20

lantita yupaychay, layqa kay, chejninakuy, maqanakuy, tumpanakuy, phiñanakuy, churanakuy, phiñanakuspa t'aqanakuy, mana cheqan yachachiykunata kasuy,

Deuteronomio 9:24

Qankunata rejsisqay p'unchaymantapacha qankunaqa Tata Diospa contranpi oqharikullankichejpuni.

Deuteronomio 9:7

Qankunaqa yuyarikuychejpuni imaynatachus Tata Diosniykichejta ch'innejpi phiñachisqaykichejta. Qankunaqa Egiptomanta llojsimusqaykichejmantapacha kay jallp'aman chayamunaykichejkama, Tata Diospa contranta oqharikullarqankichejpuni.

Josué 22:15

Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Apocalipsis 21:8

Manchalikunarí, Diospi mana atinikuyta munajkuna, millay kajkuna, runa wañuchejkuna, khuchichakojkuna, layqakuna, lanti yupaychajkuna, chantá tukuy llullakojkuna ima azufrewan lawrashaj nina qochaman wijch'uykusqa kanqanku. Chaymá iskay kaj wañoyqa.

Apocalipsis 22:15

Jinapis jawapi qhepakonqanku millayta ruwajkuna, layqakuna, khuchichakojkuna, runa wañuchejkuna, lantita yupaychajkuna, jinallataj llullakuyta munakojkuna, chantá mana cheqanta ruwayta munakojkuna ima.

1 Samuel 13:14

Kunanrí Tata Diospa kamachisusqanta mana kasusqaykirayku, kuraj kamachej jina kanaykeqa mana unaypajchu kanqa. Tata Diosqa paypa munasqanman ruwananpaj mask'anña. Ayllunta kamachinanpaj payta churanqa, nispa.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.

1 Samuel 28:3

Samuelqa ña wañupusqaña, tukuy israelitakunataj wañupusqanmanta waqasqanku. Chantá Ramá llajtanpi ayanta p'ampamusqanku. Jinallataj Saulqa Israel suyumanta tukuy yatirikunata, aysirikunata ima wijch'usqaña.