1 Samuel 15:11 - DIOSPA QHELQACHISQ

¹¹ Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

DIOSPA QHELQACHISQAN DEUTEROCANONICAL

¹¹ Saulta kuraj kamachej kananpaj churasqaymanta sonqoy ukhupi sinch'ita llakikuni, imaraykuchus payqa noqamanta karunchakun, manataj nisqayta junt'anchu, nispa. Chantá Samuelqa sinch'i llakisqa qhepakorqa, tukuy tutantintaj Tata Diosmanta mañakorqa.

1 Samuel 15:11 ပူးပေါင်းရင်းမြစ်များ

Génesis 6:6

Chayrayku Tata Dios runata ruwasqanmanta maytapuni llakikorqa. Sonqonpi sinch'ita llakikuspataj, nerqa:

Génesis 6:7

Noqaqa runa ruwasqayta kay pachamanta chinkachisaj. Jinallataj tukuy uywakunata, pampata qhatatakuspa purejkunata, phawajkunatawan chinkachillasajtaj. Chaykunata ruwasqaymanta anchatapuni llakikuni, nispa.

2 Samuel 24:16

Onqoyta apamoj angelqa Jerusalén llajtata tukuchinanpaj kashajtin, Tata Dios sinch'ita llakikorqa chay jina ñak'arichisqanrayku. Chayrayku Tata Dios chay angelta kamacherqa: Chaykamalla, amaña ñak'arichiychu, nispa. Tata Diospa angelnenqa jebuseo Arauna maypichus trigota trillasharqa, chaynejpi kasharqa.

1 Reyes 11:9

Chayrayku Tata Diosqa Salomonpaj phiñakorqa, paypa sonqon israelitakunaj Tata Diosninkumanta karunchakusqanrayku, pichus payman iskay kutita rikhurisqa, chaymanta.

1 Crónicas 10:13

Ajinata Saúl wañorqa, Tata Diospa kamachisqanta mana kasusqanrayku chantá Tata Diosta tapukunantaqa, uj aysiri warmita tapukoj risqanrayku.

1 Crónicas 21:15

Chantá Diosqa Jerusalén llajtata tukuchinanpaj uj angelta kacharqa. Ángel Jerusalenpi tiyakojkunata tukuchishasqanta rikuspataj, Tata Dios mayta llakikorqa. Chayrayku wañuchej angelta kamacherqa: Chayllaña kachun, amaña wañuchiychu, nispa. Chaypacha Tata Diospa angelnenqa jebuseo Ornanpa eranpi kasharqa.

Job 34:27

paykuna nisqanta mana kasusqankurayku, nitaj munayninman jina puriyta munasqankurayku.

Salmos 109:4

Paykunata munakojtiypis, chejnikuywan pagawanku. Chaywanpis, paykunarayku Diosmanta mañapuni.

Salmos 110:4

Tata Diosqa tiluspa nisqanta mana p'akenqachu: Qanqa Melquisedec jinallataj wiñaypaj sacerdote kanki, nispa nisqanta.

Salmos 119:136

Kamachisqaykita wakin mana kasusqankurayku, paran paranta waqani.

Salmos 125:5

Mana allinta ruwaspa purejkunatarí, millayta ruwajkunatawan khuska Tata Dios wijch'onqa. Israel ayllupi allin kawsakuyllapuni kachun.

Salmos 36:3

3 (4) Payqa khuchi simi, llullataj. Yachayniyoj kayta saqespa, mana allin kajta ruwanchu.

Salmos 78:41

Paykuna ñataj ñataj Dios atiyniyojchus kasqanta yachariyta munarqanku. Ajinamanta Israelpa May Llimphu Diosninta phiñacherqanku.

Salmos 78:57

Tatankukuna jina paykunapis Diosmanta karunchakullarqankutaj, manataj payta qhaterqankuchu. Mana allin ruwasqa arco jina q'ewikorqanku.

Éxodo 32:11

Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.

Éxodo 32:14

Chantá Tata Dios sonqonta tiyaykuchikorqa, manañataj Israel ayllunta chinkachiyta yuyasqanta ruwarqachu.

Jeremías 11:10

Ñawpa tatankukunaj juchallisqankuman kutiykapunku, pikunachus mana kasuwayta munarqankuchu, chaykunaj ruwasqankuman. Ajinamanta waj dioskunata yupaychaj churakorqanku. Ajinata ruwaspa, Israel suyu, jinataj Judá suyupis ñawpa tatankukunawan trato ruwasqayta p'akerqanku.

Jeremías 13:17

Sichus mana kasunkichejchu chayqa, mayta runaykachasqaykichejrayku pakayllapi mayta waqasaj. Mayta waqasqayraykutaj, ñawiy tukukonqa, imaraykuchus qankuna Tata Diospa ayllun waj suyuman apasqa kankichej.

Jeremías 34:16

Chaywanpis qhepaman kutirispa, sutiyta sarorqankichej. Kachariporqankichej, chay runakunata munajta mana munajta watej wata runa kanankupaj jap'ikapullankichejtaj.

Jeremías 9:1

1 (8.23) Jeremiasqa nillarqataj: Imaynapichus ñaweyqa yaku juturi jina kanman, jinamanta tuta p'unchay paran paranta waqanaypaj llajtay ukhupi wañuchisqa kajkunamanta.

Jeremías 9:18

18 (17) Arí, usqhayta jamuchunku noqanchejrayku llakiyta waqapunawanchejpaj. Ñawinchejmanta waqayqa mayu jina puririchun.

Ezequiel 18:24

Sichus cheqanta kawsaj runa cheqan kaj ruwanata saqespa, millayta ruwaj runaj tukuy millay ruwasqanta ruwanman chayqa, payqa manapuni kawsanqachu. Noqa tukuy allin kajta ruwasqanmanta mana yuyarikusajchu. Astawanpis noqata wasanchawasqanrayku, millayta ruwasqanraykutaj pay wañonqa.

Amós 7:3

Chantá Tata Dios khuyakuspa, nerqa: Chaytaqa mana ruwasajchu, nispa.

Jonás 3:10

Chantá Dios Nínive llajtayojkuna millay puriyninkuta saqesqankuta rikuspa, imatachus nisqanta manaña ruwarqachu.

Jonás 4:2

Chantá Tata Dioswan parlarikuspa, kay jinata nerqa: Ay, Tata Dios, kaytamá nerqani llajtaypi kashaspallaraj. Chayrayku Tarsisman ayqerqani. Yachani ari, khuyakuyniyoj, jatun sonqoyoj, mana usqhayllata phiñakoj, chhikatapuni munakoj Dios ima kasqaykita. Yachallarqanitaj qan: Chay runakunata millayta ruwasqankumanta jasut'isaj, nishaspapis, mana jasut'inaykita.

Sofonías 1:6

Noqamanta karunchakojkunata, jinallataj mana mask'awajkunata, jinataj pikunachus mana tapuwankuchu imatachus ruwanankumanta ima, chaykunatapis chinkachillasajtaj.

San Mateo 24:13

Chaywanpis qankunamanta pichus tukukuykama sinch'ita sayaj, chay runatamá Dios qhespichenqa.

San Mateo 5:44

Noqatajrí niykichej: Awqaykichejkunata munakuychej, jinallataj qankunata qhatiykachasojkunapaj Diosmanta mañapuychej.

San Lucas 6:12

Chantá Jesús uj orqoman rerqa Dioswan parlarikoj, chaypitaj sut'iyanankama Dioswan parlarikorqa.

Hebreos 10:38

Cheqan runapaj qhawasqay kajkunaqa noqapi atinikusqankunejta wiñaypaj kawsanqanku. Ñawpa kawsayninkuman kutiripojkunawanrí, sonqoy mana kusisqachu kanqa, nispa.

Josué 22:16

Noqaykoqa Tata Diospa tukuy jatun ayllunpa sutinpi kayta niyku: Imaraykutaj israelitakunaj Diosninta wasanchashankichejri? Imajtintaj Tata Diospa contranpi oqharikuspa kay altarta ruwankichejri?

1 Samuel 12:23

Noqarí Tata Diosmanta mañapullasqaykichejpuni. Mana mañapuykichejmanchu chayqa, juchalliyman. Jinallataj qankunata yachachisqaykichej imaynatachus sumajta, cheqantataj purinaykichejta.

1 Samuel 13:13

Chantá Samuel Saulman kuticherqa: Chaytaqa wampu jina ruwanki. Sichus Tata Diospa kamachisqanta kasuwaj karqa chayqa, payqa qanman, jinataj mirayniykiman ima Israel suyuta kamachinaykichejpaj wiñaypaj qosunkichejman karqa.

1 Samuel 15:10

Chantá Tata Diosqa Samuelta nerqa:

1 Samuel 15:3

Chayrayku amalecitakunawan maqanakoj riy. Tukuy paykunata wañuchimuy, jinataj tukuy kapuyninkutapis phiriy, ama ni uj chhikanta paykunamanta khuyarikuspa. Wañurachiy qharikunata, warmikunata, wawakunata, ñuñoj wawakunatapis. Ajinallatataj wañuchiy tukuy wakankuta, ovejankuta, camellonkuta, burronkuta ima, nispa.

1 Samuel 15:35

Chantá Samuelqa manaña ujtawan Saulta rikorqachu. Mayta llakikuspa, Saulmanta waqarqa. Tata Diospis Israel suyupi kuraj kamachej kananpaj Saulta churasqanmanta sinch'ita llakikorqa.

1 Samuel 15:9

Chaywanpis Saúl, jinataj soldadonkuna ima kuraj kamachej Agagta mana wañucherqankuchu, nillataj sumachaj ovejakunata, torokunata, wira torillokunata, nitaj corderokunatapis wañucherqankuchu. Nillataj sumachaj kaj imakunatapis phirerqankuchu. Imatachus phirirarqanku, chaykunaqa mana walej, mana valorniyoj karqa.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 8:6

Israelitakuna kuraj kamachejta mañasqankoqa Samuelman mana allinchu rijch'arqa. Chayrayku Tata Dioswan parlarikuspa, payta taporqa.