1 Samuel 14:45 - DIOSPA QHELQACHISQ

⁴⁵ Israelitakunatajrí Saulman kuticherqanku: Imaraykutaj Jonatán wañunman kasqari? Paynejta noqanchej filisteokunata mayta atipaykorqanchej. Mana wañunmanchu. Tata Diosrayku tiluyku: Mana uj chujchallanpis pampaman urmanqachu, imaraykuchus chay ruwasqanpi Dios payta yanaparqa, nispa. Ajinata israelitakunaqa Jonatán wañuchisqa kananmanta jark'akorqanku.

Qheshwa Biblia DC

⁴⁵ Israel ayllutaj Saulman kuticherqa: Imaraykutaj Jonatán wañunmanri, payqa israelitasman qorqa uj jatun atipachiyta! Mana chayqa jinachu kanqa. Señornejta jurayku mana uj chujchallampis pampaman uraykonqachu! Kunan ruwasqasqa Diospa yanapayninwan karqa. Chay jinamanta Israel aylloqa Jonatanta qhechorqa wañunan kashajtin.

DIOSPA QHELQACHISQAN DEUTEROCANONICAL

⁴⁵ Israelitakunatajrí Saulman kuticherqanku: Imaraykutaj Jonatán wañunman kasqari? Paynejta noqanchej filisteokunata mayta atipaykorqanchej. Mana wañunmanchu. Tata Diosrayku tiluyku: Mana uj chujchallanpis pampaman urmanqachu, imaraykuchus chay ruwasqanpi Dios payta yanaparqa, nispa. Ajinata israelitakunaqa Jonatán wañuchisqa kananmanta jark'akorqanku.

1 Samuel 14:45 ပူးပေါင်းရင်းမြစ်များ

2 Samuel 14:11

Chay warmirí nillarqataj: Kuraj kamachejníy, Tata Diosmanta mañay, ama aylluy astawan llakiyta yapanawanta vengakuspa, ujnin kaj wawaytawan wañuchispa. Kuraj kamachejtaj nerqa: Tata Diospa sutinrayku tiluni: Wawaykitaqa mana pipis imananqankuchu, nispa.

1 Reyes 1:52

Salomontaj nerqa: Sichus payqa allin runa jina purenqa chayqa, mana pipis imananqachu. Sitajchus mana allinta ruwanqa chayrí, wañuchisqa kanqa, nispa.

2 Crónicas 19:11

Josafat nillarqataj: Kuraj sacerdote Amariasqa Tata Diospa ruwananpi kuraj kanqa. Judá jatun aylloj kurajnintaj Ismaelpa churin Zebadías kuraj kamachejpa ruwanan allin rinanmanta qhawananpaj churasqa kanqa. Levitakunataj qankunata yanapasunaykichejpaj kanqanku. Kallpachakuychej ari, ruwajtaj churakuychej. Tata Diostaj allin kaj ruwajkunawan kachun.

Nehemías 9:27

Chayrayku qanqa paykunata awqankoj makinkuman jaywaykorqanki, chay awqankukunataj sinch'ita paykunata ñak'aricherqanku. Chantá may llakiypi rikukuspa, aylluykeqa qan yanapanaykita mañakusorqanku. Qantaj jatun munakuyniykirayku janaj pachamanta uyarimuspa, chay ñak'arichejkunaj makinkunamanta kacharichinankupaj runakunata churarqanki.

Isaías 13:3

Noqa, Tata Dios, ajllakusqay soldadokunata imatachus ruwanankuta kamachiniña, chantá wajyallanitaj wapu soldadoykunata k'araj phiñakuyniyta rikuchinankupaj. Paykunataj atipasqaymanta kusikunku.

San Mateo 10:30

Jinallataj Diospis qankunamanta mana qonqanchu. Umaykichejpi chujchaykichej mashkhachus kasqanta yachan.

San Lucas 21:18

Chaywanpis umaykichejmanta mana uj chujchallapis chinkanqachu.

Hechos 14:27

Chantá Antioquiaman chayaytawan, Pablowan Bernabewan ima iglesiata tantaykuspa, willarqanku imaynatachus Dios tukuy imapi paykunata yanapasqanta. Willallarqankutaj imaynatachus Dios mana judío kajkunapajpis punkuta kicharisqanta, paykunapis Jesuspi atinikunankupaj.

Hechos 15:12

Chantá Pedroj nisqanta uyariytawan, tukuyninku ch'inyakorqanku, uyarinankupaj Bernabewan Pablowan imatachus willanankuta. Paykunataj willarqanku imaynatachus Dios paykunanejta runaj mana jayk'aj rikusqanta, may t'ukuna imakunata ima ruwasqanta mana judío kajkuna ukhupi.

Hechos 21:19

Paykunata napaykuytawan, Pabloqa kantumanta willarqa, imatachus Dios paynejta mana judío kajkuna ukhupi ruwasqanmanta.

Hechos 27:34

Ama jinachu kaychej. Kawsayta munaspaqa, imitallatapis mikhurikuychej ari. Ama manchachikuychejchu, imaraykuchus ni uj chujchallapis umaykichejmanta chinkanqachu, nispa.

Romanos 15:18

Chaywanpis imatachus Cristo noqanejta ruwarqa, chayllamanta parlasaj. Cristoqa paymanta willasqaywan, ruwasqaywantaj mana judío kajkunata Diosman pusarqa payta kasunankupaj.

1 Corintios 3:9

Noqaykutajrí Diospa yanapajninkunalla kayku, qankunataj Diospa chajran jina kankichej, chayrí Diospa sayarichisqan wasi jina.

2 Corintios 6:1

Ajina ari, Diospa ruwayninpi yanapakojkuna kaspa, noqayku mañarikuyku ama pisipaj qhawanaykichejta Diospa qhasilla k'acha yanapayninta jap'isqaykichejta.

Apocalipsis 17:14

Chantá paykuna Corderoj contranpi maqanakonqanku. Corderotajrí paykunata atipaykonqa, imaraykuchus payqa tukuy kamachejkunaj Kuraj Kamachejninku, tukuy wiraqochikunaj Kamachejninkutaj. Pikunatachus Dios wajyaspa ajllakorqa, jinataj payta kasunku chaykuna paywan khuska kanqanku.

Apocalipsis 19:14

Chantá janaj pachamanta soldadokunaqa paypa qhepanta yuraj caballokunapi risharqanku, linomanta sumaj awasqa yuraj llimphu p'achawan p'achallisqa.

1 Samuel 11:13

Saultajrí nerqa: Kunan mana pipis wañuchisqa kanqachu, Israel suyuta Tata Dios kacharichisqanrayku, nispa.

1 Samuel 14:23

Maqanakoqa Bet Avén llajtakama chayarqa. Ajinata Tata Diosqa israelitakunata filisteokunaj makinkumanta kacharicherqa.

1 Samuel 14:46

Saultajrí filisteokunata qhatiykuyta saqerpayarqa, filisteokunataj wasinkuman kutiraporqanku.

1 Samuel 19:5

Payqa wañuyta mana manchachikuspa, chay jatunkaray filisteota wañucherqa. Chay jinamanta Tata Diosqa tukuy israelitakuna filisteokunata atipananchejpaj yanapawarqanchej. Chayta rikuspa, mayta kusikorqanki. Chantá, imaraykutaj kunan mana juchayoj Davidta wañuchiyta munashankiri? nispa.