1 Samuel 14:37 - DIOSPA QHELQACHISQ

³⁷ Chaypacha Saulqa Diosta tapurerqa: Filisteokunata qhatiykuymanchu? Ujtawan atipaykunaykupaj yanapawasqaykuchu? nispa. Chay p'unchaypirí Dios mana imatapis kuticherqachu.

Qheshwa Biblia DC

³⁷ Chaypacha Saulqa Diosta tapurerqa: Filisteostaqa qhatiykuymanchu? Israelitaspa makinman paykunata jaywawajchu?, nispa. Chay diapeqa mana Señorqa kuticherqachu.

DIOSPA QHELQACHISQAN DEUTEROCANONICAL

³⁷ Chaypacha Saulqa Diosta tapurerqa: Filisteokunata qhatiykuymanchu? Ujtawan atipaykunaykupaj yanapawasqaykuchu? nispa. Chay p'unchaypirí Dios mana imatapis kuticherqachu.

1 Samuel 14:37 ပူးပေါင်းရင်းမြစ်များ

2 Samuel 5:19

Chayraykutaj Davidqa Tata Diosta taporqa: Filisteokunawan maqanakoj riymanchu? Paykunawan maqanakojtiyrí, atipayta yanapawankimanchu? nispa. Tata Diostaj kuticherqa: Arí, maqanakoj rillay. Noqa yanapasqayki atipanaykipaj, nispa.

2 Samuel 5:23

Watejmanta Davidqa Tata Diosta tapullarqataj, Tata Diostaj nerqa: Ama paykunawan maqanakoj ñawpaqenkuta riychu. Manachayqa chay bálsamo sach'akunanejman chayaytawan, muyuykuspa qhepallankumanta maqanakoj yaykunki.

1 Reyes 22:15

Micaías kuraj kamachejman jamojtintaj, Ajab taporqa: Micaías, Galaadmanta Ramot llajtaj contranpi maqanakoj risqaykuchu, amachu? nispa. Micaiastaj kutichispa, nerqa: Rillay, maqanakuspa chay llajtata jap'inki, imaraykuchus Tata Diosqa atipanaykipaj yanapasonqa, nispa.

1 Reyes 22:5

Chaywanpis Josafatqa Ajabta nillarqapuni: Manaraj maqanakoj rishaspa, Tata Diosta ñawpajta tapuriwaj, nispa.

Ezequiel 20:3

Runaj churin, Israelpa kurajninkunaman niy: Tukuyta Kamachej Tata Dios kayta nisunkichej: Qankunaqa noqata tapurikuwajchu jamunkichej? Noqa Tukuyta Kamachej Tata Dios kawsayniyrayku tiluspa, nini: Mana qankunata uyarisqaykichejchu, nispa.

Jueces 1:1

Josué wañupusqanmanta qhepata, israelitakuna Tata Diosta tapukorqanku: Mayqen jatun ayllurajtaj ñawpajta cananeokunawan maqanakoj renqari? nispa.

Jueces 20:18

Manaraj maqanakuman rishaspa, israelitakunaqa Betelman rispa, Diosta tapukorqanku mayqen jatun aylluchus Benjamín jatun aylluwan ñawpajta maqanakoj rinanta. Tata Diostaj kutichispa, nerqa: Judá jatun aylluraj ñawpajta richun, nispa.

Jueces 20:28

sacerdotenkutaj Finés karqa. Payqa Eleazarpa churin karqa, Aaronpa allchhintaj. Israelitakunataj Tata Diosta tapukorqanku: Benjamín jatun ayllu masiykuwan watejmanta maqanakoj risqaykuchu, chayrí manachu? nispa. Tata Diostaj paykunata nerqa: Maqanakoj rillaychej, noqataj q'aya atipanaykichejpaj yanapasqaykichej, nispa.

1 Samuel 10:22

Chayrayku Tata Diosta ujtawan taporqanku, chaypi paykunawanchus manachus Saúl kashasqanta. Tata Diostaj paykunaman kuticherqa: Saulqa q'epi chawpipi pakasqa karishan, nispa.

1 Samuel 23:2

Davidtaj Tata Diosta tapurerqa: Filisteokunawan maqanakoj riymanchu? nispa. Tata Diostaj kuticherqa: Arí, rispa maqanakamuy, Keila llajtatataj kacharichimuy, nispa.

1 Samuel 23:4

Chantá Davidqa ujtawan Tata Diosta tapullarqataj, Tata Diostaj kay jinata nerqa: Rillayña Keilaman, imaraykuchus noqaqa filisteokunata atipaykuyta yanapasqayki, nispa.

1 Samuel 28:6

Chantá Tata Diosta taporqa imatachus ruwananta. Tata Diostajrí mana ni mosqoypi jina, nitaj Urimnejtapis, nillataj Diosmanta sut'inchajkunanejtapis kuticherqachu.