1 Samuel 14:35 - DIOSPA QHELQACHISQ

³⁵ Saultaj Tata Diospaj uj altarta ruwaporqa. Chayqa ñawpaj kaj ruwasqan altar karqa.

Qheshwa Biblia DC

³⁵ Saultaj Señorpaj uj altarta sayaricherqa. Chaytaj Señorpaj ñaupaj kaj ruwasqan altar karqa.

DIOSPA QHELQACHISQAN DEUTEROCANONICAL

³⁵ Saultaj Tata Diospaj uj altarta ruwaporqa. Chayqa ñawpaj kaj ruwasqan altar karqa.

1 Samuel 14:35 ပူးပေါင်းရင်းမြစ်များ

2 Samuel 24:25

Chaypitaj Davidqa Tata Diospaj uj altarta ruwaporqa, altar patapitaj uywa ñak'asqata q'olachispa jaywarqa, jinataj allinyakuna jaywanatapis. Chantá Tata Dios uyarerqa suyunrayku David mañapusqanta, chay millay onqoytaj Israel suyumanta chinkaporqa.

Oseas 8:14

Israelqa kamachina wasikunata ruwarin, ruwajnin Diosmantatajrí qonqakapuwan. Judapis ashkha sumaj perqasqa llajtakunata oqharin. Noqatajrí, chay llajtakunaman ninata jap'iykuchisaj, tukuy jatuchaj wasinkuna ruphananpaj.

2 Timoteo 3:5

Chay runakunaqa Diosta munakusqankuta nenqanku, chantá may jatun respetowan payta qhawasqankuta ima. Chaywanpis Diospa atiyninta qhesachanqanku, mayqenchus paykunata Diosta kasukuyta yanapayta atinman, chayta. Chay jina runakunawanqa ama ni ima ruwanayki kachunchu.

Santiago 4:8

Diosman qayllaykuychej, paypis qankunaman qayllamusonqachej. Juchasapakuna, makiykichejta mayllakuychej. Qankuna iskay sonqoyojkuna, sut'ita ninaykichej tiyan, Diostachus qhatikunaykichejta, chayrí juchallispachus purinaykichejta.

Jueces 21:4

Q'ayantintaj israelitakunaqa tutamanta jatarikorqanku. Uj altarta ruwaspataj, Tata Diosman jaywarqanku uywa ñak'asqa q'olachinakunata, chantá allinyakuna jaywanakunatawan.

Jueces 6:24

Chaypi Gedeonqa Tata Diospaj uj altarta ruwaporqa, suticharqataj: “Tata Diosmin Sonqo Tiyaykoyqa”, nispa. Chay altarqa Abiezerpa ayllun ukhupi Ofrá llajtapi kunankama kashallanrajpuni.

1 Samuel 14:34

Chay jawaqa rispa, nimuychej tukuy runaman kayman apamunawankuta toronkuta, chayrí ovejankutapis, kaypi ñak'aspa mikhunaykichejpaj, yawarnintillanta aychata mikhuspa Tata Diospa contranpi ama juchallinaykichejpaj, nispa. Chay ch'isipachataj sapa ujninku toronkuta aparqanku, chaypitaj ñak'arqanku.

1 Samuel 7:12

Chaymanta Samuelqa uj jatun rumita oqharispa, Mispá llajtawan Sen llajtawan tinkuypi churarqa. Chantá chay cheqata “Ebenezer”, nispa suticharqa. Chay niyta munan: “Kaykama Tata Dios yanapawarqanchej”, nispa.

1 Samuel 7:17

Chaymantataj Ramá llajtaman kutimpoj, chaypi wasin kasqanrayku. Chaymantapachataj israelitakunata juez jina kamacherqa. Chayllapitaj Tata Diospaj uj altarta ruwaporqa.

1 Samuel 7:9

Chantá Samuelqa ñuñoj corderitota jap'ispa ñak'aytawan, tukuyninta Tata Diospaj ruphacherqa. Chaymantataj Tata Dios yanapananta mañaporqa, Tata Diostaj mañakusqanta uyarerqa.