1 Samuel 14:32 - DIOSPA QHELQACHISQ

³² Chantá israelitakunaqa awqankumanta qhechusqanku uywakunata jap'ispa, ovejata, wakata, waka uñakunata ima ñak'arqanku, chantá aychata yawarnintillanta mikhuyta qallarerqanku.

Qheshwa Biblia DC

³² Atipaspaña soldadosqa rerqanku enemigosninkumanta qhechusqanku uywasta jap'ej, ovejasta, wakasta, waka uñasta ima. Chaykunata pampapi ñak'araspa mikhorqanku yawarnintinta.

DIOSPA QHELQACHISQAN DEUTEROCANONICAL

³² Chantá israelitakunaqa awqankumanta qhechusqanku uywakunata jap'ispa, ovejata, wakata, waka uñakunata ima ñak'arqanku, chantá aychata yawarnintillanta mikhuyta qallarerqanku.

1 Samuel 14:32 ပူးပေါင်းရင်းမြစ်များ

Génesis 9:4

Kayllata mana mikhunaykichejchu tiyan: Yawarniyoj aychata, imaraykuchus yawarpi kawsay kashan.

Ezequiel 33:25

Chayrayku paykunata niy: Tukuyta Kamachej Tata Dios kay jinata nisunkichej: Qankunaqa aychata yawarnintinta mikhunkichej, lantikunata yupaychankichej, runatapis wañuchinkichej. Ajina kashaspa, kay suyuta jap'ikapuyta yuyashankichejchu?

Levítico 19:26

Ama imatapis yawarniyojta mikhunkichejchu. Ama adivinaj kankichejchu, nillataj layqapis.

Levítico 3:17

Kay kamachisqayqa, maypichá tiyakunkichej, chaypi qankunapaj chantá mirayniykichejpaj ima wiñaypaj kanqa. Amapuni wirata, nitaj yawartapis mikhunkichejchu, nispa.

Hechos 15:20

Manachayqa uj cartata paykunaman apachispa, kayllata nisunman: Qhasi dioskunaman jaywasqamantaqa ama mikhunankuta, ama khuchichakunankuta, amataj jeq'eqasqa chayrí sipisqa uywaj aychanta mikhunankuta, nillataj yawartapis mikhunankuta, nispa.

Hechos 15:29

Ama lantikunaman jaywasqa aychata mikhuychejchu, nitaj yawarta, nillataj jeq'eqasqa chayrí sipisqa uywakunaj aychantapis. Amallataj khuchichakuychejchu. Chaykunamanta karunchakuspa, allinta ruwankichej. Tinkunakama kachun, nispa.

Deuteronomio 12:16

Chaywanpis yawartaqa amapuni mikhunkichejchu, manachayqa yakuta jina jallp'aman suruchinkichej.

1 Samuel 15:19

Chantá imaraykutaj Tata Diospa kamachisusqanta mana kasorqankichuri? Imaraykutaj amalecitakunaj sumachaj uywankukunata apakamporqankiri? Ajinata ruwaspa, Tata Diospa ñawpaqenpi nipuni allintachu ruwarqanki, nispa.