1 Samuel 13:6 - DIOSPA QHELQACHISQ

⁶ Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.

Qheshwa Biblia DC

⁶ Israelitasqa sinch'i llakiypi rikukorqanku filisteoswan maqanakupi, chayraykutaj pakakamorqanku chhanka jusk'usman, t'oqosman, chhanka k'ajllusman, allasqa jusk'usman, allasqa yaku jusk'usman ima.

DIOSPA QHELQACHISQAN DEUTEROCANONICAL

⁶ Filisteokuna tukuynejmanta maqanakoj sayaykusqankurayku, israelitakuna imatachus ruwanankuta mana yachashaj rikhurerqanku. Chayraykutaj chhanka jusk'uman, t'oqoman, qaqa k'ajllukunaman, allasqa jusk'ukunaman chantá ch'aki pujyukunaman ima pakakamorqanku.

1 Samuel 13:6 ပူးပေါင်းရင်းမြစ်များ

2 Samuel 24:14

Davidtaj Gadman kuticherqa: Imatachus ninayta mana yachanichu. Chaywanpis aswan walej kanman kikin Tata Diospa makinman urmanayku, paypa khuyakuynin may jatun kasqanrayku, amataj runaj makinman urmanaykupaj, nispa.

Isaías 42:22

Chaywanpis wajkuna Israelta atipaykuspa, imanchus kaj chhikata qhechunku. Jinallataj wata runa kanapaj churanku, paykunata presochaspataj, carcelpi wisq'aykunku. Awqankoqa israelitakunawan munayninkuta ruwanku, nitaj pipis kacharichinanpaj kanchu. Paykunata wajnejman apakapunku, nitaj pipis paykunata kacharichej kanchu.

Jeremías 41:9

Netaniaspa churin Ismael Gedaliaswan khuska wañurachisqan chay runakunaj ayankuta maymanchus wijch'uykusqanku, chay pujyoqa jatunmin karqa. Chay pujyutaqa kuraj kamachej Asa allachisqa, Israelmanta kuraj kamachej Basanwan maqanakupi kashajtinku jark'akunanpaj. Jinapis Ismaelqa wañuchisqan runakunaj ayankuwan chay pujyuman junt'aykucherqa.

Ezequiel 33:27

Paykunata nillaytaj: Tukuyta Kamachej Tata Dios kay jinata nin: Noqa kawsayniyrayku tiluspa nini: Pikunachus raqayman tukuchisqa llajtapi tiyakushanku, chaykunaqa espadawan wañurachisqa kanqanku. Campopi kawsajkunatataj k'ita animalkunaman jaywaykusaj. Pikunachus qaqakunapi, jusk'ukunapi tiyakushanku, chaykunarí onqoywan wañuranqanku.

Filipenses 1:23

Chay iskaymantaqa mana ajllakuyta atinichu. Astawanqa wañupuyta munayman, Cristowan khuska kamunaypaj, chaytaj noqapaj aswan sumaj kanman.

Hebreos 11:38

Kay pachaqa mana chay jina sumaj sonqoyoj runakunapaj jinachu karqa. Chaywanpis paykuna ayqekuspa ch'innejpi, orqokunapi ima purerqanku. Chantá qaqa jusk'upi, jallp'a t'oqopi ima kawsarqanku.

Josué 8:20

Chantá Haimanta runakuna qhepankuta qhawarikuspa, llajtamanta q'oshñi manchayta pataman wicharishajta rikorqanku. Manaña ni mayman ayqeyta aterqankuchu, imaraykuchus ñawpaqenkuta ch'innejman ayqeshaj israelitakunaqa paykunawan maqanakoj ujllata tijrakamorqanku.

Jueces 10:9

Amonitakunaqa Jordán mayuta chimparqanku maqanakamunankupaj Judá jatun aylluwan, Benjamín jatun aylluwan, jinataj Efraín jatun aylluwanpis. Ajinamanta israelitakunaqa may llakiypi rikhurerqanku.

Jueces 20:41

Chaypacha israelitakunaqa maqanakoj kutirikamorqanku. Benjaminmanta kajkunataj mancharisqa t'ukushaj qhepakorqanku, llajtankuta ruphaykushajta rikuspa.

Jueces 6:2

Madianitakunaqa sinch'itapuni israelitakunata ñak'aricherqanku. Israelitakunataj madianitakunata manchachikuspa, orqokunapi pakakunata ruwarakamorqanku, chhanka jusk'ukunapi, maymanchus runakuna mana yaykullankuchu, chaynejpi.

1 Samuel 13:15

Chaypacha Samuelqa Gilgalmanta riporqa, Saultaj puchoj soldadokunawan Benjamín jatun aylloj jap'iyninpi Gabaa llajtaman riporqa. Chaypitaj Saulqa paywan kashaj soldadokunata yuparqa. Tukuyninpi 600 karqanku.

1 Samuel 14:11

Ajinaqa iskayninku filisteo soldadokunawan rikuchikorqanku. Filisteokuna soldadokunataj paykunata rikuytawankama, nerqanku: Qhawaychej má, israelitakuna pakakushasqankumanta llojsiramushanku, nispa.

1 Samuel 14:22

Jinallataj Efraín jatun aylloj orqorara cheqanejpi pakakushaj israelitakunaqa filisteokuna ayqeshasqankuta yachaspa, maqanakoj llojsimullarqankutaj.

1 Samuel 23:19

Zif llajtayojkunarí Gabaa llajtaman rerqanku Saulwan parlanankupaj, chantá nerqanku: Davidqa noqaykoj jap'iyniyku ukhupi kashan. Jaquilá orqopi, Horeb chhankapi, ch'innejmanta uranejpi pakakushan.

1 Samuel 24:3

3 (4) Purispa, oveja puñuchina kanchaman chayarqanku, chay qayllanejpitaj uj jatun qaqa jusk'u karqa. Chantá Saúl jisp'arikoj chay jusk'uman yaykuykorqa. Chayllapitaj Davidwan runankunawan ima pakakusharqanku.

1 Samuel 31:7

Chantá vallemanta chimpanpi tiyakoj israelitakuna, jinataj Jordán mayumanta inti llojsimuynejpi jina tiyakojkunapis yacharqanku israelita soldadokuna ayqesqankuta, Saulpis, churinkunapis wañusqankuta ima. Chayrayku llajtankuta saqerpaspa, paykunapis ayqellarqankutaj. Chantá filisteokuna chayamuspa, chay llajtakunapi tiyakorqanku.

1 Samuel 7:7

Israelitakuna Mispá llajtapi tantasqa kashasqankuta yachaspa, filisteokunaj kurajninkukuna israelitakunaj contrankupi maqanakunankupaj purirerqanku. Israelitakunataj chayta yachaspa, mayta manchachikorqanku.