1 Samuel 13:14 - DIOSPA QHELQACHISQ

¹⁴ Kunanrí Tata Diospa kamachisusqanta mana kasusqaykirayku, kuraj kamachej jina kanaykeqa mana unaypajchu kanqa. Tata Diosqa paypa munasqanman ruwananpaj mask'anña. Ayllunta kamachinanpaj payta churanqa, nispa.

Qheshwa Biblia DC

¹⁴ Chayrayku kunanqa kamachiyniykeqa mana unaypajchu kanqa. Señorqa mask'anña pitachus munasqanta, payta churanqa ayllunta kamachinampaj, qan mana kasusqaykirayku imatachus Señor kamachisusqanta.

DIOSPA QHELQACHISQAN DEUTEROCANONICAL

¹⁴ Kunanrí Tata Diospa kamachisusqanta mana kasusqaykirayku, kuraj kamachej jina kanaykeqa mana unaypajchu kanqa. Tata Diosqa paypa munasqanman ruwananpaj mask'anña. Ayllunta kamachinanpaj payta churanqa, nispa.

1 Samuel 13:14 ပူးပေါင်းရင်းမြစ်များ

2 Samuel 5:2

Cheqamanta Saúl kuraj kamachejniyku kashajtinpis, qanpuni israelitakunataqa maqanakupi kamachej jina pusaykacharqanki. Chay jawaqa Tata Dios nisorqa: Qanpuni tukuy Israel aylluyta michinki, kamachinkitaj, nispa.

2 Samuel 6:21

Davidtajrí Micalman kuticherqa: Arí, tusorqani, Tata Diosta yupaychaspa tusorqani, imaraykuchus payqa ajllawarqa tataykej cuentanmanta jinataj tukuy aylluykejmanta ima, Israel ayllunta kamachinaypaj. Chayrayku Tata Diospa ñawpaqenpi tusullasajpuni.

2 Reyes 20:5

Kutispa, aylluypa kurajnin Ezequiasta nimuy: Ñawpa tatayki Davidpa Tata Diosnin ajinata nisunki: Mañakuwasqaykita uyarini, imaynatachus waqasqaykitapis rikullanitaj. Onqoyniykimanta thañichisqayki, kaymanta kinsa p'unchaymantaj Tata Diospa Templonman rinki.

1 Crónicas 10:13

Ajinata Saúl wañorqa, Tata Diospa kamachisqanta mana kasusqanrayku chantá Tata Diosta tapukunantaqa, uj aysiri warmita tapukoj risqanrayku.

Salmos 78:70

Jinallataj Diosqa kamachin Davidta ajllakorqa, paytataj ovejaj qhepanmanta wajyarqa.

Proverbios 27:24

imaraykuchus qhapajyayqa mana wiñaypajchu, nitaj kamachej kaypis wiñaypajchu.

Isaías 39:5

Chantá Isaiasqa Ezequiasta nerqa: Uyariy Tukuy Atiyniyoj Tata Diospa nisusqanta:

Hechos 13:22

Chaywanpis Diosqa Saulta kuraj kamachej kananmanta wijch'uspa, Davidtañataj churarqa kuraj kamachej kananpaj. Paymantataj Dios nerqa: Yesejpa churin Davidta tarini, paytaj sonqoypa tukuy munasqanta ruwanqa, nispa.

Hechos 7:46

Dios Davidta khuyakuywan qhawarisqanrayku pay Diosmanta mañakorqa uj Templota ruwajta saqenanta, chaypi israelitakuna Diosninkuta yupaychanankupaj.

Hebreos 2:10

Diosqa tukuy imata paypaj ruwarqa, payllataj tukuy imata purichin. Chay Diosmin ashkha wawata jatun kayninpa k'anchayninman pusayta munarqa. Munallarqataj paykunata qhespichejqa ñak'ariynejta sumaj wakichisqa kananta, qhespichej jina imachus ruwananta maychus kajta junt'ananpaj.

1 Samuel 15:23

Tata Diospa contranpi oqharikoyqa layqeriyo juchawan ninakun, Tata Diosta mana kasuytaj lanti yupaychana juchawan ninakullantaj. Imaynatachus qan Tata Diospa kamachisqanta qhesacharqanki, ajinallatataj paypis qanta amaña kuraj kamachej kanaykipaj qhesachasunki, nispa.

1 Samuel 15:26

Samueltajrí Saulman kuticherqa: Mana qanwanqa risajchu. Tata Diospa kamachisqanta qhesachasqaykirayku kunanqa pay qhesachasunkiña, amaña Israelpa kuraj kamachejnin kanaykipaj, nispa.

1 Samuel 15:28

Chantá Samuel Saulta nerqa: Ajinallatataj Tata Diospis qanmanta Israel suyupi kuraj kamachej kanaykita qhechusonqa, qanmanta aswan allin llajta masiykiman qopunanpaj.

1 Samuel 16:1

Uj kuti Tata Dios Samuelta nerqa: Mayk'ajkamataj Saulmanta llakikunkiri? Noqaqa Israel suyupi kuraj kamachej kananmanta wijch'upuniña. Ajinaqa aceite apaykachanayki wajraman aceiteta churaspa, Belén llajtapi Yeséj wasinman riy, imaraykuchus ujnin kaj churinta kuraj kamachej kananpaj ajllaniña, nispa.

1 Samuel 16:12

Chantá Yeseqa payta wajyachimorqa. Chay waynaqa alajitu karqa, k'acha ñawiyoj, allin rijch'ayniyojtaj. Chantá Tata Diosqa Samuelta nerqa: Kaymá chay ajllasqayqa. Kuraj kamachej kananpaj aceiteta paypa umanman jich'aykuy, nispa.

1 Samuel 2:30

Chayrayku Israelpa Diosnin Tata Dios nin: Noqa nerqani qanwan, aylluykiwan ima ñawpaqeypi wiñaypaj sacerdoteykuna kanaykichej tiyan, nispa. Kunanrí niykichej: Manapuni jinachu kanqa, manachayqa jatunchawajkunata jatunchallasajtaj, qhesachawajkunatapis p'enqaypi rikhurichisaj. Noqa Tata Diosmin chayta nini.

1 Samuel 24:20

20 (21) Kunantaj sut'ita yachani qan kuraj kamachej kanaykita, qan kuraj kamachej jina kashajtiykitaj, israelitakunata tukuy imapi allillan rinanta.

1 Samuel 25:30

Ajinaqa, Tata Dios qanman tukuy nisusqanta junt'anqa chayqa, Israel suyuta kamachinaykipaj churasonqa.

1 Samuel 9:16

Q'aya kunanta jina Benjamín jatun ayllumanta uj runata kachamusqayki, paytataj aceitewan jawinki, Israel aylluypa kuraj kamachejnin kananpaj. Payqa Israel aylluyta filisteokunaj makinkumanta kacharichenqa, imaraykuchus noqa aylluymanta khuyakuni, ñak'arisqankuta rikuspa, nispa.