1 Samuel 12:24 - DIOSPA QHELQACHISQ

²⁴ Qankunaqa Tata Diosta yupaychakuychej. Tukuy sonqowantaj payllata yupaychaychej, Tata Dios qankunarayku sumaj imakunata ruwapususqaykichejta yuyarikuspa.

Qheshwa Biblia DC

²⁴ Qankunaqa Señorta manchachikuychej. Pay sapallanta yupaychaychej, cheqanta tukuy sonqowantaj, yuyarikuspa chay chhinka k'acha imasta qankunapaj Señor ruwasqanta.

DIOSPA QHELQACHISQAN DEUTEROCANONICAL

²⁴ Qankunaqa Tata Diosta yupaychakuychej. Tukuy sonqowantaj payllata yupaychaychej, Tata Dios qankunarayku sumaj imakunata ruwapususqaykichejta yuyarikuspa.

1 Samuel 12:24 ပူးပေါင်းရင်းမြစ်များ

2 Reyes 17:39

Astawanpis noqa Tata Diosnillaykichejta jatun respetowan maypaj qhawawankichej. Noqallamin tukuynin awqaykichejkunamanta kacharichisqaykichej, nispa. Ajinata Tata Dios paykunawan tratota ruwasqa.

Job 28:28

Chaymantataj runakunata nerqa: Tukuyta Kamachej Diosta may jatun respetowan qhawana, chaymin yachayniyoj kanaqa. Tukuy ch'ichi kajmanta t'aqakunataj, chaymin yuyayniyoj kanaqa, nispa.

Salmos 111:10

Yachayniyoj kanapajqa ñawpajta Tata Diosta manchay jatun respetowan qhawana tiyan. Pikunachus kamachisqankunata kasojkunaqa sumaj yuyayniyoj kanku. Tata Diosqa wiñaypaj jatunchasqapuni kanqa.

Salmos 119:80

Kamachisqaykita mana pantarispa junt'anaypaj sonqoy kachun, ama imamantapis p'enqachisqa kanaypaj.

Éxodo 12:13

Maypichus kashankichej, chay waseqa yawarwan señalasqa kanqa. Punkuykichejpi yawarta rikuspataj, noqaqa qankunata pasallasqaykichej. Ajinaqa Egiptopi kuraj kaj churikunata wañuchishajtiy, qankuna ukhupi mana ni uj wañusqapis kanqachu.

Proverbios 1:7

Yachayniyoj runa kanapajqa ñawpajta Tata Diosta may jatun respetowan qhawana. Wampu runakunarí yachayta, yachachiytawan ima qhesachanku.

Eclesiastés 12:13

Chay tukuy imaj tukukuynenqa kaymin: Diosta may jatun respetowan qhaway, kamachisqantataj junt'ay. Chayllata runaqa ruwanan tiyan.

Isaías 5:12

Qankunaqa jatuchaj mikhuykunata wakirichinkichej, chaypitaj tocarichinkichej arpakunata, salteriokunata, panderetakunata, qenakunatawan. Chantá ashkha vinota ujyarillankichejtaj. Chaywanpis mana Tata Diospi unanchankichejchu, nitaj makinwan ruwasqantapis cuentaman churankichejchu.

San Juan 1:47

Chantá Jesús Natanaelta payman qayllaykushajta rikuspa, nerqa: Kay runaqa israelitapuni, imaraykuchus payqa mana pitapis q'otiyanchu, nispa.

Romanos 12:1

Ajinaqa wawqe panakuna, Dios khuyakuyninpi qankunata qhespichinanpaj imatachus ruwasqanrayku kayta ruwanaykichejta mañakuykichej: Qankuna ukhuykichejta Diosman jaywaychej mana Diosman jaywasqa uywa jina wañunaykichejpajchu, manachayqa Diospa sonqonta kusichinapaj jina llimphuta kawsanaykichejpaj. Ajinata ruwaspamin Diosta tukuy sonqo yupaychankichej.

Deuteronomio 10:21

Payllamin yupaychanaykichejpaj jina, payllamin Diosniykichejqa, pichus rikushajtiykichej qankunarayku t'ukuna imakunata ruwarqa, chay.

Deuteronomio 29:1

1 (28.69) Tata Diosqa Horeb orqopi israelitakunawan tratota ruwasqanmanta qhepata, Moisesta kamacherqa Moab suyupi israelitakunawan ujtawan uj tratota ruwananta.

Deuteronomio 29:2

2 (1) Chantá Moisés israelitakunata tantachispa, nerqa: Qankuna Egiptopi kashaspa, Tata Dios imatachus faraonta ruwasqanta rikorqankichej, jinallataj tukuy kamachinkunata, chantá jallp'anta ima imatachus ruwasqanta.

Hebreos 12:29

Ajinata ruwana, imaraykuchus Diosninchejqa tukuy imata q'olarparej nina jinamin.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.