1 Samuel 12:22 - DIOSPA QHELQACHISQ

²² Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.

Qheshwa Biblia DC

²² Señorqa sutinta jatunchanarayku mana saqesonqachejchu imaraykuchus payqa munan qankunaqa ayllumpuni kanaykichejta.

DIOSPA QHELQACHISQAN DEUTEROCANONICAL

²² Tata Diosqa sutin yupaychasqa kananrayku mana saqerpasonqachejchu, imaraykuchus payqa ayllunpuni kanaykichejta munan.

1 Samuel 12:22 ပူးပေါင်းရင်းမြစ်များ

1 Reyes 6:13

Israelitakunawan tiyakusaj, manataj Israel aylluytaqa saqerpayasajchu, nispa.

1 Reyes 8:57

Tata Diosninchejqa noqanchejwanpuni kachun, imaynatachus ñawpa tatanchejkunawan karqa, ajinata. Payqa manapuni saqerpariwasunchu nitaj qhesachawasunchu.

2 Reyes 14:27

Tata Diosqa israelitakunata kay pachamanta chinkachinanta manaraj nisqachu. Chayrayku paykunata Joaspa churin Jeroboannejta kacharicherqa.

2 Reyes 21:14

Aylluymanta kawsashaj qhepakojkunatapis saqerparillasajtaj. Awqankukunaj makinkumantaj aylluyta jaywaykusaj, paykunamanta suwaspa q'arallata mana imayojta rikhurichinankupaj.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Salmos 106:8

Chaywanpis, Tata Dios, munakuyniyki may jina kasqanrayku paykunata qhespicherqanki, jatun atiyniykitataj rejsicherqanki.

Salmos 94:14

Tata Dios ayllunta mana saqerparenqachu, nitaj wawankunatapis sapallankuta saqerparillanqatajchu.

Éxodo 32:12

Egipto llajtayojkunaqa ninkumanchari: Diosqa israelitakunata mana allin sonqowan kaymanta orqhon, ch'innejpi wañuchispa kay pachamanta chinkachinanpaj, nispa. Chayrayku sonqoykita tiyaykuchikuspa, aylluykita ama jasut'iychu, ari.

Isaías 37:35

Tata Dios nillantaj: Noqamin kay llajtamanta sayaykusaj, jark'akusajtaj. Noqarayku, jinallataj kamachiy Davidta munakusqayrayku chayta ruwasaj, nispa.

Isaías 41:17

Tata Dios nillantaj: Wajcha runakuna yakuta mask'aspa, mana tarinkuchu. Yaku ch'akiywan siminkupis pharallaña. Noqa Tata Diostajrí paykunata uyarisaj. Noqa Israelpa Diosnin mana jayk'ajpis paykunata saqerpayasajchu.

Isaías 42:16

Ñawsakunata mosoj ñanta pusasaj, jinataj mana rejsisqanku chaki ñankunata purichisaj. Ñawpaqenkupi kaj laqhayayta k'anchayman tukuchisaj, mana puriy atina ñantapis pampaman tukuchillasajtaj. Chaykunata noqamin ruwasaj, manataj paykunata saqerpayasajchu.

Isaías 43:25

Chaywanpis Diosniyki kasqayrayku, chay millay juchaykita llimphuchasaj. Juchaykikunatataj qonqayman churasaj.

Isaías 43:7

Pikunachus sutiyta oqharejkunata, jinallataj pikunatachus noqata jatunchanawankupaj ruwarqani, chaykunata apampuway, nispa.

Isaías 48:11

Noqarayku chayta ruwarqani, ama sutiy pisipaj qhawasqa kananpaj. Manataj saqesajchu qankuna lantikunata Diosta jina jatunchanaykichejta.

Isaías 49:15

Tata Diosrí kutichin: Uj warmi ñuñushaj wawitanta qonqarparinmanchu? Wijsanmanta llojsej wawanta manachu munakunman? Pay wawanta qonqapunman chaypis, noqaqa ni jayk'aj qanta qonqasqaykichu.

Isaías 63:8

Tata Dios nerqa: Paykunaqa noqaj aylluy kanku, mana wasanchaj wawaykuna kanku, nispa. Chayrayku pay kikin paykunata qhespicherqa.

Jeremías 14:21

Chaywanpis sutiyki yupaychasqa kananpaj, ama qhesachawaykuchu ari, amataj Jerusalenpi jatunchasqa kamachinayki tiyanata pisipaj qhawaychu. Yuyarikuy ari noqaykuwan tratota ruwasqaykimanta. Amapuni trato ruwasqaykita p'akiychu.

Jeremías 14:7

Runakuna ninku: Tata Dios, juchayku ch'ataykushawayku chaypis, sutiyki jatunchasqa kananrayku yanapawayku ari. Noqaykoqa ashkha kutita qanmanta karunchakorqayku, contraykitataj mayta juchallerqayku.

Jeremías 14:9

Imajtintaj uma muyusqa runa jina kankiri? Wapu soldado jina kaspapis, manachu yanapayta atiwayku? Chaywanpis Tata Dios, qan noqaykuwan kashanki, noqaykutaj sutiykita yupaychayku. Amapuni saqerpariwaykuchu ari, nispa.

Lamentaciones 5:20

Imaraykutaj chay jinatapuni qonqakapuwaykuri? Imaraykutaj chay chhika unaytaña saqerpariwaykuri?

Ezequiel 20:14

Chaywanpis, imatachus yuyasqayta mana ruwarqanichu noqamanta runakuna ama millayta parlanankupaj, pikunachus Egiptomanta israelitakunata orqhomushajta rikuwarqanku, chaykuna.

Ezequiel 20:9

Chaywanpis mana chayta ruwarqanichu, chaypi kaj suyukuna noqamanta ama millayta parlanankupaj, mayqenkunaj rikunantachus israelitakunaman rejsichikorqani Egiptomanta paykunata orqhoshaspa, chaykuna.

Malaquías 1:2

Tata Dios nin: Noqa qankunata munakuykichej, nispa. Qankunatajrí niwankichej: Imaynapi yachaykuman qan noqaykuta munakuwasqaykutari? nispa. Chantá Tata Dios kutichin: Esauqa Jacobpa wawqen karqa. Chaywanpis noqa Jacobta munakorqani, ajinallatataj qankunatapis munakuykichej.

San Mateo 11:26

Arí, Tatáy, qan ajinata munarqanki, nispa.

San Juan 15:16

Mana qankunachu ajllawarqankichej, aswanpis noqa qankunata ajllarqaykichej. Chantá churarqaykichej, rispa ashkha poqoyniyoj yura jina kanaykichejpaj, chay ruwasqaykichejtaj unaypaj kananpaj. Ajinamanta tukuy imatachus noqaj sutiypi Tata Diosmanta mañakusqaykichejta pay qosonqachej.

Romanos 11:1

Ajina kasqanrayku tapukuni: Diosqa Israel ayllunta qhesachanchu? Manapuni. Noqaqa israelita kani, Abrahampa mirayninmanta, Benjamín jatun ayllumantataj.

Romanos 11:29

Imakunatachus Dios qon, chaytaqa mana qhechukapullantajchu. Wajyan chaypis, mana iskaychakunchu.

1 Corintios 4:7

Imaraykutaj qan yuyakunki aswan sumaj kasqaykita ujkunamanta nisqari? Chayrí imataj tiyapusunki mana Diospa qosusqan? Paychus qosunki chayrí, imaraykutaj runaykachanki qan kikiykipis tariwaj karqa jinari?

Efesios 1:12

Chantá Dios munarqa noqayku judiokunaraj ñawpajta Cristopi sonqoykuta churanaykuta, paypa jatun kayninta jatunchanaykupaj.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Deuteronomio 14:2

Qankunaqa Tata Diosniykichejpata kanaykichejpaj t'aqasqa kankichej. Paymin tukuy suyumanta ajllakusorqachej, paypata uj k'ata ayllun kanaykichejpaj.

Deuteronomio 31:17

Ajina kasqanrayku phiñakuyneyqa paykunaj contrankuta k'ajarenqa. Paykunata saqerparisaj, manañataj qhawarisajchu. Chay chhika nanaykuna, llakiykuna ima patankuman jamojtintaj, nenqanku: Manachu kay llakiykuna manaña Diosninchej noqanchejwan kasqanrayku qhatirishawanchej? nispa.

Deuteronomio 31:6

Jinaqa kallpachakuspa wapu kaychej. Chay runakunata ama manchachikuychejchu, nitaj kharkatitiychejchu, imaraykuchus Tata Diosniykichejqa qankunawan kashan. Payqa mana saqerpayasonqachejchu, nitaj wijch'urpayasonqachejchu, nispa.

Deuteronomio 31:8

Tata Dios pay kikinpuni ñawpaqeykita renqa, qanwantaj kanqa. Payqa mana saqerpayasonqachu, nitaj qonqarparisonqachu. Ama manchachikuychu, nitaj kharkatitiychu, nispa.

Deuteronomio 7:6

Qankunaqa Tata Diosniykichejpaj t'aqasqa ayllu kankichej. Paymin kay pachapi tukuy suyumanta ajllakusorqachej, paypata may munasqa ayllun kanaykichejpaj.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

Filipenses 1:6

Jinataj kayta allinta yachani: Diosqa qankunapi ima allin ruwaytachus qallarerqa, chayta sumaj tukusqa kanankama junt'anqa, Jesucristo kutimunan p'unchaykama.

Hebreos 13:5

Ama ashkha qolqeyoj kanamanta phutikuspa kawsaychejchu. Manachayqa imachus kunan tiyapusunkichej, chaywan sonqo junt'asqa kakuychej, imaraykuchus Dios nin: Mana qonqarparisqaykichu, nitaj saqerparisqaykichu, nispa.

Josué 7:9

Cananeokuna, chantá kaynejpi tukuy tiyakoj runakuna atipachikusqaykuta yachanqanku, tantaykuykuspataj, tukuyniykuta tukuchiwasqayku. Sichus ajina kanman chayqa, imataj kanqa chay jina may uyarisqa sutiykiwanri? nispa.

1 Pedro 2:9

Qankunarí Diospa ajllakusqan ayllu kankichej, Kuraj Kamachejpa sacerdotenkuna, juchamanta t'aqasqa runakuna, Diospatapuni kanaykichejpaj t'aqasqa ima. Chayrayku qankuna Diospa t'ukuna may sumaj ruwasqanmanta willayta atinkichej, pichus laqhamanta sumaj k'anchayninman wajyasorqachej, chaypa ruwasqanmanta.