1 Samuel 12:14 - DIOSPA QHELQACHISQ

¹⁴ Sichus Tata Diosta manchachikuspa, payllata yupaychankichej, sitajchus nisusqaykichejta uyarispa, kamachisqanta kasunkichej, chantá qankuna, jinataj kuraj kamachejniykichej ima Diosniykichej Tata Diospa munayninman jina kawsankichej chayqa, tukuy imapis allillanmin kanqa.

Qheshwa Biblia DC

¹⁴ Sichus Señorta jatunchankichej, yupaychankichejtaj chayqa, pay nisusqaykichejtataj uyarinkichej, kamachisqasnintataj mana k'ullukuspa kasunkichej, chanta kausaychejtj qankuna, chanta kamachishasunkichej chay rey ima, Señor Diosniykichejpa munayninman; jinaqa allin kanqa.

DIOSPA QHELQACHISQAN DEUTEROCANONICAL

¹⁴ Sichus Tata Diosta manchachikuspa, payllata yupaychankichej, sitajchus nisusqaykichejta uyarispa, kamachisqanta kasunkichej, chantá qankuna, jinataj kuraj kamachejniykichej ima Diosniykichej Tata Diospa munayninman jina kawsankichej chayqa, tukuy imapis allillanmin kanqa.

1 Samuel 12:14 ပူးပေါင်းရင်းမြစ်များ

2 Crónicas 15:2

Paytaj Asata taripaj rispa, nerqa: Kuraj kamachej Asa jinataj tukuy Judamanta, Benjaminmanta kajkunapis, uyariwaychej: Sichus qankuna Tata Diospi atinikunkichej chayqa, payqa qankunawanpuni kanqa. Payta mask'ankichej chaypis tarinkichejpuni. Saqenkichejtajchus chayrí, paypis saqerparillasonqachejtaj.

Salmos 105:28

Tata Dios tukuy Egipto suyuta laqhayaykucherqa. Chaywanpis Egipto llajtayojkuna paypa nisqanta mana kasorqankuchu.

Isaías 3:10

Cheqanta kawsaj runakunata niychej, paykunata tukuy imapi allin rinanta, imaraykuchus ruwasqankuman jina Tata Dios paykunaman kutichiponqa.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Romanos 2:7

Allinta ruwaspa mana sayk'ojkunaman Dios wiñay kawsayta qonqa, pikunachus Diospa ñawpaqenpi jatunpaj qhawasqa kayta mask'anku, mana jayk'aj wañuyta ima, chaykunaman.

Deuteronomio 13:5

5 (6) Chay sut'inchajta, chayrí mosqoykunamanta willajtaqa wañuchinkichej, Tata Diosniykichejpa contranta ruwanaykichejta yuyaychasqanrayku. Qankuna Egiptopi wata runa kashajtiykichej, Tata Diosniykichejqa preciota pagaspa kacharichisorqachej. Chay runatajrí, Tata Diospa kamachisqanta mana kasunaykichejta yuyaychaspa, Diosmanta karunchakunaykichejta munarqa. Ajinata ruwaspa, qankuna ukhumanta chay mana allin kajta chinkachinkichej.

Josué 24:14

Chantá Josué nillarqataj: Chayrayku Tata Diosta may jatun respetowan jatunpaj qhawaychej, paytataj tukuy sonqo yupaychaychej. Ñawpa tataykichejkuna imatachus Éufrates mayu chimpapi, chantá Egiptopi ima yupaycharqanku, chay dioskunata wijch'uspa, qankunaqa Tata Diosllatapuni kasuychej.

Josué 24:20

Sichus qankuna waj dioskunata yupaychaspa Tata Diosmanta qonqapunkichej chayqa, payqa qankunata llakiykunawan ñak'arichisonqachej. Diosqa qankunapaj allin imakunata ruwapusorqachej chaypis, tukuchisonqachej, nispa.