1 Samuel 11:4 - DIOSPA QHELQACHISQ

⁴ Jabés llajtamanta kachasqakuna Saulpa llajtan Gabaaman chayaspa, imachus kashasqanta tukuyman willarqanku. Chayrayku llajtayojkunaqa llakikuymanta sinch'ita qhaparispa, waqarqanku.

Qheshwa Biblia DC

⁴ Chay willaraj runasqa kachasqa chaypi Saulpa llajtan Gabaaman chayarqanku. Chay willajkunatataj nerqanku, tukuy llajta, tukuy runastaj may sinch'ita waqaj churakorqanku.

DIOSPA QHELQACHISQAN DEUTEROCANONICAL

⁴ Jabés llajtamanta kachasqakuna Saulpa llajtan Gabaaman chayaspa, imachus kashasqanta tukuyman willarqanku. Chayrayku llajtayojkunaqa llakikuymanta sinch'ita qhaparispa, waqarqanku.

1 Samuel 11:4 ပူးပေါင်းရင်းမြစ်များ

Génesis 27:38

Esaurí tatanta nillarqapuni: Tatáy, ujllachu saminchayniyki karqa? Noqatapis saminchallawaytaj ari, nispa. Esautaj jatunmanta qhaparispa, mayta waqarikorqa.

2 Samuel 21:6

Chayrayku chay runaj ayllunmanta munayku qanchis qharikunata qonawaykuta, noqaykutaj chaykunata Tata Diospa ñawpaqenpi warkhusqayku Tata Diospa ajllasqan kuraj kamachej Saulpa llajtan Gabaapi, nispa. Kuraj kamachejtaj nerqa: Qosqaykichej, nispa.

1 Crónicas 12:3

Kamachejninku Ajiezer, Joás ima. Paykunaqa Gabaa llajtamanta Semagáj churinkuna karqanku. Kallarqankutaj Azmavetpata churinkuna Jezielwan, Peletwan, chantá Anatot llajtamanta Beracawan, Jehuwan ima.

Romanos 12:15

Kusikojkunawan kusikuychej, waqajkunawantaj waqaychej.

1 Corintios 12:26

Sichus ukhunchejmanta ujnin iman ima nanayta ñak'arinman chayqa, paywan khuska tukuyninku ñak'arinku. Sitajchus ujnin iman jatunchasqa kanman chayqa, tukuyninku paywan kusikullankutaj.

Gálatas 6:2

Ima mana allin rikhurejtinpis, purajmanta yanapanakuychej, imaraykuchus ajinata ruwaspa, Cristoj kamachisqanta junt'ashankichej.

Hebreos 13:3

Jinallataj carcelpi kajkunamanta yuyarikuychej, paykunawan khuskapis wisq'asqa kashawajchej jina. Ñak'arichisqa kajkunamantapis yuyarikullaychejtaj, imaraykuchus qankunapis ajinallatataj ñak'arichisqa kayta atiwajchej.

Jueces 2:4

Tata Diospa angelnin parlayta tukojtinkama, tukuynin israelitakuna sinch'imanta waqayta qallarerqanku.

Jueces 20:23

Chantá Tata Diosta tapullarqankutaj: Benjamín jatun ayllu masiykunawan watejmanta maqanakoj kutillasqaykutajchu, manachu? nispa. Tata Diostaj kamacherqa: Rillaychejpuni, nispa.

Jueces 20:26

Chantá tukuy israelitakuna, soldadokunapiwan ima watej Betelman rillarqankutaj, Tata Diospa ñawpaqenpi waqamunankupaj. Chaypitaj tukuy p'unchayta ayunarqanku. Chantá Tata Diosman jaywarqanku uywa ñak'asqa q'olachinakunata, jinallataj allinyakuna jaywanatawan.

Jueces 21:2

Chay qhepatataj Betelpi tantakorqanku, Diospa ñawpaqenpi ch'isiyanankama sonqo nanayta waqarqanku.

1 Samuel 10:26

Saulpis Gabaapi wasinman ripullarqataj, paywantaj wapu runakuna rillarqankutaj, pikunatachus Tata Dios sonqomanta qhatinankuta munachisqa, chaykuna.

1 Samuel 14:2

Tatanrí Gabaa qaylla Migronpi uj orqo k'uchupi, granada sach'a urapi, jarasqa kasharqa, maynejpichus trigota trillaj kanku, chaypi. Payqa 600 soldadokunawan khuska kasharqa.

1 Samuel 15:34

Chaymanta Samuelqa Ramá llajtaman riporqa. Saultaj Gabaa llajtapi wasinman kutiporqa.

1 Samuel 30:4

Chantá Davidwan, runankunapiwan jatunmanta qhaparispa, manaña atinankukama waqarqanku.