1 Samuel 11:2 - DIOSPA QHELQACHISQ

² Chantá Amón suyumanta Najás kuticherqa: Ya, qankunawan uj tratota ruwasaj. Chaywanpis tratota ruwanaypajqa sapa ujmanta paña kaj ñawiykichejtaraj orqhosaj, jinamanta Israel suyuta p'enqaypi rikhurichinaypaj, nispa.

Qheshwa Biblia DC

² Amonmanta Nahastaj kuticherqa: Qankunawan uj tratota ruwasaj, chayta ruwanaypajqa sapa ujniykichejmantaraj paña kaj ñawisniykichejta orqhonay kanman, jinamanta Israel aylluta p'enqaypi rikhurichinaypaj.

DIOSPA QHELQACHISQAN DEUTEROCANONICAL

² Chantá Amón suyumanta Najás kuticherqa: Ya, qankunawan uj tratota ruwasaj. Chaywanpis tratota ruwanaypajqa sapa ujmanta paña kaj ñawiykichejtaraj orqhosaj, jinamanta Israel suyuta p'enqaypi rikhurichinaypaj, nispa.

1 Samuel 11:2 ပူးပေါင်းရင်းမြစ်များ

Génesis 34:14

Paykuna nerqanku: Noqaykoqa panaykuta mana circuncidasqa runawan mana casarachiykumanchu. Chayqa noqaykupaj ancha p'enqay kanman.

2 Reyes 18:31

Qankunarí ama payta uyariychejchu. Manachayqa Asiria suyuta kuraj kamachej ajinata nisunkichej: Noqawan allinyakuychej, noqamantaj k'umuykamuychej. Ajinata ruwankichej chayqa, sapa ujniykichej uva sach'aykichejmanta, higo sach'aykichejmantapis mikhunkichej. Sapa ujtaj kikin pujyuykichejmanta yakuta ujyankichej.

Salmos 44:13

13 (14) Qanqa muyuyniykupi kajkunaj ñawpaqenkupi p'enqaypi rikhurichiwayku, chay suyukunapi tiyakojkunataj asipayawayku, pisipajtaj qhawawayku.

Éxodo 3:6

Chantá nillarqataj: Noqa ñawpa tataykikunaj Diosnin kani, Abrahampata, Isaacpata, Jacobpatawan ima, nispa. Moisestaj chayta uyarispa, uyanta qhataykukorqa, imaraykuchus Diosta qhawayta manchachikorqa.

Proverbios 12:10

Cheqan runaqa uywankunata allinta qhawan, millayta ruwaj runarí uywankunata mana khuyanchu.

Jeremías 39:7

Chantá Babiloniaman apanankupaj, Sedequiaspa ñawinta orqhocherqa, cadenawantaj wataykucherqa.

Números 16:14

Qanqa, maypichus lechewan, abeja misk'iwan purishan, kunankama chay jallp'aman manaraj chayachiwaykuchu. Nillataj jallp'ata, nitaj uva huertakunatapis qowaykuchu. Qanqa mana yuyayniyojkunata jina q'otiyayta munashawayku. Mana, mana jamusqaykuchu, nispa.

Jueces 16:21

Chaypacha filisteokunaqa Sansonta jap'ispa, ñawinkunata orqhorparerqanku, Gaza llajtamantaj aparqanku. Chaypi broncemanta cadenawan wataykuspa, carcelpi jak'uchina molinota muyuchicherqanku.

1 Samuel 11:10

Paykunataj Najasman nerqanku: Q'aya qanman k'umuykoj jamusqayku, noqaykuwan munasqaykita ruwanaykipaj, nispa.

1 Samuel 12:12

Chaywanpis amonitakunaj kuraj kamachejninku Najás qankunawan maqanakoj jamushasqanta rikuspa, qankunaqa uj runata kuraj kamachejniykichejpaj churapunayta mañakuwarqankichej, Diosniykichej Tata Dios kuraj kamachejninchej kashajtinpis.

1 Samuel 17:26

Chaypacha David qayllanpi kajkunata tapurerqa: Jaqay filisteo runata wañuchejman imatataj qonqankuri? Imatataj qonqanku Israelta k'umuykachachejta chinkachejmanri? Pitaj kasqa chay mana diosniyoj runa, kawsaj Diospa soldadonkunaj contrankupi sayaykunanpajri? nispa.