1 Samuel 10:5 - DIOSPA QHELQACHISQ

⁵ Chaymantaqa Gabaapi Diospa orqon nisqaman chayanki, maypichus filisteokunajta soldadonkuna kashanku, chayman. Llajtaman yaykushaspataj, Diosmanta sut'inchajkunamanta uj t'aqawan tinkukunki. Paykunataj Diosmanta sut'inchaspa, orqopi Diosta yupaychana cheqamanta urayk'amushanqanku. Paykunaj ñawpaqenkutataj runakuna rishanqanku tamborankuta tocaspa, chantá panderetakunata, qenakunata, arpakunata ima tocaspa.

Qheshwa Biblia DC

⁵ Chay qhepantataj chayanki Diospa loman Gabaapi nisqaman, maypichus filisteokunaj soldadosnin kashanku chayman. Chay llajtaman yaykushaspataj tinkukunki uj t'aqa profetaswan, paykunaqa musphaypi jina parlaspa loma patapi Diosta yupaychana wasimanta uraykamushanqanku. Paykunaj ñaupaqenkutataj runas rishanqanku tamboresninkuta tocaspa, chanta cajasta, quenasta, arpasta ima tocaspa.

DIOSPA QHELQACHISQAN DEUTEROCANONICAL

⁵ Chaymantaqa Gabaapi Diospa orqon nisqaman chayanki, maypichus filisteokunajta soldadonkuna kashanku, chayman. Llajtaman yaykushaspataj, Diosmanta sut'inchajkunamanta uj t'aqawan tinkukunki. Paykunataj Diosmanta sut'inchaspa, orqopi Diosta yupaychana cheqamanta urayk'amushanqanku. Paykunaj ñawpaqenkutataj runakuna rishanqanku tamborankuta tocaspa, chantá panderetakunata, qenakunata, arpakunata ima tocaspa.

1 Samuel 10:5 ပူးပေါင်းရင်းမြစ်များ

1 Reyes 18:29

Chawpi p'unchaypis pasarqaña, paykunatajrí yuyay chinkasqa jina phinkiykachaspa aswan jatunmanta qhaparishallarqankupuni q'olachina phani chayamunankama. Chaywanpis mana ima parlayllapis uyarikorqachu, nitaj pipis kutichej nitaj uyarejpis karqachu.

2 Reyes 2:15

Chaypacha Jericomanta sut'inchajkuna Jordán mayoj chimpanmanta chayta qhawamusharqanku. Jinataj ninakorqanku: Eliseoqa Eliaspa cuentanpi qhepakun, nispa. Chantataj paykunaqa Eliseota taripaj rerqanku, qayllaykuspataj, pampakama k'umuykorqanku.

2 Reyes 2:3

Betelman chayashajtinku, Betelpi tiyakoj sut'inchajkunaqa Eliseota taripaj llojsimuspa, payta nerqanku: Yachankichu Tata Diosqa yachachejniykita kunan pusakapunanta? nispa. Eliseotaj kuticherqa: Arí, yachaniña. Ch'inlla kaychej, nispa.

2 Reyes 2:5

Chantá Jericoman chayashajtinku, Jericopi tiyakoj sut'inchajkunaqa Eliseota nillarqankutaj: Yachankichu Tata Dios kunan yachachejniykita pusakapunanta? nispa. Eliseotaj kuticherqa: Arí, yachaniña. Ch'inlla kaychej, nispa.

2 Reyes 2:7

Chantá sut'inchajkunamanta phishqa chunka chayamuspa, paykunamanta karunejpi sayarqanku. Eliaswan, Eliseowantajrí Jordán mayu patapi sayallarqankutaj.

2 Reyes 3:15

Jinapis arpata tocaj runata pusamuwaychej, nispa. Arpata tocaj tocashajtin, Tata Diosqa Eliseoman jamorqa.

2 Reyes 4:38

Chaymanta Eliseoqa Gilgalman kutimorqa. Chaypacha chay cheqanejpi manchay yarqhay kasharqa. Uj kuti Eliseoqa Diosmanta sut'inchajkunawan khuska tiyashaspa, kamachinta nerqa: Mikhunata wayk'unaykipaj jatun mankata churamuy, nispa.

2 Reyes 6:1

Uj kuti Diosmanta sut'inchajkuna Eliseota nerqanku: Maynejpichus qanwan tiyakushayku, chaynejqa ancha k'iski.

1 Crónicas 11:16

David chhanka jusk'upi kashajtin, filisteokunamanta wakin soldadokuna Belenpi kasharqanku.

1 Crónicas 13:8

Davidwan, israelitakunawan ima Diospa ñawpaqenpi tukuy kallpankuwan takispa, tususpa ima anchatataj kusikusharqanku. Jinataj arpakunata, cuerdayoj tocanakunata, panderetakunata, chhullojkunata, trompetatawan ima tocarispa risharqanku.

1 Crónicas 16:42

Paykunataj trompetata, chantá platillota ima jinataj waj imakunatawan tocaj kanku, chaykunata tocaspataj, Diosman takej kanku. Jedutunpa churinkunatajrí, punkuta qhawanankupaj churasqa karqanku.

1 Crónicas 16:5

Chaykunata kamachejqa Asaf karqa, paypa qhepanpitaj Zacarías karqa, chaymanta Yeguiel, Semiramot, Yejiel, Matatías, Eliab, Benaías, Obed Edom, Yeguiel ima karqanku. Paykunaqa sapa uj tocanantinkama karqanku, cuerdayoj tocanayoj, chantá arpayoj ima. Asaftaj platillota tocarqa.

Salmos 49:4

4 (5) Yachaywan nisqakunata allinta uyarisaj, sonqoypi pakasqa kajtataj arpata tocarispa sut'inchasaj.

Salmos 92:3

3 (4) Cuerdayoj tocanaj waqayninpi, arpaj k'achitu waqayninwan ima qanmanta willarasaj.

1 Corintios 14:1

Munakuyniyoj kayta anchatataj munaychej. Jinallatataj Santo Espíritu ruwanapaj atiyta qon, chaykunata jap'iyta munallaychejtaj, astawanpuneqa Diosmanta sut'inchayta.

1 Samuel 10:10

Saulwan, kamachinwan ima Gabaa llajtaman chayajtinku, Diosmanta sut'inchajkuna paykunawan tinkukorqanku. Chaypacha Tata Diospa Espíritun Saulman jamorqa, Saultaj Diosmanta sut'inchajkuna jina paykunawan khuska Diosmanta sut'incharqa.

1 Samuel 10:4

Paykunaqa qanta napaykuytawan, iskay t'antata jaywarisonqanku. Qantaj jap'ikullanki.

1 Samuel 13:2

israelitakunamanta 3.000 soldadonkuna kanankupaj ajllakorqa. Iskay waranqa soldadokuna Micmaspi, chantá Betel orqo cheqapi paywan qhepakorqanku, Benjamín jap'iypi Gabaa llajtapitaj 1.000 soldadokuna churin Jonatanwan qhepakorqanku. Puchoj runakunatataj wasinkuman kutipunankuta kamacherqa.

1 Samuel 13:3

Chantá Jonatanqa Gabaapi qhawasharqanku chay tukuy filisteo soldadokunata wañuracherqa, chaytataj filisteokuna uyarerqanku. Chaypacha Saúl kamacherqa tukuynin Israel suyupi putututa waqachinankuta: Tukuy israelitakuna uyarichunku, nispa.

1 Samuel 19:20

Chaypacha Saulqa Davidta jap'imunankupaj soldadokunata kacharqa. Saulpa kachasqankunatajrí Ramá llajtaman chayaspa, Samuelta, uj mashkha sut'inchajkunawan Diosmanta sut'inchashajta rikorqanku. Chay sut'inchajkunataqa Samuel pusaykachasharqa. Jinallaman Diospa Espiritonqa Saulpa kachasqankunamanpis jamorqa. Chantá paykunapis Diosmanta sut'inchajkuna jina sut'inchashallarqankutaj.

1 Samuel 9:12

Paykunataj kuticherqanku: Arí, payqa aswan jaqaypiraj kashan. Usqhayllata riychej. Kunallan kay llajtaman chayamun, imaraykuchus paykunaqa kunan p'unchay orqo patapi Tata Diosman uywa ñak'aspa q'olachinata jaywanqanku, nispa.