1 Samuel 10:27 - DIOSPA QHELQACHISQ

²⁷ Wakin sajra sonqoyoj runakunarí alqorakuspa jina nerqanku: Kaychu noqanchejta yanapawayta atiwasunman? nispa. Paykunaqa Saulta manakajpaj qhawasqankurayku, mana imallatapis waqerinankupaj aparqankuchu. Chaywanpis Saulqa paykunata mana rikoj tukorqachu.

Qheshwa Biblia DC

²⁷ Wakin sajra runas parlarerqanku: Kaychu noqanchejta salvayta atiwasunman?, nispa. Qhesacharqankutaj mana ni ima t'inkata qospa. Chaywampis Saulqa paykunata mana rikojman tukorqa.

DIOSPA QHELQACHISQAN DEUTEROCANONICAL

²⁷ Wakin sajra sonqoyoj runakunarí alqorakuspa jina nerqanku: Kaychu noqanchejta yanapawayta atiwasunman? nispa. Paykunaqa Saulta manakajpaj qhawasqankurayku, mana imallatapis waqerinankupaj aparqankuchu. Chaywanpis Saulqa paykunata mana rikoj tukorqachu.

1 Samuel 10:27 ပူးပေါင်းရင်းမြစ်များ

2 Samuel 20:1

Chaypacha Gilgal llajtapi kasharqa Benjamín jatun ayllumanta uj millay runa Sebá sutiyoj. Payqa Bicrij churin karqa. Sebaqa putututa waqachispa, nerqa: Yeséj churin Davidwanqa ni ima ruwananchej kanchu. Israelitakuna, wasiykichejman ripuychej, nispa.

2 Samuel 8:2

Ajinallataj moabitakunatapis atipallarqataj. Paykunataqa pampaman winkuchispa, q'aytuwan tupucherqa. Chantá pikunachus q'aytuwan iskay tupusqa ukhupi kajkunataqa wañucherqanku, uj tupusqa ukhupi kajkunatataj mana wañucherqankuchu. Ajinamanta chay kawsaj moabitakunaqa Davidpa makinpi karqanku, paymantaj impuestota pagarqanku.

1 Reyes 10:25

Tukuytaj kay imakunata payman apamoj kanku: Qolqe metalta, qorita, p'achata, armata, sumaj q'apashaj jawinata, caballota, mulata ima.

1 Reyes 4:21

21 (5.1)Salomontaj tukuynin waj suyukunatapis kamachillarqataj Éufrates mayumantapacha filisteokunaj suyunkukama. Mojonninkunapis Egipto chaykama karqa. Payman impuestota pagarqanku, kuraj kamachej Salomón kawsanankama kamachinpi karqanku.

1 Reyes 5:1

1 (15) Tiromanta kuraj kamachej Jiranqa Davidpa churin Salomón kuraj kamachej jina churasqa kasqanta yachaspa, kamachinkunata kacharqa Salomonpa tatan Davidwan k'achatapuni kawsakusqanrayku.

2 Crónicas 13:7

Paywantaj mana allin kaj, qhella runakuna tantakuspa, Salomonpa churin Roboanpa contranpi oqharikorqanku. Roboantaj waynallaraj, chantapis as manchili runa kasqanrayku, Jeroboanman mana sayaykuyta munarqankuchu.

2 Crónicas 17:5

Chayrayku Josafatqa Tata Diospa yanapayninwan sumajta kamacherqa. Judamanta kajkunaqa tukuyninku payman t'inkata aparqanku. Chayrayku may qhapaj rikhurerqa, manchay uyarisqataj karqa.

Salmos 38:13

13 (14) Noqarí lojt'upis kayman jina, mana uyarej tukuni. Mana parlayta atejpis kayman jina, simiyta mana kicharinichu.

Salmos 72:10

Tarsismanta kuraj kamachejkuna, mama qocha kantupi kuraj kamachejkuna ima impuestota pagachunku. Sabamanta, Sebamanta kuraj kamachejkunapis sumaj imakunata apamuspa, kuraj kamachejman waqerichunku.

Eclesiastés 7:21

Runakuna imatapis parlajtinku, ama tukuy nisqankuta kasuta ruwaychu. Ajinamanta contraykita kamachiykej parlasqantapis mana uyarinkichu.

Isaías 36:21

Chaypi kaj tukuy runarí soldadokunata kamachejpa nisqanta uyarillarqanku, manataj imatapis kuticherqankuchu, imaraykuchus Ezequías kamachisqa ch'inlla kanankuta: Amapuni imatapis kutichinkichejchu, nispa.

San Mateo 2:11

Wasiman yaykuspataj, wawata, María mamantawan rikorqanku, qonqoriykukuspataj, wawata yupaycharqanku. Chantá, q'epinkumanta imatachus apamusqankuta orqhospa qorita, inciensota, mirratawan ima jaywarqanku.

Hechos 7:35

Kaymin chay Moisesqa, pitachus israelitakuna qhesachaspa, nisqanku: Pitaj qanta churasorqa kamachejniyku, juezniykutaj kanaykipajri? nispa. Jinapis paytamin Dios kacharqa paykunaj kamachejninku, kacharichejninkutaj kananpaj, lawrashaj t'ankar sach'api rikhurej angelnejta.

Deuteronomio 13:13

13 (14) Diosta mana kasoj runakuna rikhurimuspa, chay llajtapi tiyakojkunata kay jinata nispa pantachishanku: Jaku, waj dioskunata yupaychamuna, qankuna mana rejserqankichejchu, chaykunata, nispa.

1 Samuel 11:12

Chantá israelitakunamanta wakinkuna Samuelta nerqanku: Pikunachus Saúl kuraj kamachejninchej kananta mana munaspa alqochakojkunata, kayman apamuwayku wañuchinaykupaj, nispa.

1 Samuel 11:13

Saultajrí nerqa: Kunan mana pipis wañuchisqa kanqachu, Israel suyuta Tata Dios kacharichisqanrayku, nispa.

1 Samuel 16:20

Yesetaj churin Davidta Saulman kacharqa. Chantá t'antata, uj bota vinota, uj chivota ima burroman chajnaykuspa, apachillarqataj.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.

1 Samuel 25:17

Qosaykirí ancha millay runa, mana ima nirina. Chayta qan umacharikuy, qhawaytaj imatachus ruwanaykita, manachayqa cheqamanta mana allin kaj payta, jinataj aylluntapis qhatirenqa, nispa.