1 Samuel 10:24 - DIOSPA QHELQACHISQ

²⁴ Jinapi Samuelqa tukuyta nerqa: Tata Diospa ajllakusqanta rikuychej. Mana mayqenpis paymanqa jap'ikunchu, nispa. Chantá tukuy israelitakuna qhaparerqanku: Jallalla, jallalla kuraj kamachejqa, nispa.

Qheshwa Biblia DC

²⁴ Samueltaj tukuyta tapurerqa: Rikunkichejñachu Señor ajllapusorqachej chay reyta? Mana mayqen israelitaspis paymanqa jap'ikunchu! Kausachun reyqa nispa israelitasqa qhaparerqanku.

DIOSPA QHELQACHISQAN DEUTEROCANONICAL

²⁴ Jinapi Samuelqa tukuyta nerqa: Tata Diospa ajllakusqanta rikuychej. Mana mayqenpis paymanqa jap'ikunchu, nispa. Chantá tukuy israelitakuna qhaparerqanku: Jallalla, jallalla kuraj kamachejqa, nispa.

1 Samuel 10:24 ပူးပေါင်းရင်းမြစ်များ

2 Samuel 16:16

Chantá Davidpa kawsaqen Jusay arquitaqa Absalonwan tinkumoj rispa, qhaparerqa: Jallalla kachun, jallalla kachun kuraj kamachejqa, nispa.

2 Samuel 21:6

Chayrayku chay runaj ayllunmanta munayku qanchis qharikunata qonawaykuta, noqaykutaj chaykunata Tata Diospa ñawpaqenpi warkhusqayku Tata Diospa ajllasqan kuraj kamachej Saulpa llajtan Gabaapi, nispa. Kuraj kamachejtaj nerqa: Qosqaykichej, nispa.

1 Reyes 1:21

Mana jina kanman chayqa, qan kuraj kamachejniy wañupojtiykeqa, noqawan, Salomón churiywan ima wañuchisqa kasqayku, nispa.

1 Reyes 1:25

Kunantaj Adoniasqa bueykunata, wirayachisqa torillokunata, ashkha ovejatawan ñak'achin, mikhunankupajtaj wajyachin qanpa churiykikunata, soldadokunaj kurajninkukunata, sacerdote Abiatartawan. Paykunaqa mikhushanku, ujyashankutaj Adoniaspa ñawpaqenpi, qhaparirishankutaj: Kuraj kamachej Adonías jallalla jallalla, nispa.

1 Reyes 1:34

Jaqaypeqa sacerdote Sadoc, Diosmanta sut'inchaj Natanwan Salomonpa umanman aceitewan jawenqanku Israelpa kuraj kamachejnin kananpaj. Putututa waqachispataj, qhapariychej: Kuraj kamachej Salomón jallalla, jallalla, nispa.

1 Reyes 1:39

Sacerdote Sadoctaj Dioswan Tinkukuna Toldomanta uj wajrapi aceiteta apamuspa, Salomonpa umanman jawiykorqa. Sadoc putututa waqachejtintaj, chaypi tantasqa israelitakuna qhaparerqanku: Kuraj kamachej Salomón jallalla, jallalla, nispa.

2 Reyes 11:12

Chantá sacerdote Joyadá kuraj kamachejpa churin Joasta orqhomuytawan, umanman pilluta churarqa, jinataj kuraj kamachej imachus ruwananmanta qhelqasqatawan jaywarqa. Chantá aceitewan umanman jich'aykuspa, kuraj kamachej kananpaj churarqa. Chaymantataj tukuyninku t'ajllarikuspa, qhaparerqanku: Jallalla, jallalla kuraj kamachej, nispa.

2 Crónicas 23:11

Tukuy ima wakichisqaña kajtin, Joyadawan churinkunawan ima kuraj kamachejpa churin Joasta orqhomuspa, pilluta umanman churaykorqanku. Chantá Diospa tratonmanta qhelqasqata payman jaywarqanku, umanman aceiteta jich'aykuytawan, kuraj kamachejpaj churarqanku. Qhaparerqankutaj: Kawsachun kuraj kamachej Joás, nispa.

San Mateo 21:9

Chantá Jesuspa ñawpaqenta rejkuna, qhepanta jamojkuna ima qhaparisharqanku: Davidpa Churin jatunchasqa kachun. Tukuyta Kamachej Diospa sutinpi jamojta jatunchaychej. Qhespichej Dios janaj pachapipis jatunchasqa kachun, nispa.

Deuteronomio 17:15

Jina kanman chayqa, Tata Diosniykichej qankuna ukhumanta ajllasqanta kuraj kamachej kananpaj churankichej. Ama waj llajtayojtaqa churankichejchu, israelita llajta masiykichejtapuni kuraj kamachej kananpaj churankichej.

1 Samuel 11:15

Chayrayku tukuynin israelitakuna Gilgal llajtaman kachaykukorqanku, chaypitaj Tata Diospa ñawpaqenpi Saulta kuraj kamachejninkuta jina tiyaykucherqanku. Chantá Tata Diosman allinyakuy jaywanata jaywarqanku. Saulwan, israelitakunawantaj mayta kusikorqanku.

1 Samuel 12:1

Chaymanta Samuelqa tukuy israelitakunata nerqa: Noqaqa qankuna mañawasqaykichejta uyarerqaykichej, kunantaj kuraj kamachejta churapuykichej.

1 Samuel 12:13

Kayqa, ajllakusqaykichej kuraj kamachejqa kaypi kashan. Mañakusqaykichejman jina Tata Diosmin payta qosunkichej.

1 Samuel 9:2

Paypata uj churin tiyaporqa, manchay alajitu waynuchu, sutintaj Saúl karqa. Israelitakuna ukhupi manapuni pipis Saúl jina alajitu karqachu. Payqa jatunkaray runa karqa, tukuypis lijrankamalla chayarqanku.