1 Samuel 1:23 - DIOSPA QHELQACHISQ

²³ Qosan Elcanataj kuticherqa: Imachus allin rijch'asojta ruwallay. Qhepakullay wawata januk'anaykikama. Tata Diostaj imatachus nisusqanta junt'achun, nispa. Ajinata Anaqa qhepakorqa, wawantataj januk'anankama uywarqa.

Qheshwa Biblia DC

²³ Qosan Elcanataj kuticherqa: Ruwallay imachus allin rijch'asunki chayta. Qhepakullay wawata januk'anaykikama. Señortaj junt'achun qosaj nisusqanta. Ajinamanta Anaqa qhepakorqa wawata uyawanampaj januk'anankama.

DIOSPA QHELQACHISQAN DEUTEROCANONICAL

²³ Qosan Elcanataj kuticherqa: Imachus allin rijch'asojta ruwallay. Qhepakullay wawata januk'anaykikama. Tata Diostaj imatachus nisusqanta junt'achun, nispa. Ajinata Anaqa qhepakorqa, wawantataj januk'anankama uywarqa.

1 Samuel 1:23 ပူးပေါင်းရင်းမြစ်များ

2 Samuel 7:25

Ajinaqa, Tata Diosníy, noqa kamachiykiman, mirayniymanpis nisqaykitaqa wiñaypaj junt'ay, nisqaykiman jinataj ruway.

1 Reyes 3:21

Jinapi noqa tutamanta rijch'ariytawan, wawayta ñuñuchej churakuspa, wañusqallataña tarerqani. Allin sut'iyamojtintaj qhawaykorqani, manataj paqarichikorqani, chay wawachu kasqa, nispa.

Salmos 22:9

9 (10) Jinataj ari, qanqa mamaypa wijsanmanta paqarichiwarqanki. Mamaymanta ñuñushajtillayraj, qanpi atinikuyta yachachiwarqanki.

Isaías 44:26

Chaywanpis kamachiykunaj nisqanku junt'akunanta ruwani, jinallataj kachasqay runakunaj yuyasqankupis. Paykunanejta Jerusalenman nini: Kay cheqapi runakuna watej tiyakonqanku, nispa. Nillanitaj: Judá suyupi llajtakunapis watej ruwasqa kanqanku, nispa. Kamachillanitaj laqayakunapis watej sayarichisqa kanankuta.

Números 30:12

12 (13) Chaywanpis sichus qosan chayta yachaytawan, imatachus nisqanta junt'ananta mana munanmanchu chayqa, chay warmi manaña junt'anqachu, qosan mana munasqanrayku. Tata Diostaj junt'anantapuni manaña mañanqachu.

San Mateo 24:19

Ay, chay p'unchaypi wijsayoj warmikunamanta, ñuñoj wawayoj warmikunamantapis.

San Lucas 11:27

Chayta Jesús ninankama, runa ukhumanta uj warmi jatunmanta parlaspa, nerqa: Kusikuyniyojmin pi warmichus wijsanpi apasorqa, pejpa ñuñunmantachus ñuñorqanki, chay, nispa.

1 Samuel 1:17

Elitaj kuticherqa: Sonqochakuspa ripullay, israelitakunaj Diosnintaj imatachus mañakusqaykita qosuchun, nispa.

1 Samuel 14:36

Chaymantataj Saulqa nerqa: Kunan ch'isi urayk'uspa, filisteokunata tukuyninkuta wañurachispa tukuy imankuta qhechuykamunachej, nispa. Chantá tukuy kuticherqanku: Ruwallay imatachus munasqaykita, nispa. Sacerdotetajrí nerqa: Manaraj imata ruwashaspa, Tata Diostaraj tapurinachej, nispa.

1 Samuel 14:40

Chayrayku Saulqa tukuy israelitakunata nerqa: Kay ladoman qankuna sayaychej, kay ladomantaj waway Jonatanwan, noqawan ima sayasqayku, nispa. Chantá soldadokuna kuticherqanku: Ruwallay imatachus munasqaykita, nispa.