1 Samuel 1:21 - DIOSPA QHELQACHISQ

²¹ Chaymanta Elcanaqa tukuy wasi ayllunwan Siloman rerqa, chaypi Diosman qosaj nisqanta junt'ananpaj, jinataj Tata Diosman sapa wata jaywanata jaywamunanpaj.

Qheshwa Biblia DC

²¹ Chaymantataj Elcanaqa tukuy ayllusninwan Siloman rerqa, chaypi Señorman jaywamunampaj sapa wata rikuchikuta qojpuni chayta. Chanta Señorman qosqayki nisqantawan junt'apoj.

DIOSPA QHELQACHISQAN DEUTEROCANONICAL

²¹ Chaymanta Elcanaqa tukuy wasi ayllunwan Siloman rerqa, chaypi Diosman qosaj nisqanta junt'ananpaj, jinataj Tata Diosman sapa wata jaywanata jaywamunanpaj.

1 Samuel 1:21 ပူးပေါင်းရင်းမြစ်များ

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Salmos 101:2

Jinallataj cheqanta ruwaspa kawsayta munani. Mayk'ajtaj noqata yanapawaj jamunkiri? Wasiypipis mana k'aminapaj jina purillasajtaj.

Deuteronomio 12:11

May cheqatachus Tata Dios sutin yupaychasqa kananpaj ajllakonqa chayman, kamachisusqayman jina tukuy imata Tata Diosman jaywanaykichejpaj apankichej: Q'olachisqa jaywanapaj uywakunata, sapa chunkamanta ujta jaywanata, ikhaspa jaywanata, Tata Diosman nisqaykichejta junt'anaykichejpaj sumajnin kaj jaywanata ima.

Deuteronomio 12:6

Qankuna chay cheqallapi uywa ñak'asqata jaywaspa Diosman q'olachinkichej, chantá jaywanatapis payman jaywallankichejtaj. Apallankichejtaj chunkamanta ujta payman qonaykichejpaj, ofrendakunata, nisqaykichejta junt'aspa jaywanata, sonqomanta qoyta munaspa ofrendata, chantá wakaykichejmanta, ovejaykichejmanta phiwi uñankuta ima.

Josué 24:15

Sichus Tata Diosta mana kasuyta munankichejchu chayqa, kunanpacha pitachus kasunaykichejta ajllakuychej: Mayqen dioskunatachus ñawpa tataykichejkuna mayu chimpapi yupaycharqanku, chaykunata, chayrí, maypichus kunan tiyakushankichej, chay amorreokunaj diosninkukunatachus. Noqarí tukuy aylluywan Tata Diostapuni yupaychanaykuta niyku, nispa.

1 Samuel 1:3

Sapa wata Elcanaqa llajtanmanta Siloman rejpuni, chaypi Tukuy Atiyniyoj Tata Diosta yupaychananpaj, uywata ñak'aspa q'olachinatawan jaywananpaj. Silo llajtapi Elí sacerdotejta iskay churinkuna karqanku, ujninpata sutin Jofní karqa, ujninpatataj Finés. Paykunapis Tata Diospa sacerdotenkunallataj karqanku.

1 Samuel 2:19

Sapa watalla mamanqa tatanwan khuska Diosman uywa ñak'asqata jaywanankupaj riyta yachaj kanku, rej jinataj paypaj ruwapusqan p'achata apapoj.