1 Samuel 1:15 - DIOSPA QHELQACHISQ

¹⁵ Anatajrí kuticherqa: Mana jinachu, wiraqochíy. Mana vinota, nitaj machachikoj ujyanatapis ujyarqanichu. Manachayqa manchay llakisqa kashani, llakisqa kasqaytataj Tata Diosman willakushani.

Qheshwa Biblia DC

¹⁵ Mana jinachu, wiraqochíy, nispa Anaqa kuticherqa: Mana ujyarqanichu ima vinotapis, nitaj poqosqa ujyanastapis, manachayqa sinch'i llakisqa kashani; chay llakiyniytataj Señorpa ñaupaqempi waqashani sonqoy tiyaykunampaj.

DIOSPA QHELQACHISQAN DEUTEROCANONICAL

¹⁵ Anatajrí kuticherqa: Mana jinachu, wiraqochíy. Mana vinota, nitaj machachikoj ujyanatapis ujyarqanichu. Manachayqa manchay llakisqa kashani, llakisqa kasqaytataj Tata Diosman willakushani.

1 Samuel 1:15 ပူးပေါင်းရင်းမြစ်များ

Job 30:16

Manaña kawsayta munaniñachu. Ñak'ariywan ñit'isqa kani.

Salmos 143:6

Qanmanta mañakuspa, makiyta oqharini. Ch'aki jallp'apis kayman jina qanmanta ch'akichikuni.

Salmos 42:4

4 (5) Kaymanta yuyarikuspa, llakikuywan waqarikuni. Yuyarikuni imaynatachus ashkha runawan rispa, paykunata Diospa Templonkama pusasqayta kusiymanta qhaparispa, yupaychaspa ima. Chaypachamá jatun raymipi kusikuy karqa.

Salmos 62:8

8 (9) Llajta masiykuna, Diosllapipuni atinikuychej. Sonqoykichejpi kaj chhikata payman willakuychej, imaraykuchus Diosllamin jark'akuwajninchejqa.

Salmos 62:9

9 (10) Runarí qhasi manakajlla, wajcha runapis, qhapaj runapis kachun. Pesapichus iskayninkuta pesasunman chayqa, wayramantapis aswan chhallalla kankuman.

Proverbios 14:10

Runaj sonqollan imachus llakichisqanta yachakun. Manataj pipis paywan khuska kusiysikunchu.

Proverbios 15:1

Misk'i simiwan kuticheyqa phiñasqa sonqota tiyaykuchin, k'araj simiwan kutichiyrí astawan phiñarichin.

Proverbios 25:15

Kuraj kamachejpa phiñakuynintaqa alliyllamanta tiyaykuchina, llamp'u simiwan parlaytaj rumi sonqota llamp'uyachin.

Lamentaciones 2:19

Tuta jatarispa, qhaparikuy ari. Paran paranta Tata Diospa ñawpaqenpi waqarikuy. Makiykita Tata Diosman oqharispa, mañakuy, sapa llajtaman yaykunapi mikhunamanta jina wawaykikuna ama wañunankupaj.

1 Samuel 1:16

Ama yuyaychu noqa kamachiyki mana allin warmi kasqayta. Noqaqa sinch'i llakisqa, phutisqa kasqayrayku kunankama Dioswan parlarikusharqani, nispa.

1 Samuel 7:6

Israelitakunataj Mispá llajtapi tantakorqanku, chaypitaj yakuta pujyumanta orqhospa, Tata Diosman jaywaspa jich'arqanku. Chay p'unchay ayunarqanku, tukuypa uyarinantataj nerqanku: Tata Diospa contranta juchallikuyku, nispa. Israelitakunaqa Mispá llajtapi Samuelta juezninkupaj rejsikaporqanku.