1 Reyes 5:9 - DIOSPA QHELQACHISQ

⁹ 9 (23) Noqaj kamachiykunaqa Libanomantapacha mama qocha kantukama chay k'utusqa kurkuta apamonqanku, chaymantataj qochanejta balsapi jina apachimusqayki, maymanchá qan nimuwanki, chaykama. Chaypitaj phaskaraspa, qanqa apakapunki. Chantá nisqayman jina mikhunata aylluypaj apachimuwanki, nispa.

Qheshwa Biblia DC

⁹ Noqaj kamachisneyqa, Libanomantapacha mar qocha cantokama uraykuchimonqanku, chaymantataj apachimusqayki balsaspi mar qochanejta maymanchá qan nimuwanki chaykama. Chaypitaj phaskaraspa qanqa jap'ikapunki, qantaj junt'anki nisusqayta aylluypaj mikhunata apachimuspa.

DIOSPA QHELQACHISQAN DEUTEROCANONICAL

⁹ 9 (23) Noqaj kamachiykunaqa Libanomantapacha mama qocha kantukama chay k'utusqa kurkuta apamonqanku, chaymantataj qochanejta balsapi jina apachimusqayki, maymanchá qan nimuwanki, chaykama. Chaypitaj phaskaraspa, qanqa apakapunki. Chantá nisqayman jina mikhunata aylluypaj apachimuwanki, nispa.

1 Reyes 5:9 ပူးပေါင်းရင်းမြစ်များ

1 Reyes 3:12

Chayrayku imatachus mañakuwasqaykita ruwasajpuni. Qosqayki sumaj yachayta, jatun sonqotawan, yuyayniyoj kaytapis. Ajinaqa mana ujpis karqachu qan jinaqa, nitaj qanmanta qhepamanpis kanqachu.

1 Reyes 4:20

Judapi, Israelpiwan ima ashkha runapuni karqanku, mama qochaj kantunpi t'iyu jina, may chhika. Paykunapajqa mana piserqachu mikhuna nitaj ujyana, kusikuspataj chhika patapi kawsakusharqanku.

1 Reyes 5:10

10 (24) Ajinamanta Jiranqa pino maderatawan, cedro maderatawan Salomonman qorqa Salomón munasqanman jina.

1 Reyes 5:8

8 (22) Chantá Jiranqa Salomonman nicherqa: Uyariniña imatachus willachimuwasqaykita. Chay tukuy nisqaykiman jina ruwaspa, cedro sach'akunata, pino sach'akunatawan k'uturachisaj, chaymantataj qanman apachimusqayki.

1 Reyes 9:27

Tiromanta kuraj kamachej Jirantaj chay jatuchaj barcokunapi wakin kamachinkunata kacharqa, qochata sumajta rejsejkunata, Salomonpa kamachinkunatawan khuska.

2 Crónicas 1:15

Kuraj kamachejtaj Jerusalenpi qolqe metalta, qoritawan rumita jinapuni tantarqa. Pino kurkukunapis may chhika karqa, chay Sefelapi k'ita higo k'aspi jinapuni.

2 Crónicas 2:16

16 (15) Noqaykutaj Libanopi mashkhatachus munanki, chay chhika sach'akunata k'utushasqayku, chaytataj mama qochanejta Jope llajtakama balsapi apachimusqayku. Chaymantataj qanllaña Jerusalenman apachinki. Ajinata Tiroj kuraj kamachejnin Jiranqa Salomonman kuticherqa.

2 Crónicas 9:22

Salomonqa kay pachapi tukuy kuraj kamachejkunata qhapaj kaypi, yachayniyoj kaypiwan atiparqa.

Esdras 3:7

Chantá Templota ruwanapaj qolqeta jaywarqanku rumi ch'eqojkunaman, carpinterokunaman ima. Jinallataj Tiromanta, Sidonmanta kajkunamanpis mikhunata, ujyanata, aceitetawan apacherqanku, pino kurkuta Jatun Qochanejta Libanomanta Jopekama apamunankupaj. Chay karqa Persiamanta kuraj kamachej Ciroj kamachisqanman jina.

Job 32:8

Chaywanpis tukuy runakuna yachayniyoj kanku, imaraykuchus yachayta Tukuy Atiyniyoj Dios samaykuspa qowarqanchej.

Eclesiastés 1:16

Chantá noqa sonqoypi nerqani: Noqa manchay uyarisqa runaman tukorqani. Jerusalenpi noqamanta ñawpajta tukuy kamachejkunamanta nisqaqa, noqa astawan yachayniyoj kani, nispa.

Ezequiel 27:17

Chantá Judá ayllu, jinallataj Israel ayllumanta kajkunapis qanwan ranqheyajllataj kanku. Paykunaqa qanwan rukanankupaj Minit chantá Panag llajtamanta ima trigota, pastelkunata, abeja misk'ita, aceiteta, k'achata q'apaj jawinatawan apamoj kanku.

Hechos 12:20

Kuraj kamachej Herodesqa chaypacha manchay phiñasqa karqa Tiro llajtamanta kajkunapaj, Sidón llajtamanta kajkunapajwan. Chayrayku paykuna uj yuyaylla tantaykukuspa, kamachej Herodeswan parlaj rerqanku. Ñawpajtaqa Herodespa mayordomon Blastoman lluk'iykorqanku, paynejta Herodeswan allinyakunankupaj, imaraykuchus paykuna Herodespa suyunmanta mikhunata rantej kanku.

Deuteronomio 3:25

Mañarikuyki: Ama jina kaspa, Jordán mayuta chimparichillaway ari. Noqaqa chay jina sumaj jallp'ata, k'achitu orqorara jallp'ata, chantá Libanotawan ima rikuyta munani, nispa.