1 Reyes 3:3 - DIOSPA QHELQACHISQ

³ Salomonqa Tata Diosta munakoj, tatan Davidpa kamachisqanman jina purispa. Chaywanpis payqa loma pata altarkunapi uywa ñak'asqata jaywajraj, inciensotapis q'oshñichejraj.

Qheshwa Biblia DC

³ Salomonqa Señorta munakoj, tatan Davidpa kamachisqasninman jina purispa, chaywampis payqa lomas pata altarespi uywa ñak'asqasta jaywaj, inciensota ima q'osñichej.

DIOSPA QHELQACHISQAN DEUTEROCANONICAL

³ Salomonqa Tata Diosta munakoj, tatan Davidpa kamachisqanman jina purispa. Chaywanpis payqa loma pata altarkunapi uywa ñak'asqata jaywajraj, inciensotapis q'oshñichejraj.

1 Reyes 3:3 ပူးပေါင်းရင်းမြစ်များ

1 Reyes 11:34

Chaywanpis paymanta mana tukuynin suyutachu qhechusaj. Aswanpis kawsanankama kamachinanta saqellasaj, kamachiy Davidta munakusqayrayku. Payta ajllakorqani, paytaj kamachisqayta, nisqaytawan kasuspa junt'arqa.

1 Reyes 11:38

Sichus kay tukuy kamachisusqayta uyariwanki, munasqayman jinataj purinki, cheqanta ruwaspa, kamachisqayta, nisqaytawan kasuspa, kamachiy David junt'arqa jinata chayqa, noqaqa qanwan kasaj. Aylluykimanta kuraj kamachejkunaqa kanqankupuni, imaynachus Davidpa ayllunmanta kanku ajinata, Israel suyutataj qanman jaywasqayki.

1 Reyes 11:4

Salomón machu runaña kashajtin, warminkunaqa waj dioskunaman sonqonta kutiricherqanku. Ajinamanta payqa mana tatan David jinachu tukuy sonqowan Tata Diosta qhatikorqa.

1 Reyes 11:6

Ajinamanta Salomonqa sajratapuni ruwarqa Tata Diospa ñawpaqenpi, manataj tatan David jinachu tukuy sonqowan Tata Diosta qhatikorqa.

1 Reyes 14:23

Paykunaqa loma patapi altarkunata ruwarqanku. Chantá Asera lantikunata tukuynej orqo patapi, jatuchaj thansa sach'a urapipis sayachillarqankupuni.

1 Reyes 14:8

Davidpa ayllunmanta qhechuspa, qanman qorqayki. Qantajrí mana kamachiy David jinachu kanki. Payqa tukuy kamachisqayta kasuspa, tukuy sonqowan noqaj ñawpaqeypi cheqanta ruwaspa purerqa.

1 Reyes 15:11

Tata Diospa ñawpaqenpi Asaqa cheqanta ruwarqa, jatun tatan David jina.

1 Reyes 15:14

Loma patapi altarkunataqa mana phirerqachu. Chaywanpis Asaqa wañupunankama Tata Diosta mana wasancharqachu.

1 Reyes 15:3

Payqa tatanpa ruwasqan kikin juchallatataj ruwarqa, paypa sonqontaj Tata Dioswan mana cheqanchu karqa, imaynachus ñawpa tatan Davidpata karqa, jina.

1 Reyes 15:5

Chayta ruwarqa imaraykuchus Davidqa Tata Diospa ñawpaqenpi cheqanta ruwasqa. Wañupunankama Tata Diospa nisqanmanta mana karunchakusqachu, manachayqa jitita Uriasta wañuchichispa, juchallikusqallan karqa.

1 Reyes 22:43

43 (44) Payqa tatan Asa jina allinta purerqa, Tata Diospa ñawpaqenpi cheqanta ruwaspa. Chay tukuywanpis orqo patapi yupaychana wasikunata mana thuñicherqachu. Runakunaqa chaypi uywa ñak'asqata jaywajraj kanku, inciensotapis q'oshñichejraj kanku.

1 Reyes 22:44

44 (45) Israelmanta kuraj kamachej Ajabwan Josafatqa uj tratota ruwarqa allinta kawsanankupaj.

1 Reyes 3:14

Sitajchus munayniyta ruwaspa kawsanki, yachachisqaykunata, kamachisqaykunatapis kasuspa, imaynatachus tatayki David purerqa, ajinata chayqa, unayta kawsachisqayki, nispa. Ajinata Tata Diosqa Salomonta nerqa.

1 Reyes 3:6

Chantá Salomón nerqa: Qanqa tatay David kamachiykita mayta munakorqanki, imaraykuchus payqa cheqanta purerqa qanpa ñawpaqeykipi, cheqantapuni ruwaspa, cheqan sonqowantaj. Qantaj mayta khuyaspa, uj wawanta qorqanki kamachinan tiyanapi tiyananpaj, imaynachus kunan p'unchay kashan jina.

1 Reyes 8:25

Israelpa Tata Diosnin, junt'allaytaj kay imatachus tatay Davidman nisqaykita: Noqaj ñawpaqeypi kallanqapuni mirayniykimanta uj runa Israelpa kamachinan tiyanapi tiyaykojqa. Ajina kanqa sichus churiykikuna kamachisqayta junt'anqanku, allintataj kawsanqanku chayqa, imaynatachus qanpis noqaj ñawpaqeypi purerqanki, ajinata, nispa.

1 Reyes 8:61

Tata Diosninchejwan sonqoykichej cheqanpuni kachun, nisqanpi purispa, kunan jina tukuy kamachisqanta kasuspa, nispa.

1 Reyes 9:4

Kunantaj qan tatayki David jina cheqan sonqowan puriy, mana k'amina, tukuy ima nisqaytataj junt'ay, kamachisqayta, nisqaytawan kasuspa.

2 Reyes 12:3

Chay tukuywanpis, orqo patapi lanti yupaychana altarkunata mana thuñerqachu. Runaqa chaykunapi uywa ñak'asqata jaywallajpuni kanku, chantá inciensotawan q'oshñichej kanku.

2 Reyes 12:4

Uj kuti Joasqa sacerdotekunata nerqa: Tata Diospa Templonman runakunaj apamusqanku tukuy ofrendata tantaychej: Sapa uj paymanta paganan kajta, sonqomanta munaspa churasqanku ofrendatapis.

2 Reyes 14:3

Amasiasqa tatan Joás jina Tata Diospa munasqanman jina allinta ruwarqa, manapis ñawpa tatan David jinapunichu ruwarqa.

2 Reyes 14:4

Chaywanpis, orqo patapi lanti yupaychana altarkunata mana thuñerqachu. Runaqa chaykunapi uywa ñak'asqata chantá inciensotawan q'oshñichispa jaywashallarqankupuni.

2 Reyes 15:35

Payqa Tata Diospa Templonpa wichaynej punkunta ruwacherqa. Chay tukuywanpis, orqo patapi waj dioskunata yupaychana altarkunata mana thuñerqachu. Chayrayku runakunaqa chaykunapi uywata ñak'aspa jaywashallarqankupuni, inciensotapis q'oshñichishallarqankupuni.

2 Reyes 15:4

Chay tukuywanpis, orqo patapi waj dioskunata yupaychana altarkunata mana thuñerqachu. Chay altarkunapi runakunaqa uywata ñak'aspa, diosninkuman jaywashallarqankupuni, inciensotapis q'oshñichishallarqankupuni.

2 Reyes 18:22

Sichus niwankichejman: Noqaykoqa Tata Diosnillaykupi atinikuyku, nispa chayqa, noqa nisqaykichej: Manachu orqopi altarkunata Ezequías urmachispa kamacherqa: Judá suyupi chantá Jerusalenpi tiyakojkuna Jerusalenpi kaj altarllapi Diosta yupaychankichej? nispa.

2 Reyes 18:4

Payqa orqo patapi waj dioskunata yupaychana altarkunata thuñiykorqa, rumimanta lantikunata p'akerqa, k'ullumanta ruwasqa lantikunapis llant'arparerqa. Jinallataj Moisespa broncemanta ruwasqan kataritapis p'akillarqataj, imajtinchus israelitakunaqa chay katarita diosta jina qhawaspa, inciensota q'oshñicherqanku. Jinataj broncemanta katarita Nejustán, nispa suticharqanku.

2 Crónicas 15:17

Asaqa wañunankama tukuy sonqowan Tata Diosta qhatikorqa. Chaywanpis pay mana chinkacherqachu Israel loma patapi lanti yupaychana wasikunata.

Salmos 145:20

Tata Dios payta munakojkunata waqaychan, millayta ruwajkunatarí wañurachenqa.

Salmos 31:23

23 (24) Tata Diosta munakuychej, payta tukuy qhatejkuna. Tata Diosqa cheqan sonqoyojkunata waqaychan, wapuykachajkunamantajrí ruwasqankuman jina astawanraj qoponqa.

Levítico 17:5

Ajina kamachisqa kashan israelitakuna amaña campopi uywata ñak'anankupaj, manachayqa Dioswan Tinkukuna Toldo punkupi sacerdoteman apanankupaj. Chaypitaj sacerdotekunaqa Tata Diosman k'achata kawsakuy jaywanata jaywanankupaj chay uywata ñak'anqanku.

San Mateo 22:37

Jesustaj kuticherqa: Tukuyta Kamachej Diosniykitaqa tukuy sonqoykiwan munakunki, tukuy almaykiwan, tukuy yuyayniykiwantaj.

San Juan 14:15

Jesús yachachisqankunata nillarqataj: Munakuwankichejchus chayqa, kamachisqaykunata kasuychej.

San Juan 14:21

Pichus kamachisqayta jap'ikun, kasuntaj, chaymin cheqatapuni munakuwajqa. Noqata munakuwajtataj Tatay munakonqa. Noqapis payta munakullasajtaj, imaynachus kasqaytataj payman rejsichikusaj, nispa.

Romanos 8:28

Yachanchej Diosqa payta munakojkunaj allinninkupaj tukuy imata wakichisqanta, pikunatachus pay wajyarqa munasqanman jina, chaykunapaj.

1 Corintios 8:3

Pichus Diosta munakun, chaytaqa Dios paypata kasqanta rejsikapun.

Deuteronomio 10:12

Israelitakuna, qankunamanta Tata Diosniykichej imatataj mañakusunkichejri? Tata Diosqa kayllata ruwanaykichejta munan: Payta may jatun respetowan qhawanaykichejta, chantá kamachisqanta kasunaykichejta ima. Munallantaj payllata munakunaykichejta, tukuy sonqoykichejwan tukuy almaykichejwan ima yupaychanaykichejta.

Deuteronomio 10:13

Chantá pay munallantaj kunan kamachisqay kamachisqankunata, yachachiyninkunata ima junt'anaykichejta, tukuy imapi allin rinasuykichejpaj.

Deuteronomio 11:13

Ajinaqa qankuna, kunan qoshaykichej chay kamachisqakunata kasunkichej, chantá Tata Diosniykichejta munakunkichej, jinallataj tukuy sonqoykichejwan, tukuy almaykichejwan ima payta yupaychankichej.

Deuteronomio 30:16

Sichus kunan kamachishaykichej, chaykunata kasunkichej, Tata Diosta munakuspa munasqanman jina purispa, kamachisqanta, yuyaychasqanta, nisqantawan ima junt'aspa chayqa, kawsayta rikunkichej, ashkha wawayojtaj kankichej. Tata Diosniykichejtaj qosonqachej, chay jallp'api saminchasonqachej.

Deuteronomio 30:20

Jinallataj Tata Diosniykichejta munakuychej, kasuychej, chantá payta mana wasanchaspa qhatikuychej ima. Ñawpa tataykichej Abrahamman, Isaacman, Jacobman ima Tata Dios tiluspa qonanta nisqan jallp'api unayta kawsanaykichejpajqa, qankunamantamin kashan, nispa.

Deuteronomio 30:6

Tata Diosniykichejqa qankunaj sonqoykichejta, chantá wawaykichejkunaj sonqonkutapis kasukuyta munana sonqota ruwasonqachej, payta tukuy sonqoykichejwan, tukuy almaykichejwan ima munakunaykichejpaj. Ajinata ruwasqaykichejrayku unayta kawsankichej.

Deuteronomio 6:5

Tata Diosniykita tukuy sonqoykiwan, tukuy almaykiwan, tukuy kallpaykiwan ima munakunki.

Santiago 1:12

Kusisqamin pichus tukuy imaymana mana allin kaj qhatirejtin sinch'ita sayajqa, imaraykuchus chay mana allin kajta atipasqanmanta payqa wiñay kawsayta pilluta jina jap'enqa. Chayta Diosmin payta munakojkunaman qonanta nerqa.

Santiago 2:5

Munasqa wawqe panaykuna, allinta uyariwaychej: Manachu Diosqa pikunachus kay pachapi wajcha kajkunata ajllakun, Diospi atinikuypi qhapaj kanankupaj? Manachu paykuna kamachiyninpi chayaqeyoj kanqanku, Dios payta munakojkunaman chayaqeta qonanta nisqanman jina?

1 Samuel 9:12

Paykunataj kuticherqanku: Arí, payqa aswan jaqaypiraj kashan. Usqhayllata riychej. Kunallan kay llajtaman chayamun, imaraykuchus paykunaqa kunan p'unchay orqo patapi Tata Diosman uywa ñak'aspa q'olachinata jaywanqanku, nispa.