1 Reyes 2:4 - DIOSPA QHELQACHISQ

⁴ Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

Qheshwa Biblia DC

⁴ Señor junt'anampaj chay tukuy ima niwasqanta: Sichus wawasniyki ñankunasniypi allinta purinkuman chayqa, ñaupaqeypitaj cheqa kajta ruwaspa, tukuy sonqonkuwan tukuy yuyayninkuwantaj chayqa, ni jayk'aj faltanqachu Israelpa tronompi qampa uj qhari wawayki.

DIOSPA QHELQACHISQAN DEUTEROCANONICAL

⁴ Ajinamanta Tata Diosqa tukuy ima niwasqanta junt'anqa. Pay niwarqa: Sichus churiykikuna allinta ruwaspa purenqanku, ñawpaqeypi cheqan kajta ruwaspa tukuy sonqonkuwan, tukuy yuyayninkuwantaj chayqa, mirayniykimanta kajqa kallanqapuni Israelpa kamachinan tiyanapi tiyakuspa, Israelta kamachinanpaj, nispa.

1 Reyes 2:4 ပူးပေါင်းရင်းမြစ်များ

Génesis 17:1

Abram jisq'on chunka jisq'onniyoj watayoj kashajtin, Tata Dios payman rikhurispa, nerqa: Noqa Tukuy Atiyniyoj Dios kani. Chayrayku qan munasqayman jina cheqanta puriy.

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

2 Samuel 7:25

Ajinaqa, Tata Diosníy, noqa kamachiykiman, mirayniymanpis nisqaykitaqa wiñaypaj junt'ay, nisqaykiman jinataj ruway.

1 Reyes 1:48

Israelpa Tata Diosnenqa yupaychasqa kachun, aylluymanta ujnin kajta kamachinay tiyanapi tiyashajta rikuchiwasqanrayku, nispa.

1 Reyes 11:36

Salomonpa churinmantajrí uj jatun ayllullata qosaj, kamachiy Davidpa ayllunmanta Jerusalenpi uj kuraj kamachej kanallanpajpuni, chay llajtata noqa ajllakorqani, chaypi sutiy yupaychasqa kananpaj.

1 Reyes 3:14

Sitajchus munayniyta ruwaspa kawsanki, yachachisqaykunata, kamachisqaykunatapis kasuspa, imaynatachus tatayki David purerqa, ajinata chayqa, unayta kawsachisqayki, nispa. Ajinata Tata Diosqa Salomonta nerqa.

1 Reyes 3:3

Salomonqa Tata Diosta munakoj, tatan Davidpa kamachisqanman jina purispa. Chaywanpis payqa loma pata altarkunapi uywa ñak'asqata jaywajraj, inciensotapis q'oshñichejraj.

1 Reyes 6:12

Kay wasita ruwayta qallarisqaykirayku, kayta nisqayki: Sichus yachachisqayman jina ruwanki, nisqayman jinataj purinki, kamachisqaytataj kasuwanki chayqa, noqapis tatayki Davidman qosaj nisqayta junt'allasajtaj:

1 Reyes 8:23

Israelpa Tata Diosnin, mana qan jina Diosqa janaj pachapi kanchu, nitaj kay pachapipis. Qanqa tratoykita junt'anki, khuyakuyniykitapis kamachiykunaman rikuchinki, qanta tukuy sonqo kasuspa purejkunaman.

1 Reyes 8:25

Israelpa Tata Diosnin, junt'allaytaj kay imatachus tatay Davidman nisqaykita: Noqaj ñawpaqeypi kallanqapuni mirayniykimanta uj runa Israelpa kamachinan tiyanapi tiyaykojqa. Ajina kanqa sichus churiykikuna kamachisqayta junt'anqanku, allintataj kawsanqanku chayqa, imaynatachus qanpis noqaj ñawpaqeypi purerqanki, ajinata, nispa.

1 Reyes 9:5

Ajinatachus ruwanki chayqa, Israel suyuta kuraj kamachejqa mirayniykimanta wiñaypaj kallanqapuni. Imaynatachus tatayki Davidman nerqani: Mirayniykimanta Israel suyuta kuraj kamachejqa kallanqapuni nispa, chayman jina kanqa.

2 Reyes 20:3

Tata Dios, noqamanta yuyarikuy, imaynatachus cheqanta, allin sonqowantaj ñawpaqeykipi purisqaymanta, munayniykiman jina ruwaspa, nispa. Chantá Ezequías manchay llakisqa waqarikorqa.

2 Reyes 23:25

Kuraj kamachejkunamanta Tata Diosman tukuy sonqowan, tukuy almawan, tukuy kallpanwan ima kutirikojqa mana ujpis pay jina karqachu. Josiasqa Moisespa tukuy kamachisqanta junt'arqa.

2 Reyes 23:3

Chantá kuraj kamachejqa sayanta qayllapi sayaspa, Tata Diospa uyarinanta tratota ruwarqa, tukuy sonqomanta Tata Diosta kasuspa purinankupaj, kamachisqanta junt'anankupaj, nisqanta ruwanankupaj ima. Chantá tukuy runakuna chay tratota junt'anankuta nerqanku.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

2 Crónicas 17:3

Tata Diosqa Josafatta yanaparqa, paytaj, ñawpa tatan David jina, manapuni Baalpa imaymana lantinkunamanqa k'umuykorqachu.

2 Crónicas 6:16

Kunanqa Israelpa Tata Diosnin, junt'allaytaj kamachiyki tatay Davidman imatachus nisqaykita. Qanqa nerqanki: Churiykikunachus kamachisqayman jina allinta purenqanku, imaynatachus qan purerqanki, ajinata chayqa, mirayniykimantaqa Israel suyuta kuraj kamachej kallanqapuni, nispa.

2 Crónicas 7:18

noqa sayachisaj wiñaypaj kamachiyniykita, tatayki Davidwan kay trato ruwasqayman jina: Israelta kamachinanpajqa mirayniykimanta uj kallanqapuni, nispa.

Salmos 119:9

Imaynatataj uj waynuchu mana juchallispa kawsayta atinmanri? Simi nisqaykita kasuspalla.

Salmos 37:22

Pikunatachus Tata Dios saminchan, chaykuna kay pachata chayaqenkupaj jap'enqanku. Pikunatachus Tata Dios maldicin, chaykunarí chinkarparichisqa kanqanku.

Salmos 37:9

Millayta ruwajkuna chinkachisqa kanqanku. Tata Diospi atinikojkunarí jallp'ata chayaqenkupaj jap'enqanku.

Salmos 39:1

1 (2) Noqa nerqani: Allinta qhawaspa imatapis ruwasaj, ama simiywan juchallikunaypaj. Millayta ruwaj runa ñawpaqeypi kanankama, simiyta watakusaj, nispa.

Jeremías 33:17

Noqa Tata Diosmin kayta nini: Mana jayk'ajpis Davidpa mirayninmanta Israelpa kamachinan tiyanapi tiyajqa tukukonqachu.

Levítico 26:3

Sichus kamachisqayman jina purinkichej, kamachisqayta kasuspataj chayman jina ruwankichej chayqa,

Zacarías 14:2

Chay p'unchaypi Tata Diosqa tukuy suyukunata tantanqa Jerusalenpa contranta maqanakunankupaj. Chaypacha paykuna Jerusalén llajtata jap'enqanku, chaypi tiyakojkunaj wasinkukunatapis ch'inyachenqanku. Chay runakunaj warminkutapis alqochanqanku, chaypi tiyakojkunamantataj khuskannin waj suyukunaman apasqa kanqanku. Chaykunamanta puchojkunalla llajtapi qhepakonqanku.

San Mateo 22:37

Jesustaj kuticherqa: Tukuyta Kamachej Diosniykitaqa tukuy sonqoykiwan munakunki, tukuy almaykiwan, tukuy yuyayniykiwantaj.

San Lucas 1:6

Qhari warmi Diospa ñawpaqenpi cheqan kawsayniyoj karqanku, Diospa nisqanman jina kawsakuspa, ni pejpa k'aminan.

Deuteronomio 10:12

Israelitakuna, qankunamanta Tata Diosniykichej imatataj mañakusunkichejri? Tata Diosqa kayllata ruwanaykichejta munan: Payta may jatun respetowan qhawanaykichejta, chantá kamachisqanta kasunaykichejta ima. Munallantaj payllata munakunaykichejta, tukuy sonqoykichejwan tukuy almaykichejwan ima yupaychanaykichejta.

Deuteronomio 11:13

Ajinaqa qankuna, kunan qoshaykichej chay kamachisqakunata kasunkichej, chantá Tata Diosniykichejta munakunkichej, jinallataj tukuy sonqoykichejwan, tukuy almaykichejwan ima payta yupaychankichej.

Deuteronomio 6:5

Tata Diosniykita tukuy sonqoykiwan, tukuy almaykiwan, tukuy kallpaykiwan ima munakunki.

Deuteronomio 7:12

Sichus qankuna Tata Diospa kamachisqanta uyarispa kasunkichej, chayman jinataj kawsankichej chayqa, Tata Diosniykichejpis ñawpa tataykichejkunawan trato ruwasqanta junt'allanqataj, khuyakususqantataj rikuchisonqachej.

Judas 1:24

Uj k'ata Dios yupaychasqa kachun. Paymin qankunata waqaychasunaykichejpaj atiyniyoj ajinamanta ama urmanaykichejpaj, chantá may jina kusiywan jatun kayninpa ñawpaqenpi mana k'aminata rikhurichisunaykichejpaj ima.